Akisy. 1:1 - Ebaibul

¹ Anakisyakinet, abu Akuj tosub kidiama ka akwap.

Akisy. 1:1 Iomraidhean Croise

2 Ŋirw. 19:15

Kilip Esekia neni ke Ekapolon tema, “Okoe Ekapolon ŋolo irae Akuj a Ŋisirael. Iyoŋ ŋolo iboi alokicoloŋ a ŋolo alokidiŋ Ŋikerubim. Iyoŋ bon irae Akuj a ŋakwapin a daadaŋ. Iyoŋ ibu tosub nakuj ka akwap.

1 Ŋakiro a ŋirwa 16:26

Erae ŋakujo daadaŋ ŋuna eyakatar ŋituŋa ŋacaryo, nai Ekapolon iŋes abu tosub kidiama.

2 Ŋakiro a ŋirwa 2:11

Abu nai Kiram erwosit ŋolo a Tiro toboŋok ŋakiro a Solomon, kigir abaruwa neni a Solomon eya ŋakiro nu, “Aŋuna eminar Ekapolon ŋituŋa keŋ, ikituruwo iyoŋ erwosit kec.”

Neem. 9:6

Tolimu nai Esira tema, “Iyoŋ bon irae Ekapolon, iyoŋ isubuni kidiama, iyoŋ isubuni nakuj ka ŋasuban daadaŋ ŋulu eya kidiama, iyoŋ isubuni akwap ka ŋiboro daadaŋ ŋulu eyakasi nakwap, ŋanamyo ka ŋisubuna daadaŋ ŋulu eya tooma kec. Iyoŋ iinakini akiyar neni kec a daadaŋ, ido ilipete neni kon ŋisubuna ŋulu eya kidiama.

Yob 26:13

Abu Akuj a ekuwuam kitojoku kidiama; abu iŋes a apedor keŋ toar emun ŋolo akeri akiŋop.

Yob 38:4

“Ai iyai iyoŋ apaki ŋina asubunia ayoŋ akwap? Tolimokinae ayoŋ erae kiyakar iyoŋ ayenut.

Yob 9:8

Akuj bon iŋes apetakini kidiama, Akuj bon iŋes itidipakini akimorokok a ŋakipi ananam.

Ŋikiru. 102:25

Koloŋo sek, ibu iyoŋ tosub akwap, ido ibu iyoŋ anapedor kon tosub nakuj.

Ŋikiru. 104:24

Okoe Ekapolon, itiyau iyoŋ ŋiboro ŋulu alalak! Itiyau iyoŋ ikes daadaŋ anaosou kon; ileleba ŋisubuna kon nakwap.

Ŋikiru. 104:30

Ani iinakini iyoŋ ekieŋanu neni a ŋisubuna kon, eyakaunosi nakwap, iwuanakini iyoŋ nakwap ŋisubuna kon ŋulukitet;

Ŋikiru. 115:15

Elipi ikiterereŋ iyes Ekapolon, ŋolo abu tosub nakuj ka akwap.

Ŋikiru. 121:2

Ebuni akiŋarakino kaŋ aneni ke Ekapolon, a ŋolo abu tosub nakuj ka akwap.

Ŋikiru. 124:8

Eyai akiŋarakino yok neni ke Ekapolon a ŋolo asubi nakuj ka akwap.

Ŋikiru. 134:3

Elipi neni ke Ekapolon a ŋolo abu tosub nakuj ka akwap, ikiterereŋ iyes alo Sion.

Ŋikiru. 136:5

Iŋes abu anapiiryanut keŋ tosub nakuj, anerae erae amina keŋ ŋina nyiryaŋyiryaŋa ŋina a ŋikaru ka ŋikaru.

Ŋikiru. 146:6

a ŋina abu tosub nakuj ka akwap, anam ka ibore daadaŋ ŋini eyai tooma kec, Akuj ŋina erae akikinyoma keŋ ŋina a ŋikaru ka ŋikaru.

Ŋikiru. 33:6

Abu Ekapolon tosub nakuj a akirot a ŋina alimuni iŋes. abu Ekapolon tosub ibore daadaŋ ŋini eyai kidiama a ŋakiro a ŋuna alimuni iŋes.

Ŋikiru. 33:9

anerae abu iŋes kirworik, ido abu akwap toyakaun; abu iŋes tolimu ŋakiro, ido abu ŋinibore toyakaun.

Ŋikiru. 8:3

Ani ŋina eŋolikinia ayoŋ kidiama, etic ŋolo a ŋakan kon, elap ka ŋikacer ŋulu idau iyoŋ akiwuakin nen;

Ŋikiru. 8:4

ataŋae mono ŋituŋa itamunit iyoŋ ŋakiro kec? Nyo imisitor iyoŋ ŋakiro a ŋituŋa? Nyo imisitor iyoŋ ŋituŋa ŋulu erae ŋikoŋinae ŋulu etwakete?

Ŋikiru. 90:2

Eriŋa ŋimoru nyitiyauna, kori eriŋa ŋalup ka akwap nyetakanuna ikwapei eyakatar, irae iyoŋ Akuj ŋina a jik.

Ŋikiru. 96:5

Erae ŋakujo daadaŋ ŋuna eyakatar ŋituŋa ŋacaryo, nai Ekapolon iŋes abu tosub kidiama.

Awos. 20:11

anerae ŋirwa ŋikanikapei, abu Ekapolon kitiya, tosub nakuj, akwap, anam ka ibore daadaŋ ŋini eyai tooma kec. Aŋun, abu Ekapolon kiterereŋ akoloŋit ŋina a Sabato kitesegu.

Awos. 31:18

Ani kedau Ekapolon akisirwor Moses alokidiama emoru Sinai, abu Ekapolon inak Moses ŋamoru ŋunadapal ŋaarei ŋuna ka Acamunet, ŋuna egirit Akuj ŋakiro ke ekimoin keŋ.

Ŋakit. 16:4

Itiyaunit Ekapolon ibore daadaŋ aŋuna ka akisitiya aŋuna keŋ, itiyaunit Ekapolon tari ŋulu aronok aŋuna ka akoloŋit a ŋina a ŋican.

Ŋakit. 3:19

Abu Akuj anaosou keŋ tosub akwap, abu Akuj anayenut keŋ kiwuak kidiama;

Ekal. 12:1

“Totamunito Ekasuban kus alorwa a ŋulu iriŋaakatar iyes irae ŋisorok, eriŋa ŋirwa ŋulu ka apalago nyedolo, eponito ŋikaru ŋulu itemaryata iyes ebe, ‘Mam nabo nyeriŋa akiyar aneni kosi esibit ibore ŋini ejok.’ ”

Isa. 37:16

“Okoe Ekapolon ŋolo a ŋajoresyo, Akuj a Isirael, iyoŋ ŋina iyai kidiama ŋisubuna ŋulu a ŋabebenuk, irae iyoŋ Akuj, iyoŋ bon irae Akuj anakwapin a daadaŋ anakwap.

Isa. 40:21

Nyeyenuna iyes a? Nyiirara iyes a? Nyelimokina iyes ŋakiro ŋinapei anakisyakinet akwap a? Nyeyenuna iyes ŋakiro ŋinapei etiyaunere akwap a?

Isa. 40:26

Kireosi kidiama kiŋolikis neni ikoni. Ŋae asubuni ŋiboorei daadaŋ ŋulu eya kidiama? Erae Akuj ŋina iwuakinit ikes esibit ŋajoresyo ka eyeni ekimar kec, enyarit ikes daadaŋ a ŋirorwa kec; anerae egogoŋ iŋes nooi, eyakar apedor ŋina etiron, mam ibore ipei daŋ ŋini icana iŋes.

Isa. 40:28

Nyeyenuna iyes a? Nyiirara iyes a? Erae Ekapolon Akuj ŋina a ŋikaru ka ŋikaru, ekasuban akwap ka ŋinibore eyai nakwap. Nyilelenyenene iŋes, kori nyeupenene; mam ituŋanan epedori ayenun ŋuna eyeni iŋes.

Isa. 42:5

“Alimu Akuj, Ekapolon ŋakiro nu atemar, Ŋae asubuni kidiama, ido topetak ariwo? Ŋae apetakini akwap ka etolomuni ibore ŋini elomunit anakwap? Ŋae einanakini ekieŋanu neni a ŋituŋa a ŋulu iboiyete anakwap ka neni a ibore a daadaŋ a ŋini elosi anakwap?

Isa. 44:24

Alimu Ekapolon Ekalakunan kus, ŋolo abu ikiyeu iyes anakookyes atatoto kus ebe, “Arae ayoŋ Ekapolon ŋolo asubuni ŋiboro daadaŋ, ayoŋ abu opetak kidiama, ayoŋ elope abu opetak akwap.

Isa. 45:18

Ŋuna alimu Ekapolon ŋolo asubuni kidiama, (Iŋes Akuj) ŋolo ayeuni ka etiyauni akwap, (iŋes esyakini akwap, pa asubuni iŋes akwap erae ŋina a egurigur, abu iŋes toyeu akwap ikotere iboiyoto ŋituŋa alotooma keŋ.) Alimu Ekapolon atemar ayoŋ Ekapolon, emam ekapolon ece eyai.

Isa. 51:13

Ikimuryak iyes Ekapolon ekasuban kus, ŋolo abu topetak kidiama ka kiwuak ŋawoeta a akwap a? Ikuryaka iyes apaaran daadaŋ aŋuna ka adedeŋu a ekesicanan a ŋolo erae etic keŋ amunyar. Nai ai tokona eyai adedeŋu a ekesicanan?

Isa. 51:16

Ewuak ayoŋ ŋakiro kaŋ nakituk kon, ekewua ayoŋ iyoŋ alotolim a akan kaŋ, adau ayoŋ apetakin kidiama ka ewuak ŋawoeta a akwap, ido adau alimokin ŋituŋa a Sion ebe, “Irae iyes ŋituŋa kaŋ.”

Isa. 65:17

“Eapi ayoŋ asubun nakuj ŋinakitete ka akwap ŋinakitete, nyetamunio nabo ŋiboro ŋuluŋorok, kori nyerubakinete eya natameta.

Yer. 10:12

Erae Ekapolon iŋes asubuni akwap a apedor keŋ, iŋes ewuakini akwap a aosou keŋ, iŋes anayenut keŋ apetakini kidiama.

Yer. 32:17

Okoe Ekapolon Akuj, arae iyoŋ isubuni nakuj ka nakwap ka apedor kon a ŋina apolon ka akan kon a ŋina agogoŋon, mam ibore ikipiyori iyoŋ.

Yer. 51:15

“Ekapolon koloŋ asubi akwap a apedor keŋ, iŋes ewuakini akwap a aosou keŋ, ka iŋes abu topetak kidiama anayenut keŋ.

Sakar 12:1

Erae nu ŋakiro a Ekapolon aŋuna a Isirael, ŋakiro a Ekapolon a ŋolo abu tosub kidiama lopite ŋolo eyakar, tosub akwap, ido inak akiyar neni a ituŋanan. Ebala iŋes ebe,

Mat. 11:25

Apaki ŋin, kirwor Yesu tema, “Alakara ayoŋ neni kon Papa, Ekapolon ŋolo anakuj ka nakwap, anerae ibu iyoŋ kiwua ŋakiro ŋun aneni a ŋikaosok ka ŋipiiryanotin, nai kisileereu neni a ŋidwe a ŋulu cicik.

Mar. 13:19

Anerae alorwa a ŋul, eyakaunosi ŋakisicaneta ŋuna nyetakanuna ŋinapei koloŋ kesubia Akuj ŋiboro daadaŋ anakwap tari tokona; kori nyepote nabo jik ŋican ŋulu ikote ŋul.

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

Ŋitic. 17:24

Akuj na ŋina asubuni akwap ka ibore daadaŋ ŋini eyai tooma keŋ, ŋina erae Ekapolon ŋolo anakuj ka akwap; nyiboi iŋes anakais a ŋuna edukito ŋituŋa akilipya ŋakujo.

Ŋitic. 4:24

Ani iirarete ikes ŋakiro ŋun, kikeut daadaŋ ŋitoilon kec kaapei, kilipa neni ka Akuj temasi, “Ekapolon ka ekasuban nakuj, akwap ka anam ta ŋinibore eyai tooma kec daadaŋ!

Ŋirom. 11:36

Anerae abu iŋes tosub ŋiboro daadaŋ ka itorunito ŋiboro daadaŋ neni keŋ ka eyakasi aŋuna keŋ. Toyai apolou neni ka Akuj ŋikaru ka ŋikaru! Amen.

1 Ŋikor. 8:6

nai aneni yok eyai Akuj apei bon, Papa ŋolo asubi ŋiboro daadaŋ, ŋolo ikiteyari iwon ka eyai iwon Ekapolon epei bon, Yesu Kristo ŋolo asubia Akuj ŋiboro daadaŋ, ido iŋes ikiyarya iwon.

Ŋiep. 3:9

Aponi daŋ okinakin akisileerekin lotuŋa epite ŋolo itiyakinia Akuj ŋuna imunono ŋuna elosikinit iŋes. Abu Akuj, ŋina erae akasuban a ŋiboro daadaŋ kiwua ŋuna imunono ŋun ŋikaru daadaŋ ŋulu alunyarosi;

Ŋibur. 1:10

Igiritae nabo a Nakigireta aŋuna keŋ ebe, “Ekapolon, iyoŋ koloŋ isubuni akwap anakisyakinet ka iyoŋ pei ibu tosub nakuj.

Ŋibur. 1:2

nai ŋirwa ŋulu esidyok lu erwor iŋes neni yok alotooma Lokoku keŋ. Iŋes abunio Akuj tosubunia akwap, toseu iŋes aryamun ŋiboro daadaŋ ekaku.

Ŋibur. 11:3

Anupit iŋes ikiyenia iwon atemar kesubi Akuj akwap kan akirot keŋ, aŋun ibore ŋini ikite iwon, kitiyaunio aloboro a ŋulu nyetakanete.

Ŋibur. 3:4

Eyai kire ŋolokal daadaŋ ekekadukon, nai Akuj iŋes erae akadukon a ŋiboro a daadaŋ.

2 Pet. 3:5

Eredakis ikes akiŋer ŋuna ka atemar aŋuna ka akirot a ŋina ka Akuj, ayai nakuj koloŋ sek ka aponi tosubunae akwap anakipi ka a ŋakipi.

1 Yoa. 1:1

Erae ŋakiro nu ŋuna ikamunito Akirot ŋina ka akiyar a ŋina ayai anakisyakinet. Aponi isua kiirarae ka kiŋolikinae a ŋakonyen kosi a ŋilopeyek; kire ikianyu isua iŋes ka ikitap a ŋakan kosi.

Akis. 10:6

Abu iŋes kikoŋ alokiro ka Akuj a ŋina eyari ŋikaru ka ŋikaru, a ŋina asubuni nakuj, akwap, anam ka ibore daadaŋ ŋini eyai tooma kec; tema, “Emam nabo apaki ace ŋina idaryo.”

Akis. 14:7

Abu iŋes kirwor a etoil a ŋolo apolon tema, “Tokerito Akuj ka kitopoloorito iŋes! Anerae adolu apaki ŋina etubokinia iŋes ŋituŋa. Kilipa neni a ŋolo asubuni nakuj, akwap, anam ka ŋilelyan!”

Akis. 21:6

Tema nabo neni kaŋ, “Erikakin! Arae ayoŋ Alpa ka Omega--Akisyakinet ka Asalunet. Ŋini daadaŋ enyami akure, ainakini ŋakipi ŋuna emam egyelit, ŋuna aloitanit a ŋolo ka akiyar.

Akis. 22:13

Arae ayoŋ Alpa ka Omega, ŋolo Eŋarenon ka ŋolo Esidyon--Akisyakinet ka Asalunet.”

Akis. 3:14

“Kigir neni ke emalaika a ŋolo ka atukot a Ŋikristo alo Laodikeya atemar: “Erae ŋakiro nu ŋuna eponito aneni a ŋolo enyaritae Amen, esuuda ŋolo ikinyomitae ka ŋolo a kire ŋolo erae akisyakinet ŋina a ŋisubuna ka Akuj.

Akis. 4:11

“Ekapolon ka Akuj kosi! Emaikina iyoŋ toryamu apolou, akerit, ka apedor, anerae ibu iyoŋ tosub ŋiboro daadaŋ, ka aŋuna ka acamit kon ibu tosub ikes inak akiyar.”