Akis. 9:17 - Ebaibul

¹⁷ Anakiruja kaŋ, abu oanyuwa ŋaŋolei ka ŋikametok kec alopite a lo: anapito ŋikametok ŋarapeta ŋuna areŋak ikwa akim, topusiyaka ikwa ebuulu ka tonyaŋaaka ikwa Sulpa. Ekote ŋakyes ŋuna a ŋaŋolei a ŋun ŋuna a ŋiŋatunyo, alomunit akim, apuru ka Sulpa anakituka kec.

Akis. 9:17 Iomraidhean Croise

Akisy. 19:24

Totiyau Akuj sulpa ka akim alokidiama ikwa akiru lotaunio ŋulu a Sodoma ka Gomora;

1 Ŋakiro a ŋirwa 12:8

Apotu Ŋigadi ŋice toloto neni a Daudi apaki ŋina ayakar naloŋisat neni eboiyo iŋes anaturukan. Arae ikes ŋikajiok ŋulu atitinyok, ŋulu etemokino ajiore, ido apedorito akitiŋ ŋaupala ka ŋakwaaras. Atakanete ikes aloreetin esibit ŋiŋatunyo, ido apiraka ekote ŋagetei ŋuna eya lokamukumukui.

Ŋikiru. 11:6

Ecakakini iŋes neni a ŋulu aronok ŋatotol ŋuna eriraete ka ibore ŋini erirae ŋini enyaritae Sulpa. Isicani Ekapolon ikes a ekuwuam a ŋolo amwanan pe;

Isa. 30:33

Itemokinitoe sek ka aŋorot akibois, itemokinitoe akibois ŋin aŋuna a erwosit ka Asiriya. Ecukul ka elapat neni inokakinitae akim ŋin ka elal akim a nen ka elalak ŋakito. Ekieŋanu a Ekapolon itule akim ŋin torirau ikwa apetoron.

Esek. 33:22

Eboŋ sek eriŋa nyedolo akoloŋit ŋina abunio ekasiiunan ŋol alo Yerusalem, aris ayoŋ kayenu atemar ayai Ekapolon neni kaŋ, aris Ekapolon keŋaa akituk kaŋ eriŋa ekasiiunan ŋol nyedoluno neni kaŋ, akoloŋit ŋinace taparacu. Aŋun, aŋaara akituk kaŋ, pa nabo ekepiyorit ayoŋ akirworo.

Dan. 8:2

Anakisileerekinet a ŋina ete ayoŋ anakiruja, abu ayoŋ eŋolik ayai Susa lotaun ŋolo apolon ŋolo ayai Elam natyakatait a akwap a Babilon, awoi ayoŋ alodiyete aŋolol ŋina enyaritae Ulai.

Dan. 9:21

ka ani eriŋa ayoŋ erworo elipi, bu Gabriel ŋolo sek eŋolikinit ayoŋ anakisileerekinet neni kaŋ ekeri nooi topori, abu iŋes bu neni kaŋ, apaki ŋina einanakinere amuronot ŋina ke eboŋ.

Akis. 11:5

Ani kikatak idiotuŋanan akiwan ikes, elomuni akim anakituka kec, toar ŋimoi kec; ikwaŋinapei, ŋini daadaŋ ikatakini akiwan ikes, earyo.

Akis. 14:10

ebuni iŋes elope akimat epiini ŋolo ka Akuj; epiini ŋolo ka anyunyura a ŋina ka Akuj, ŋolo abukoki iŋes pa ecaritae lokopo ŋolo ka aŋoit keŋ! Iŋes daadaŋ ŋini itiyae ŋun, isicanio ka akim ka Sulpa alokiŋaren ŋimalaikan ŋulu ka Akuj ka Imesek.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Akis. 20:10

Aponi kimasakinae Satan ŋolo amodikini ikes nanam ŋina ka akim ka ŋina a Sulpa neni aris kimasakin etyaŋ ka ekadwaran ŋolo alyokonon; isicanio ikes apaaran ka akuwar ŋikaru ka ŋikaru.

Akis. 21:20

ŋina a ŋakan arae ŋina areŋan ka anyaritae Oniks, ŋina a ŋakanikapei anyaritae Karanelia, ŋina a ŋakanikaarei arae ŋina nyaŋ-aliban ka anyaritae Krisolait, ŋina a ŋakanikauni arae ŋina pus-aliban ka anyaritae Beril, ŋina a ŋakanikaomwon arae ŋina nyaŋ ka anyaritae Topas, ŋina a ŋatomon arae ŋina oŋor-aliban ka anyaritae Krisopreis, ŋina a ŋatomon ka apei arae ŋinapus ka anyaritae Yacins ka ŋina a ŋatomon ka ŋaarei arae ŋina pus-areŋan ka anyaritae Ametist.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 9:18

Apotu ŋakisicaneta ŋunauni nu: akim, apuru ka Sulpa, ŋuna alomunito anakituka a ŋaŋolei, toara atutubet apei alotooma ŋunauni ŋuna a ŋituŋa.

Akis. 9:9

Arapap ŋatorobwo kec a ŋarapeta a ŋuna etiyaunitae a ŋasuwa, eruye ŋolo a ŋabebenuk kec ekwaan ka eruye ŋolo a ŋagaari a ŋuna irito ŋaŋolei a ŋuna emaryaara lojiye.