Akis. 6:16 - Ebaibul

¹⁶ Temasi ikes neni a ŋimoru ka ŋatabab, “Tocakunos kare ca neni kosi ikiwua anakonyen a ŋolo iboi alokicoloŋ ka ananyunyura a ŋina a Imesek!

Akis. 6:16 Iomraidhean Croise

Ŋikiru. 14:5

Ikes nai ŋul, abul ikes nooi, anerae erukito Akuj ka ŋulu iyookino.

Isa. 2:10

Iyes ŋituŋa a Yakob, tolomasi natabab toŋopa alokwap anacukulei; toŋopa ikuryaka aŋuna a Ekapolon ka aŋuna ka apolou keŋ a ŋina ailiilon.

Yer. 8:3

Iitanete anakiboisyo a daadaŋ a ŋuna erita ayoŋ ikes ŋipiya a ŋituŋa a ŋulu aronok a lu atwanare, akilo akiyar.”

Osea 10:8

Emunaaryo ŋakiboisyo ŋuna aoyak ŋuna eya Apen, ŋakiboisyo ŋuna aponeta Ŋisirael toseceta. Erupunete ŋinya ka ŋikukwa anamuroeta kec. Etemarete ikes neni a ŋimoru, “Kiwuae isua” ka etemarete ikes neni a ŋikamukumukui, “Toritaunosi neni kosi.”

Mat. 26:64

Tolimok Yesu iŋes tema, “Idau iyoŋ alimun. Nai akalimokini ayoŋ iyes atemar, kelunyar nu, ianyuwarete Lokoku a Ituŋanan iboi aloteten Akuj ŋina alokidiama nooi ka ebunit alokidiama ŋidouwon ŋulu anakuj.”

Mar. 3:5

Kitek Yesu ikes daadaŋ eŋoit, kitiilito daŋ aŋuna ka aniniku a ŋakecetameta. Tolimok nai ekaŋwalan tema, “Toriyo akonikan.” Toriyo iŋes, toŋaleu akeekan.

Luk. 23:30

Ŋirwa ŋul, elimokinete ŋituŋa ŋimoru etemarete, ‘Totiyakinetei isua!’ Nabo elimokinete ŋimukura etemarete, ‘Kiwuae isua!’

Akis. 10:6

Abu iŋes kikoŋ alokiro ka Akuj a ŋina eyari ŋikaru ka ŋikaru, a ŋina asubuni nakuj, akwap, anam ka ibore daadaŋ ŋini eyai tooma kec; tema, “Emam nabo apaki ace ŋina idaryo.”

Akis. 19:15

Alomunit anakituk keŋ atum ŋina akwaŋan ŋina ilounia iŋes ŋakwapin. Ipukae iŋes ikes ka aryenyeo ka ecuuni a ŋakejen keŋ epiini anacuet a ŋina ke epiini, ŋina erae anyunyura ka Akuj a ŋina etiron.

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.

Akis. 4:2

Ŋinapeipaki abu apedor ŋina ke Etau a ŋolo Asegan min neni kaŋ. Ayai nakuj ekicoloŋ ŋolo eboiyo ituŋanan ice.

Akis. 4:5

Bu alokicoloŋ akimilyaunet, eruye ka akirurum ŋina ka agirokin. Alokiŋaren ekicoloŋ, ayakasi ŋagilae ŋakanikaarei ŋuna anepete, ŋuna erae ŋitai ŋulukanikaarei ŋulu ka Akuj.

Akis. 4:9

Apaki daadaŋ ŋina ipurioto, ŋina itopolooryata ka ŋina italakaryata ŋisubuna ŋul ŋini iboi alokicoloŋ ka ŋini eyari ŋikaru ka ŋikaru,

Akis. 5:1

Abu ayoŋ eŋolik ekitaabo anakan a ŋina aloteten a ŋolo eboi alokicoloŋ; egiritae ekitaabo ŋol ŋiwaetin daadaŋ ka epucitae a ŋakipuceta a ŋakanikaarei.

Akis. 6:10

Apotu ŋitai ŋul kiworout a etoil a ŋolo apolon temasi, “Ekapolon ŋolo etiron, ŋolo Asegan ka ŋolo a kire! Apaki mono ŋina etya ai iyai iyoŋ eriŋa nyebuno atubokin ŋituŋa ŋulu ka akwap, ido kisican ikes aŋuna ikiaryata isua?”

Akis. 9:6

Alolapyo a ŋulukan a ŋul, iwarete ŋituŋa atwakare, nai nyeryamunete; iwarete epite ŋolo twanet, nai eŋopiyari atwanare aneni kec.