Akis. 8:11 - Ebaibul

¹¹ (Anyaritae etop ŋol “Adwaris”.) Abu atutubet apei ŋina a ŋakipi alotooma ŋunauni todwaryar, totwaka ŋituŋa ŋulu alalak aŋuna amasyata ŋakipi ŋun, anerae kepotu todwaryata.

Akis. 8:11 Iomraidhean Croise

Awos. 15:23

Ani edolunete neni enyaritae Mara, nyepedosi akimat ŋakipi akibois a ŋin, anerae adwarak. (Aŋuna adwaryata ŋakipi a nen iŋes anyaritere akibois ŋin Mara.)

Ŋakit. 5:4

nai ekaku, eroniar iŋes aneni kon ikokini aronis keŋ neni edwarya ecucuka, ikokini aronis keŋ neni ikicumia ekileŋ ŋolo ekwaka ŋiwaetin daadaŋ.

Yer. 23:15

Aŋun, alimu Ekapolon ŋolo a ŋajoresyo ŋakiro nu aŋuna a ŋikadwarak ebe, “Ainakini ayoŋ ikes kimuja ŋikur ŋulu a ŋakito ka ainakini ayoŋ ikes tomata ŋakipi ŋuna eyai ibore ŋini aaran, anerae neni a ŋikadwarak a Yerusalem akoraror amamukau anupit lotuŋa a akwap daadaŋ.”

Yer. 9:15

Alimu tokona Ekapolon ŋolo a ŋajoresyo Akuj a ŋituŋa a Isirael atemar ainakini ayoŋ ŋituŋa lu ekurut ŋolo a ŋakito kimuja ka ainakini ikes tomata ŋakipi ŋuna eyai ibore ŋini aaran.

Aum. 3:19

Ani ŋina atamunia ayoŋ ŋican kaŋ ka amamukau neni eboiyo, erae ŋican ŋulu apipilak ka ŋulu adwarak tel.

Aum. 3:5

Akagoloki Akuj ayoŋ neni aryamunitor ŋican ka aryeba.

Amos 5:7

Ekaŋ iyes ŋulu ilocete akiyookino toruwor ibore ŋini nyejok, iyes ŋulu itojokito aronis, iyes ŋulu imyekinito akitiya ŋuna iyookino!

Amos 6:12

Epedorete mono ŋaŋolei akiker alomukura a? Epedori mono ituŋanan akitare nanam a? Nai ilocokis iyes akitub ŋakiro anakiyookino, ituruwosi ibore ŋini aaran, ituruwosi iyes akiyookino ibore ŋini nyejok,

Sakar 13:8

ido alotooma akwap daadaŋ, etwakete ŋituŋa ŋulu edolit ŋiarei alotooma ŋiuniuni. Eyari ipei alotooma ŋiuniuni.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Ŋikis. 29:18

Acepaki eyai kidiŋ kus ekile, kori aberu, kori ekal, kori ekabila, ŋolo ebatar etau keŋ anakiwuapit Ekapolon Akuj yok aŋuna ka akitiyanakin ŋakujo a ŋituŋa a ŋul. Nyemaikina eyai kidiŋ kus ituŋanan ŋini ikokini ekitoe ŋolo eyai adwaris, ido yau ŋican.

Ŋibur. 12:15

Tocoito nyiboŋosi anajokis a ŋina ka Akuj. Nyitemokino idio kus ikokini ekitoe ŋolo erono adwaris keŋ, ido yau ŋican ka tomunaiya ŋikalalak.

Akis. 12:4

Torarau elado keŋ atutubet apei alotooma ŋunauni ŋuna a ŋikacer, kimasa kwap. Towo epiu ŋol alokiŋaren aberu, ikotere enyamia ikoku apaki ŋina idounere.

Akis. 8:7

Abu emalaika ŋolo esyaunan tokutak arupepe keŋ. Potu ŋakako ka akim inyaluna ka ŋaokot tobukunos nakwap. Tonomiya atutubet apei alotooma ŋunauni ŋuna ka akwap, tonomiya nabo ŋikito daŋ apeitutubet alotooma ŋunauni, ka abu tonomiya ŋinya ŋulu alibak daadaŋ.

Akis. 9:15

Aponi tolacakinae ŋimalaikan ŋuluomwon ŋulu etemokinitoe aŋuna a esaa a ŋol ka akoloŋit a ŋin, ka aŋuna a elap a ŋol ka aŋuna a ekaru a ŋol, akiar atutubet apei alotooma ŋunauni ŋuna a ŋituŋa.

Akis. 9:18

Apotu ŋakisicaneta ŋunauni nu: akim, apuru ka Sulpa, ŋuna alomunito anakituka a ŋaŋolei, toara atutubet apei alotooma ŋunauni ŋuna a ŋituŋa.

Rus. 1:20

Tolimok Naomi ikes tema, “Nyikinyarata ayoŋ nabo Naomi, (A ŋaburaniyae apolou a Naomi iŋes atemar alakar ) tonyarae ayoŋ Mara, (A ŋaburaniyae apolou a Mara iŋes atemar amamu alakar.) anerae etiya Ekapolon ŋolo etiron erono nooi neni kaŋ.