Akisy. 11:8 - Ebaibul

⁸ Kiela Ekapolon ikes anakibois a ŋin nakwapin daadaŋ, kiteesik ikes akiduk etaun.

Akisy. 11:8 Iomraidhean Croise

Akisy. 10:25

Touru Eber ŋisapa ŋiarei, ŋolokiyae arae Peleg edounio iŋes ŋirwa ŋulu atyakatyatar ŋituŋa anakwap; arae ekiro alokaato keŋ Yokitan.

Akisy. 10:32

Ŋirorwa a ŋikalya a ŋidwe a Noa a ŋulusapa ikes ŋul, akisyakin aneni atapapaa kec, a ŋakwapin kec. Lotuŋa ŋul eelakinotor ŋituŋa nakwapin ekaku ka akalele.

Akisy. 10:5

Lopapae a Yapes ŋul akorarotor ŋituŋa ŋulu eboiyete alodiyete ŋanamyo nakwapin. Totyakaros ŋulutuŋa irworosi aŋajep apei ka erae ateker apei ka a ŋakwapin kec.

Akisy. 11:4

Temasi, “Potu, odukutu etaun yok, odukokisi aduketait ŋina aoyan ŋina edoli aita keŋ nakuj, ikotere ikiruwor iwon ŋulu ikiyenen alotuŋa, ido nyikielar iwon nakwapin daadaŋ.”

Akisy. 11:9

Aŋun, aponi tonyarae etaun ŋol Babilon, anerae abu Ekapolon kinyalak aŋajep ŋina sek arae apei anakwap, tojoŋoto ŋituŋa apupo make; tosodi kiela ikes nakiboisyo ŋuna ka akwap a daadaŋ.

Akisy. 49:7

Eruwor aŋoit kus ŋina icenen, anerae idedeŋ nooi; Eruwor anyunyura kus daŋ ŋina icenen, anerae iryenyaaka nooi! Akorakini ayoŋ ikes nakwap a ŋituŋa a Yakob, eelakini ayoŋ ikes nakwap a ŋituŋa a Isirael.

Ŋikiru. 33:10

Ituruwonori Ekapolon ŋakiro ŋuna aronok, ŋuna etukete ŋakwapin ŋacaryo; nyisiyoonokini Ekapolon ŋakiro ŋuna aronok ŋuna etukete ŋituŋa.

Ŋikiru. 92:9

Okoe Ekapolon ikiyeni isua atemar emunyaryo ŋimoe kon, ielaryo daadaŋ ŋulu itiyaete aronis.

Luk. 1:51

Etiya iŋes ŋakiro ŋuna apolok a akeekan, eela ŋulu eturok alotai kec.

Ŋikis. 32:8

Apaki ŋina akorya Akuj ŋina alokidiama nooi akwap a Ŋisirael, apaki ŋina atyakatyakaa iŋes Ŋisirael, abu kiwuak ŋikukorin a ŋakwapin a Ŋisirael iwuapit ekimar a ŋidwe a ŋulusapa a ŋulu a Isirael.