Akisy. 1:9 - Ebaibul

⁹ Tema Akuj, “Tocunakinos nakibois apei ŋakipi daadaŋ ŋuna eyakasi kwap ariwo, ido totakanu akwap neni aonon.” Apotu ŋun kitiyakin.

Akisy. 1:9 Iomraidhean Croise

Akisy. 1:8

Tolimok Akuj ariwo kidiama. Toyakaun ataboŋ ka toyakaun ataparacu, arae ŋin akoloŋit ŋina a ŋaarei.

Neem. 9:6

Tolimu nai Esira tema, “Iyoŋ bon irae Ekapolon, iyoŋ isubuni kidiama, iyoŋ isubuni nakuj ka ŋasuban daadaŋ ŋulu eya kidiama, iyoŋ isubuni akwap ka ŋiboro daadaŋ ŋulu eyakasi nakwap, ŋanamyo ka ŋisubuna daadaŋ ŋulu eya tooma kec. Iyoŋ iinakini akiyar neni kec a daadaŋ, ido ilipete neni kon ŋisubuna ŋulu eya kidiama.

Yob 26:10

Iwuakinit Akuj ariwo ŋinaluluŋ kidiama ŋakipi, iwuakinit iŋes ariwo ŋin erae ekukoru ŋolo etyakit akica ka akiryonut.

Yob 26:7

Epetakinit Akuj ewae ŋolo alo Kuju neni emam ibore eyai, iwuakinit Akuj akwap neni emam ibore igaŋitor.

Ŋikiru. 104:3

ibu iyoŋ todukok ere kon kidiama ariwo. Ilosi iyoŋ alodowuon, ilosi iyoŋ alokuwuam.

Ŋikiru. 33:7

Abu iŋes kiwuak ŋakipi a ŋanamyo iwapei lopite ŋolo iwuakinere ŋakipi namot; ecunanakini iŋes ŋakipi ŋuna alalak loburin a ŋanamyo.

Ŋikiru. 95:5

Erae ŋanamyo ŋuna keŋ, anerae iŋes abu kitiya, akwap daŋ erae ŋina keŋ, iŋes abu tosub.

Ekal. 1:7

Eleleete ŋayona daadaŋ lowae ŋolo eyai anam, nai nyilelebuna anam; erubakinete ŋayona eleleete neni pei sek alelete.

Yer. 5:22

Nyikikerito mono iyes ayoŋ a? Nyimaranete mono iyes alokiŋaren kaŋ a? Abu ayoŋ ewuak asinyon toruwor ekukoru a anam ekukoru ŋolo agogoŋon ŋolo nyepedori anam akitor, tari kenaŋanaŋaete ŋikaguragurae a ŋakipi, nyepedorete akitor nen tolunyar, tari kerwosi nooi, nyepedorete akitor kidiama ŋikukorin ŋul.

Yona 1:9

Toboŋok Yona tema, “Arae ayoŋ Eburaniyat, etopoloorit ayoŋ Ekapolon Akuj ŋina eyai nakuj, ŋina abu tosub anam ka akwap.”

2 Pet. 3:5

Eredakis ikes akiŋer ŋuna ka atemar aŋuna ka akirot a ŋina ka Akuj, ayai nakuj koloŋ sek ka aponi tosubunae akwap anakipi ka a ŋakipi.

Akis. 10:6

Abu iŋes kikoŋ alokiro ka Akuj a ŋina eyari ŋikaru ka ŋikaru, a ŋina asubuni nakuj, akwap, anam ka ibore daadaŋ ŋini eyai tooma kec; tema, “Emam nabo apaki ace ŋina idaryo.”