Akisy. 1:11 - Ebaibul

¹¹ Tema Akuj, “Kitolomu akwap ŋikito ka ŋinya, ŋinya ŋulu erayete ŋicok a ŋikabilae kec ka ŋikito ŋulu erayete ŋaraito ŋuna eya ŋicok a ŋikabilae kec.” Apotu ŋun Kitiyakin.

Akisy. 1:11 Iomraidhean Croise

Akisy. 1:12

Kitolomu akwap ŋikito ka ŋinya, ŋinya ŋulu erayete ŋicok a ŋikabilae kec ka ŋikito ŋulu erayete ŋaraito ŋuna eya ŋicok a ŋikabilae kec. Toanyu Akuj atemar ajokak ŋun.

Akisy. 1:29

Tema Akuj, “Kiŋolikisi, akainak ayoŋ iyes ŋikito daadaŋ ka ŋinya daadaŋ ŋulu erayete ŋicok anakwap, ŋolokitoe eraii daadaŋ, eruwor ŋaraito keŋ akimuj kus.

Akisy. 2:16

Kicik Ekapolon Akuj ituŋanan tema, “Ipedori iyoŋ akinyam ŋaraito a ŋolokitoe daadaŋ eyai lomanikor;

Akisy. 2:5

ariŋa ŋikito ka ŋinya ŋulu ka ariet nyepena nakwap ka ariŋa nyerupuna ibore daadaŋ alokwap, anerae ariŋa Ekapolon Akuj nyisilima akiru ka amam ituŋanan ŋini etae akwap.

Akisy. 2:9

Analup a ŋuna a emanikor a ŋol, abu Ekapolon Akuj kiturup ŋikito daadaŋ ŋulu ebusak ka ajokak aŋuna ka akimuj. Ayakasi daŋ kidiŋ emanikor ŋol ŋikito ŋiarei, epei ŋolo ka akiyar ka epei ŋolo ka ayenut ajokis ka aronis.

Yob 28:5

Erupununeete ŋikinyom alokidiama ŋalup, nai alotooma ŋalup ŋunapei ŋun, enomi akim ibore daadaŋ kinyalak.

Ŋikiru. 1:3

Ikote ikes ŋikito ŋulu edupakinitae diyete ŋayona ŋuna eya ŋakipi, ŋikito ŋulu eraete anapaki a ŋina emaikina eraeta, ka nyeiniyanarete ŋakwii kec. Ibore daadaŋ ŋini itiyaete ŋituŋa ŋul, elosi kiŋaren ejok.

Ŋikiru. 147:8

Ebutanakini iŋes ŋidouwon kidiama, eyaununui akiru kwap, iturupununui ŋinya alomukura.

Isa. 61:11

Eyauni Ekapolon akiyookino ka akipuro toyakaun nakwapin lopite ŋolo erupuniata ŋikito alokwap ka lopite ŋolo iturupunia emanikor ŋikinyom ŋulu eekinitae tooma keŋ.

Yer. 17:8

Ikwaanikin ikes ka ekitoe ŋolo edupakinitae diyete ŋakipi, ekitoe ŋolo eremorit ŋataagor keŋ nayonae. nyekuryana iŋes apaki ŋina emwanunia akwap, erubakinete ŋakwii keŋ elibak; nyebulit iŋes ekaru ŋolo emamukar akiru, erai iŋes ŋaraito keŋ jik.

Mat. 3:10

Edikino aep iteli ŋikito anataagor; ekitoe daadaŋ ŋolo nyeraii ŋaraito ŋuna ajokak, itelunio tocakakinae nakim.

Mat. 6:30

Akuj iŋes itanapi ŋinya ŋulu ka ariet --ŋinya ŋulu elibito tokona, nai ani moi kicunyae. Etya ekitanape ŋolo ikitanapya iŋes iyes ai? Okoe iyes ŋituŋa ŋulu edit anupit!

Mar. 4:28

Erupunete ŋikinyom analup, kisyaut ŋakwii, tosodi ekaku tosurosi, toraa.

1 Ŋikor. 15:38

Nai einakinio ekinyomit ŋol akuwan lopite ŋolo ecamitor Akuj; einakini iŋes ŋolokinyomit akuwan ŋina itemokino.

Ŋibur. 6:7

Iterereŋi Akuj ŋimanikorin ŋulu ijuwanarete ŋakipi ŋuna ka akiru a ŋina ilimi a ŋinapaki, ŋulu itolomunete ŋikinyom ŋulu ajokak aŋuna a ŋulu itatere ikes.

Yak. 3:12

Ŋikaitotoi kaŋ! Epedori mono ebobore akira ŋaraito ŋuna a ŋikito ka akimyet kori epedori mono ekitoe ŋolo ke epiini akira ŋaboboryo a? Nyepedori elelya ŋolo a ŋakipi a ŋuna sasam aitun ŋakipi ŋuna ajokak.