Akisy. 13:2 - Ebaibul

² Apaki ŋin, abarit Aburam nooi, ayakar ŋibaren, esilipa ka egolid.

Akisy. 13:2 Iomraidhean Croise

Akisy. 12:16

Aŋuna ka aberu a ŋin, abu Parao kitiya ŋuna ajokak neni ka Aburam; inak Parao Aburam ŋamesekin, ŋimoŋin, ŋisigirya, ŋipi ka ŋapi, ŋasigirya ka ŋikaala.

Akisy. 13:6

Pa apedorit ebari kec akisiboi ikes kaapei anakwap a ŋin, anerae alal ebari kec nooi.

Akisy. 24:1

Apaki ŋin, aris Aburaam kemojoŋ kelalata ŋikaru nooi, ido aris Ekapolon kiterereŋ iŋes a ŋiboro a daadaŋ.

Akisy. 24:35

Adau Ekapolon akiterereŋ nooi ekapolon kaŋ, abar iŋes nooi, ainaki Ekapolon iŋes ŋamesekin, ŋaatuk, ŋikaala ka ŋisigirya, esilipa ka egolid, ŋiketiyak ka ŋaketiyak.

Akisy. 26:14

Ayakasi iŋes ŋisipanin a ŋamesekin, ŋisipanin a ŋaatuk ta ŋiketiyak. Aŋun, apotu Ŋipilistin kirakar ebari keŋ, kimana iŋes.

Akisy. 30:43

Apotu ŋun kitabara Yakob nooi, tolalata ŋakinei keŋ nooi ka ŋikaala ta ŋisigirya, ŋaketiyak ka ŋiketiyak.

Yob 1:10

Iuryarit iyoŋ iŋes alowaetin a daadaŋ kaapei ke ekal keŋ ka ŋiboro daadaŋ ŋulu eyakar iŋes, iterereŋ ŋiticisyo keŋ, ido alalata ŋiboro ŋulu eyakar iŋes anakwap.

Yob 1:3

Ayakar iŋes ŋamesekin ŋalipyo ŋakanikaarei, ŋikaala ŋalipyo ŋauni, ŋimoŋin aliput, ŋisigirya ŋamiae ŋakan ka ŋiketiyak ŋulu alalak nooi. Aŋun arae Yob ekile ŋolo abarit nooi akilo ŋituŋa daadaŋ ŋulu a ŋakwapin a ŋuna alo Kide Yorodan.

Ŋakit. 10:22

Erae akiterereŋiet ŋina ke Ekapolon itabari ituŋanan, emam akiyaloloŋ iatakini Ekapolon narereŋu ŋin.

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Ŋikis. 8:18

Nai totamunito Ekapolon Akuj kus, iŋes ikiinakini iyes agogoŋu ŋina iryamuniata abaru, ikotere isiyookini iŋes Acamunet keŋ ŋina abu iŋes kikoŋ neni a atapapaa kus, ido lopite ŋolo esiyookinio iŋes nakoloŋit na.

1 Tim. 4:8

Ejok akitiya etic edio aŋuna ka akuwan toryamunia agogoŋu, nai ejok alowaetin a daadaŋ arubakin itatama akiboi anakiyar a ŋina ecamit Akuj, anerae ikiikinete ŋun akiyar ŋina a tokona ka ŋina a rwanu.

1 Sam. 2:7

Ituruwonori Ekapolon ŋituŋa ŋice ŋikabarak ka ŋice ŋikulyak; ituruwonori ŋice ŋicaryo ka ŋice ŋikarwok.