Akisy. 12:2 - Ebaibul

² Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 12:2 Iomraidhean Croise

Akisy. 13:16

Etipituni ayoŋ ŋiletok kon tolalata ikwa apuwa ŋina ka akwap, ani kepedori ituŋanan akimar apuwa, iŋes atemar epedor ŋiletok kon daŋ akimarun.

Akisy. 15:5

Kitolomu Ekapolon Aburam kiŋa tema, “Kirereiyo kidiama, kimar ŋikacer erae kipedori akimar ikes.” Tolimok Ekapolon Aburam tema, “Elalata ŋiletok kon ikwa ŋikacer.”

Akisy. 17:20

Adau ayoŋ akiirar aneni kon ŋuna a Isimael, eterereŋi ayoŋ iŋes ka etipituni etalala ŋituŋa keŋ nooi. Eruwor iŋes papa a ŋirwosi a ŋitomon ka ŋiarei ka etalalauni nooi ŋituŋa keŋ.

Akisy. 18:18

ikwapei eraakar Aburaam ayeni ayoŋ atemar eruwor papa a ŋituŋa a ŋulu alalak ka ŋulu etirok, ido neni keŋ iterereŋere ŋituŋa a ŋakwapin a daadaŋ a?

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Akisy. 19:29

Nai ŋina enyasunia Akuj ŋitaunio ŋulu aya nadipo anakwap a ŋin, abu iŋes tominak Aburaam, ido tolema Lot alotaunio a ŋul apaki ŋina enyasunia ŋitaunio ŋul, ŋulu sek eboiyo Lot ekiŋaren.

Akisy. 24:1

Apaki ŋin, aris Aburaam kemojoŋ kelalata ŋikaru nooi, ido aris Ekapolon kiterereŋ iŋes a ŋiboro a daadaŋ.

Akisy. 24:35

Adau Ekapolon akiterereŋ nooi ekapolon kaŋ, abar iŋes nooi, ainaki Ekapolon iŋes ŋamesekin, ŋaatuk, ŋikaala ka ŋisigirya, esilipa ka egolid, ŋiketiyak ka ŋaketiyak.

Akisy. 25:11

Ekaku ka atwanare ka Aburaam, kiterereŋ Akuj Isaka lokoku ka Aburaam, kiboi iŋes alo Beerilairoi.

Akisy. 26:3

Kiboikin nakwap ŋin, ikiruki iwon, ido eketerereŋi ayoŋ iyoŋ, anerae aŋuna kon ka aŋuna a ŋiletok kon, akainakini akwap na daadaŋ, ido esiyookini akikoŋiet kaŋ ŋina abu ekoŋ neni a papa kon Aburaam.

Akisy. 26:4

Etipituni ŋiletok kon tolalata ikwa ŋikacer, ainakini ikes akwap na daadaŋ. Eryamunete ŋituŋa a ŋakwapin a daadaŋ ŋarereŋisyo aloletok kon

Akisy. 27:29

Ikitiyanakinete ŋituŋa iyoŋ ka eryedikete ŋituŋa a ŋakwapin neni kon. Iruwor iyoŋ ekapolon a ŋikaitotoi kon, ekukonokin ŋisapa ŋulu ke ekal kus aloŋaren kon, ilamam ituŋanan daadaŋ ŋini ikilami iyoŋ ka erereŋ ituŋanan daadaŋ ŋini ikiterereŋi iyoŋ.”

Akisy. 28:14

elalata ŋiletok kon ikwa apuwa ŋina a ŋalup; ilaparosi lowae ŋolo alo Kwap, alo Kide, alo Kuju ka ŋolo alo To; ido eterereŋi ayoŋ ŋituŋa ŋulu ka akwap daadaŋ aŋuna a ŋiletok kon.

Akisy. 35:11

Tema Akuj neni keŋ, “Arae ayoŋ Akuj ŋina Etiron: Topit, tolalata ŋituŋa kon; elomunete aneni kon ŋituŋa ŋulu ka akwap a apei ka ŋituŋa ŋulu a ŋakwapin a ŋuna alalak, elomunete ŋirwosi aneni kon.

Akisy. 46:3

Tema Akuj, “Arae ayoŋ Akuj, Akuj a papa kon. Nyikuryan alosit atiyaar Ijipit, anerae eketipituni ayoŋ iyoŋ anakwap a ŋin.

2 Sam. 7:9

Arukitoe iwon ŋinapei aneni daadaŋ ibu iyoŋ tolot, ido amunya ayoŋ ŋimoe kon daadaŋ ŋulu eriwokina kiŋaren kon. Eturuwori ayoŋ ekiro kon ŋolo eyenen nooi, kikwaanikin ka ŋirorwa a ŋarwonita anakwap.

1 Ŋirw. 1:47

Adaut daŋ ŋiketiyak a erwosit alosit akitalakar ekapolon yok erwosit Daudi ebasi, ‘Ikilipi kituruwo Akuj yok ekiro a Solomon ŋolo eyenen nooi akilo ŋolo kon ka akipuka iŋes akwap ŋina alalan nooi akilo ŋina kon.’ Kijuuru erwosit kilip alokitaada,

Yob 35:8

Iteryamunit aronis kon ŋituŋa ŋuluce ŋican lopite ŋolo iryamunitor iyoŋ ka iteryamuni akiyookino kon ŋituŋa ŋuluce akitiya ŋuna iyookino.

Ŋikiru. 107:38

Abu Ekapolon kiterereŋ ikes, topitut nooi, ido abu Ekapolon nyecamak ŋibaren kec ekudyokunete.

Awos. 1:7

Nai apitaka Ŋisirael, ido apotu topitut nooi, toruworos ŋituŋa ŋulu alalak, kilelebunos nakwap a Ijipit.

Awos. 32:10

Kimyekinae ayoŋ, ikotere etonomo ka omunya ikes a aŋoit a ŋina eyai lotau kaŋ. Nai eketuruwori ayoŋ iyoŋ ka ŋiletok kon ŋituŋa ŋulu alalak nooi.”

Isa. 51:2

Totamutu Aburaam papa kus ka Sara ŋina ikidouni iyes. Apaki ŋina anyaraa ayoŋ Aburaam, arae iŋes epei bon, nai abu ayoŋ eterereŋ iŋes eturuwo iŋes ŋituŋa ŋulu alalak.

Esek. 34:26

Eterereŋi ayoŋ ikes, esilimi ayoŋ akiru edoli apaki nakiboisyo ŋuna irimokinito emukura kaŋ kidiŋ, eruwor akiru ŋin arereŋu aneni kec.

Mika 7:20

Itoodikini iyoŋ ŋituŋa kon akikinyoma kon ka amina kon ŋina nyiryaŋiryaŋa, itoodikini iyoŋ ŋun neni a ŋipapae ka Aburaam ka Yakob, lopite ŋolo ibunio iyoŋ koloŋ sek kiikinia atapapaa kosi.

Sakar 8:13

Ŋituŋa a Yudaya ka Isirael! Ikwapei paaran iraakatar iyes ŋulu ikilamete ŋigelaanotin, akaiuni tokona ayoŋ iyes toruworos arereŋu. Aŋun, totitinyokiata, Nyikuryaketa!”

Ekim. 14:12

Amunyari ayoŋ ikes a edeke, nyeruworosi nabo ikes ŋituŋa kaŋ ka etolomuni ayoŋ aneni kon ŋituŋa ŋulu egogoŋ ka eyakaunotor epedor ŋina iloit ŋina kec.”

Ekim. 22:12

Tolimok Akuj Balaam tema, “Nyilot kaapei ka ikes, nyicen ŋituŋa ŋul, anerae iterereŋitoe ikes.”

Ekim. 23:20

Kiira, akalimokinitae ayoŋ akiterereŋ, adau iŋes akiterereŋ, ido nyalemari ayoŋ arereŋu ŋin.

Ŋirom. 4:11

Eleŋeryo iŋes ekaku, ido toruwor akileŋeryo keŋ emacar ŋolo itoodiunit atemar aŋuna ka anupit keŋ, aris Akuj kecamu iŋes erae ŋolo iyookino eriŋa nyileŋera. Aŋun, erae Aburaam papaa a daadaŋ a ŋulu enupito Akuj ka ŋulu adau iŋes acamun erae ŋulu iyookino, tari pa kileŋeritae.

Ŋigal. 3:14

Abu Kristo kitiya ŋun, ikotere alotooma keŋ einakinio ŋituŋa ŋulu nyerae Ŋiyudayan ŋarereŋisyo ŋuna abu Akuj kiik neni ka Aburaam, ikotere nai toryamunere iwon ŋulu ikinupit Kristo Etau ŋolo ikiikinit Akuj.

Ŋigal. 3:7

Itemokino nai iyes toyenut ebe, ŋiletok ka Aburaam ŋulu a kire, ikes ŋituŋa ŋulu eyakatar anupit neni ka Akuj.

Ŋikis. 26:5

emaikina ŋinituŋanan tolimu ŋakiro nu alokiŋaren Ekapolon Akuj kus, “Arae papaa kaŋ Earameanit ŋolo koloŋ erimit, abu iŋes totiyaar Ijipit kiboi a nen erae egelaanot, akudyoko ŋituŋa keŋ, nai apotu ikes tolalata, toruworos ŋituŋa ŋulu agogoŋok ka ŋulu arwok.