Akisy. 12:3 - Ebaibul

³ Eterereŋi ayoŋ ŋulu ikiterereŋete iyoŋ, tosodi eceni ŋulu ikicenete iyoŋ. Aŋuna kon, eterereŋi ayoŋ ŋituŋa ŋulu ka akwap daadaŋ.”

Akisy. 12:3 Iomraidhean Croise

Akisy. 18:18

ikwapei eraakar Aburaam ayeni ayoŋ atemar eruwor papa a ŋituŋa a ŋulu alalak ka ŋulu etirok, ido neni keŋ iterereŋere ŋituŋa a ŋakwapin a daadaŋ a?

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Akisy. 22:18

ido eterereŋi ayoŋ ŋituŋa ŋulu ka akwap daadaŋ aŋuna a ŋiletok kon, anerae idau iyoŋ akiwuap ŋakiro kaŋ.’”

Akisy. 24:35

Adau Ekapolon akiterereŋ nooi ekapolon kaŋ, abar iŋes nooi, ainaki Ekapolon iŋes ŋamesekin, ŋaatuk, ŋikaala ka ŋisigirya, esilipa ka egolid, ŋiketiyak ka ŋaketiyak.

Akisy. 25:11

Ekaku ka atwanare ka Aburaam, kiterereŋ Akuj Isaka lokoku ka Aburaam, kiboi iŋes alo Beerilairoi.

Akisy. 26:29

ikotere nyitiya iyoŋ ŋadi ŋuna aronok neni kosi, lopite ŋolopei nyetapya isua iyoŋ ka nyitiya isua ŋadi ŋuna aronok neni kon, nai ŋuna ajokak, ido aponi isua ikitowuotokin iyoŋ emam ŋace. Tokona irae iyoŋ ŋolo ikiterereŋit Ekapolon.”

Akisy. 26:4

Etipituni ŋiletok kon tolalata ikwa ŋikacer, ainakini ikes akwap na daadaŋ. Eryamunete ŋituŋa a ŋakwapin a daadaŋ ŋarereŋisyo aloletok kon

Akisy. 27:29

Ikitiyanakinete ŋituŋa iyoŋ ka eryedikete ŋituŋa a ŋakwapin neni kon. Iruwor iyoŋ ekapolon a ŋikaitotoi kon, ekukonokin ŋisapa ŋulu ke ekal kus aloŋaren kon, ilamam ituŋanan daadaŋ ŋini ikilami iyoŋ ka erereŋ ituŋanan daadaŋ ŋini ikiterereŋi iyoŋ.”

Akisy. 28:14

elalata ŋiletok kon ikwa apuwa ŋina a ŋalup; ilaparosi lowae ŋolo alo Kwap, alo Kide, alo Kuju ka ŋolo alo To; ido eterereŋi ayoŋ ŋituŋa ŋulu ka akwap daadaŋ aŋuna a ŋiletok kon.

Akisy. 30:27

Nai tema Laban neni a Yakob, “Kimyekinae ayoŋ okolimok ŋuna acamit alimun, adau ayoŋ ayenun anakisileerekinet ke Ekapolon atemar eketerereŋ ayoŋ Ekapolon aŋuna kon.

Akisy. 30:30

Kire, paaran eriŋa ayoŋ nyebuno akiyok, akudyoko ŋaatuk kon, ido tokona apitutu nooi ka ikiterereŋ Akuj iyoŋ aneni daadaŋ abu ayoŋ olosyo ikes. Nai tokona, ori mono etanunia ayoŋ ŋituŋa a ekal kaŋ daŋ.”

Akisy. 39:5

Anyoun apaki ŋin, ŋina eturuworere Yosepu ekapolon a ŋuluce alokal a ŋol ka ainakinere akidar ŋiboro daadaŋ ŋulu ayakar Potipar, kiterereŋ Ekapolon ekal a Ejipitanoit a ŋol aŋuna a Yosepu. Kiterereŋ Ekapolon ibore daadaŋ ŋini ayakar iŋes kai ka lomanikor.

Ŋikiru. 72:17

Elipi nyimuryakin ekiro ke erwosit ŋikaru ka ŋikaru, elipi torubakis erwosit ka ŋiletok keŋ ipukatoŋikaru ka ŋikaru. Eryamunete ŋakwapin daadaŋ arereŋu aŋuna keŋ, ido enyaraete ikes iŋes ŋolo erereŋ.

Awos. 23:22

“Nai ani kimitakis iyes akiirar ŋuna irworo iŋes, ido kitiyata daadaŋ ŋuna abala ayoŋ kitiyata, abuni nai ayoŋ aruwor emoit a ŋimoe kus, ido etepegi ayoŋ ŋulu ikitepegete iyes.

Ekim. 24:9

Apero ikes alokwap lopite ŋolo eperyo eŋatuny, lopite ŋolo eperyo aŋatuny edapit ibore, ŋae epedori akitonyoun ikes? Erereŋ ŋituŋa daadaŋ ŋulu ikiterereŋete iyes, icenen ŋituŋa daadaŋ ŋulu ikicenete iyes.”

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Mat. 25:45

Akalimokini ayoŋ iyes kire atemar, ŋinapaki daadaŋ iponiata iyes nyiŋarakis ipei a ŋikaitotoi a ŋulu caryo, ipotu iyes nyikiŋarakis ayoŋ.

Luk. 24:27

Kisyak nai iŋes akisileerekin ikes ŋakiro ŋuna ka Akuj ŋuna igiritae Nakigireta aŋuna keŋ, ameun alokitaaboi a ŋulu a Moses tari lokadwarak daadaŋ.

Ŋirom. 4:11

Eleŋeryo iŋes ekaku, ido toruwor akileŋeryo keŋ emacar ŋolo itoodiunit atemar aŋuna ka anupit keŋ, aris Akuj kecamu iŋes erae ŋolo iyookino eriŋa nyileŋera. Aŋun, erae Aburaam papaa a daadaŋ a ŋulu enupito Akuj ka ŋulu adau iŋes acamun erae ŋulu iyookino, tari pa kileŋeritae.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

Ŋigal. 3:16

Nai tokona toyenete ebe, abu Akuj inak akiikinet keŋ neni ka Aburaam ka neni ke eletonit keŋ. Nyelimunito Ŋakigireta ebe “Ŋiletok”, iŋes atemar ŋituŋa ŋulu alalak, nai “Eletonit”, iŋes atemar ipeituŋanan bon, Kristo.

Ŋigal. 3:28

Aŋun, emam atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋipi ka ŋulu nyerae ŋipi, kidiŋ ŋikilyok ka ŋaberu; iraakasi iyes daadaŋ ŋipei anakimorikina ka Yesu Kristo.

Ŋigal. 3:8

Apotu Ŋakigireta koloŋ todwara atemar elimori Akuj atemar iyookinosi ŋituŋa ŋulu nyerae Ŋiyudayan aŋuna ka anupit kec. Aŋun apotu Ŋakigireta tolimokis Ŋakiro ŋuna Ajokak neni ka Aburaam temasi, “Iterereŋi Akuj ŋakwapin daadaŋ aŋuna kon”.

Ŋiep. 1:3

Olakaros neni ka Akuj a ŋina erae daŋ Papa ke Ekapolon yok Yesu Kristo! Anerae anakimorikina yok ka Kristo, ikiterereŋ iŋes iwon anainakin ŋarereŋisyo daadaŋ ŋuna ke Etau ŋuna anakuj.

Ŋikol. 3:11

Aŋakiro a ŋun, emam nabo atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋituŋa ŋulu ileŋeritae ka ŋulu nyileŋeritae, ŋulu a ŋikabilae a ŋice, ŋituŋa ŋulu emam akiyen, ŋipi ka ŋituŋa ŋulu elacakina, nai Kristo iŋes epol akilo daadaŋ ka eyai Kristo neni a daadaŋ.

Akis. 7:9

Ani kelunyar ŋun, abu oanyuwa asepic a ŋituŋa a ŋulu pa apedori idiotuŋanan akimarun. Arae ikes ŋulu a ŋibukui, a ŋikabilae, a ŋakwapin ka a ŋaŋajepa a daadaŋ. Apotu ikes towua alokiŋaren ekicoloŋ ŋolo a Imesek; tonapito ŋilowi ŋulu akwaŋak ka toyakatar ŋaten ŋuna a ŋaŋolya nakan kec.