Akis. 7:17 - Ebaibul

¹⁷ Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”

Akis. 7:17 Iomraidhean Croise

Ŋikiru. 22:26

Imujete ŋulu a ŋican kimwoko; ipurete Ekapolon ŋulu itopoloorito iŋes, elipi inak Akuj ikes alakara anakiyar kec a daadaŋ

Ŋikiru. 23:5

Itemonokini iyoŋ ŋasuban aŋuna kaŋ, alokiŋaren ŋimoe kaŋ; ikijauni iyoŋ ayoŋ ikwapei epeyonon ŋolo itopolooritae ka ileleba ekopo kaŋ ilapanar.

Ŋikiru. 28:9

Okoe Ekapolon, toiu ŋituŋa kon, kiterereŋ ŋituŋa kon; toruwor ekeyokon kec ka kiric ikes ŋikaru ka ŋikaru.

Isa. 12:3

“Elakarosi ŋituŋa ka Akuj apaki ŋina eiunia Akuj ikes; elakarosi ikes lopite ŋolo elakarotor ŋituŋa ŋulu enyamit akure emasete ŋakipi.”

Isa. 25:6

Esubakini alomoru alo Ekapolon ŋolo a ŋajoresyo ŋasuban ŋuna ka akimuj a ŋina ajokan aŋuna a ŋituŋa a daadaŋ, ŋasuban ŋuna a epiini a ŋolo abobon nooi, ŋuna ka akimuj a ŋina ajokan nooi ka epiini ŋolo abobon nooi ŋolo eliitae ejok.

Isa. 25:8

Emyetari nai Ekapolon Akuj ŋakiyo anakonyen a ŋituŋa a daadaŋ, elemari iŋes akadakinit aneni a ŋituŋa keŋ anakwap a daadaŋ. Ekapolon elope alimu ŋun.

Isa. 30:19

Kire jik, okoe ŋituŋa a Sion, ŋituŋa ŋulu iboiyete alo Yerusalem, nyigworete iyes nabo jik. Itiyae iŋes ajokis neni kus apaki ŋina iirarya akigworo kus, ani iirari iŋes akigworo kus, ikiboŋokini iŋes iyes.

Isa. 30:25

Akoloŋit ŋina earere ŋimoe kus ŋulu alalak ŋina eritarere ŋaduketa ŋuna aoyak, eyakaunosi ŋayona ŋuna elelyaata ŋakipi alomoru a ŋulu aoyak a daadaŋ ka alokamukumukui a ŋulu aoyak a daadaŋ.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Isa. 49:9

Alimonokin ŋimabus ebe, ‘Tolomutu kiŋa,’ alimonokin ŋulu eya nakiryonut ebe, ‘Kitoodiunos.’ Eryamunete ikes akimuj emeto ŋirotin, eryamunete ikes akimuj alokidiama ŋikamukumukui daadaŋ ŋulu emam ŋikito.

Isa. 51:11

Aŋun, eboŋunete ŋituŋa ŋulu elakakinit Ekapolon, epote Sion eosi, eyakaunotor ikes alelyanu ŋina nyedaun, eryamunete ikes alelyanu ka alakara, emamukaun aneni kec akiyaloloŋ ka akisuta.

Isa. 60:20

Nyedoiyori nabo akoloŋ aneni kus, kori nyedoiyori nabo elap aneni kus, anerae Ekapolon iŋes eruwor akica kus ŋina a ŋikaru ka ŋikaru, ido edaunosi ŋirwa ŋulu ka akiyaloloŋ kus.

Isa. 65:19

Abuni ayoŋ alelyan alo Yerusalem ka alakar aŋuna a ŋituŋa kaŋ; nyiiraryo nabo akigworo alotooma keŋ, kori nyiiraryo nabo akigworo aŋuna a ŋican.

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 31:9

Epote ikes igworosi, ido enyakuni ayoŋ ikes emaimai, etorunio ayoŋ ikes nayona ŋuna a ŋakipi, etorunio ayoŋ ikes lorot ŋolo ecorot ŋolo emam ibore igukini ikes, anerae aruwor ayoŋ papa a Ŋisirael ka erae Epuraim lokoku kaŋ ŋolokiyae.”

Esek. 34:23

“Ewuakini ayoŋ ekeyokon epei kiyok ikes, ekeyokon ŋol iŋes Daudi eketiyan kaŋ, itani iŋes ŋamesekin kaŋ, iyokiuni ejok erae ekeyokon kec.

Mika 5:4

Apaki ŋina ebunio ekepukan ŋol, ipukae iŋes ŋituŋa keŋ ka apedor a ŋina a Ekapolon ka anapolou a ŋina ailiilon a ŋina ke ekiro ke Ekapolon Akuj keŋ. Iboikinosi ŋituŋa keŋ eiuna, anerae eyenunete ŋituŋa ka akwap a daadaŋ agogoŋu ŋina eyakar iŋes.

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Mat. 2:6

‘Iyoŋ Betelem akwap a Yuda, meere iyoŋ idit nooi alotaunio a ŋulu a Yuda. Anerae alotooma kon elomuni ekarikon ŋolo iyoki ŋituŋa kaŋ Ŋisirael.’ ”

Mat. 5:4

Erereŋ ŋulu iyaloloŋete; ebuni Akuj akisirworiun ikes.

Yoa. 10:11

“Arae Ayoŋ ekeyokon ŋolo ajokan. Ejali ekeyokon ŋolo ajokan akeekiyar aŋuna a ŋamesekin keŋ.

Yoa. 10:14

Arae Ayoŋ ekeyokon ŋolo ajokan. Ayeni ayoŋ ŋamesekin kaŋ ka akayenete ikes ayoŋ,

Yoa. 4:10

Toboŋok Yesu tema, “Kerae toyeni iyoŋ ainakinet ŋina ecamit Akuj ainakin iyoŋ ka ŋolo ebala iyoŋ ‘Kitamatae,’ kiŋisit iyoŋ iŋes ka kikiinakinit ŋakipi ŋuna eteyarak.”

Yoa. 4:11

Tolimok aberu iŋes tema, “Ekapolon, imamukar iyoŋ ibore ŋini okunet ŋakipi, nabo daŋ eoya akare. Ai nai ilemunia iyoŋ ŋakipi ŋuna eteyarak ŋun?

Yoa. 4:14

nai ŋini emasi ŋakipi ŋuna ainakini ayoŋ iŋes, nyenyami akure nabo jik. Ŋakipi ŋuna abuni ayoŋ ainakin iŋes, eruworosi aneni keŋ eitanit ŋolo a ŋakipi a ŋuna eyaunete akiyar ŋina nyedaun.”

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

1 Pet. 5:2

Kiyoko ejok ŋamesekin ŋuna erae ŋituŋa ŋulu ikiinakinit Akuj iyes. Nyitiyata ŋun anakitiŋakina, nai anainakina ikwaŋina ecamitor Akuj, meere aŋuna ke eropit ca, nai aŋuna ka acamit akitiya.

Akis. 14:4

Erae ikes ŋikilyok ŋulu nyiryamakina ka ŋaberu, anerae etaleoro ikes. Iwuapito ikes Imesek neni elosi daadaŋ. Aponi toiunae ikes alokidiŋ ŋituŋa ŋuluce ka erae ikes ainakinet ŋina ke ekiŋaren ŋina ainakinio neni ka Akuj ka neni a Imesek.

Akis. 21:22

Nyiŋolikina ayoŋ Akai ka Akuj alotaun a ŋolo apolon, anerae Ekapolon Akuj ŋina etiron ka Imesek ikes erae Akai ka Akuj keŋ.

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.

Akis. 21:4

Emyetari iŋes ŋakiyo daadaŋ anakonyen kec, nyeyakaun nabo atwanare, nyeyakaun nabo akiyaloloŋ kori akigworo kori aryeba. Aŋopiyasi ŋiboro ŋulu ŋorok.”

Akis. 21:6

Tema nabo neni kaŋ, “Erikakin! Arae ayoŋ Alpa ka Omega--Akisyakinet ka Asalunet. Ŋini daadaŋ enyami akure, ainakini ŋakipi ŋuna emam egyelit, ŋuna aloitanit a ŋolo ka akiyar.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.

Akis. 4:11

“Ekapolon ka Akuj kosi! Emaikina iyoŋ toryamu apolou, akerit, ka apedor, anerae ibu iyoŋ tosub ŋiboro daadaŋ, ka aŋuna ka acamit kon ibu tosub ikes inak akiyar.”

Akis. 5:6

Abu ayoŋ eŋolik Imesek ewuoi alokidiŋ ekicoloŋ irikaunito ŋisubuna ŋuluomwon ka ŋikatukok. Atakani Imesek esibit earitae. Ayakar iŋes ŋamomwar ŋakanikaarei ka ŋakonyen ŋakanikaarei, ŋulu erae ŋitai ŋulukanikaarei ŋulu ka Akuj ŋulu iyakiyaritae nakwap daadaŋ.