Akis. 6:12 - Ebaibul

¹² Ani eŋaari Imesek akipucet ŋina a ŋakanikapei, abu oanyuwa akwap emarani nooi ka kiryoniar akoloŋ cuc ikwa ŋatotol, toreŋiar elap puu ikwa ŋaokot.

Akis. 6:12 Iomraidhean Croise

Isa. 24:23

Ereŋuni elap puu ka iryoniar akoloŋ cuc; anerae Ekapolon ŋolo a ŋajoresyo iŋes ipukae alomukura Sion ka alo Yerusalem, ido itoodikini iŋes apolou keŋ neni a ŋikapolokinitok a ŋituŋa.

Isa. 29:6

ebuni Ekapolon ŋolo a ŋajoresyo akipeyokin iyes, ebuni iŋes ka agiro ka amaran ŋina ka akwap ta etoil ŋolo apolon nooi, ebuni iŋes a ekuwuam a ŋolo ipiripiri ka ŋolo aryenyaanan ta akim ŋina enomiyari akwap.

Isa. 34:4

Inyasunosi ŋikacer, elap ka akoloŋ alokidiama, elugurikin kidiama lopite ŋolo elugurikinere akaratas. Enyipinyipaarosi ŋikacer, elap ka akoloŋ alokidiama, lopite ŋolo einiyaryata ŋakwii alokitoe a epiini, kori lopite ŋolo einiyaryata ŋaraito a ebobore.

Isa. 50:3

Ayoŋ esiryoni kidiama totakan esibit igworo aŋuna a ŋikatwak.”

Yoel 2:10

Iryaŋiryaŋakin akwap eapuuni iŋes, emaranikini kidiama, iryokiata akoloŋ ke elap, nyecaunete nabo ŋikacer.

Yoel 3:15

Isiryonio akoloŋ ke elap, ido nyecaunete ŋikacer.

Amos 1:1

Erae nu ŋakiro ka Amos a ŋolo arae epei a ŋikeyokok alotaun a ŋolo anyaritae Tekoa. Abu Akuj kisileerek Amos aŋuna a Isirael alorwa a ŋulu epukator Usia Yudaya, kipukate Yeroboam lokoku a Yoas Isirael. Esileerekini Akuj Amos ŋakiro nu ŋikaru ŋiarei eriŋa nyeyakauna amaranikinet ka akwap.

Amos 8:9

“Alimu Ekapolon ŋakiro nu ebe, ‘Akoloŋit ŋin etoŋopiyari ayoŋ akoloŋ kidiŋ apaaran, ido iryonuni akwap naparan.

Sakar 14:5

Iemete iyes kitoro nakadipaalat ŋina ke emukura kaŋ, anerae itooyaaryo akadipaalat ŋin tari Asal. Iemete iyes lopite ŋolo aponiata atapapaa kus toemyata apaki ŋina amaranikinia akwap ŋirwa ŋulu araakar Usia erwosit ŋolo a Yudaya. Ebuni Ekapolon Akuj kaŋ, erukunete iŋes kaapei ka ŋimalaikan daadaŋ.

Mat. 11:21

“Ekaŋ iyoŋ Korasin! Ekaŋ iyoŋ Betesaida! Anerae kerae koloŋ kitiyatetei ŋakujuwuanisya ŋuna etiyakin aneni kus alo Tiro ka Sidon, kekiito ikes koloŋ sek, tonapa ŋilowi ŋulu koris, ido kiwosakinos ekuron, kitoodiuniata atemar akiwua ikes ŋasecisya.

Mat. 24:29

“Ani elunyari ŋican ŋulu a ŋirwa a ŋul, iryoniar akoloŋ, nyecauni elap, ecakunosi ŋikacer anakuj, nabo emaranikinete ŋisubuna daadaŋ ŋulu alokidiama.

Mat. 24:7

Ejikinosi ŋituŋa aŋakwapin, ejikin apukan ka apukan, eyakaun ŋironia ka emaranikini akwap anakiboisyo a ŋuna egelegelya.

Mat. 27:45

Ameun alosaa a ŋolo a ŋikanikapei tari losaa ŋolo a ŋikanikaomwon ŋulu ka apaaran, kiryoniar akwap daadaŋ cuc.

Mat. 27:54

Ani eanyuni ekapolokiniton a ŋisigarya kaapei ka ŋisigarya keŋ epite ŋolo amaranikinia akwap ka ŋakiro daadaŋ ŋuna etiyasi, tobul ikes nooi temasi, “Kire, kerae iŋes Lokoku ka Akuj!”

Mat. 28:2

Ŋolopeikiro tomaranik akwap; bu emalaika ŋolo ke Ekapolon anakuj, kikokoriyo amoru nawae, kiboikin kidiama keŋ.

Mar. 15:33

Ameun ŋisaae ŋikanikapei tari ŋikanikaomwon ŋulu ka apaaran, kiryoniar akwap daadaŋ cuc.

Akis. 11:13

Anapaki a ŋinapei a ŋin, toyakaun amaran ŋina ka akwap ŋina aronon; abu atutubet apei alotooma ŋunatomon ŋuna ke etaun a ŋolo apolon toritakin, totwaka ŋituŋa ŋalipyo ŋakanikaarei. Tobul ŋituŋa ŋuluce, kipuro apedor ŋina ka Akuj a ŋina anakuj.

Akis. 16:18

Toyakaun akimilyaa, ŋitoilon, agiro ŋina ereta ka amaran ŋina ka akwap ŋina apolon. Nyetakanuna amaran ŋina ikoni ŋin ŋinapeisubunet ituŋanan, arae ŋin amaran ka akwap ŋina aronon nooi akilo daadaŋ.

Akis. 16:8

Abu emalaika ŋolo a ŋiomwon tobukok anyunyura ŋina ka Akuj anabakule keŋ nakoloŋ ka aponi tocamakinae akinom ŋituŋa ka amwanis keŋ a ŋina arirae.

Akis. 8:12

Abu emalaika ŋolo a ŋiomwon tokutak arupepe keŋ. Aponi atutubet apei ŋina ka akoloŋ alotooma ŋunauni kinyasunae; kinyasunae atutubet apei ŋina ke elap daŋ alotooma ŋunauni, kinyasunae atutubet apei ŋina a ŋitopon daŋ alotooma ŋunauni. Aŋun, kiryoniar atutubet apei alotooma ŋatutubeta kec ŋunauni. Aponi kisiryonae atutubet apei alotooma ŋunauni ŋuna ka apaaran; ikwaŋinapei, aponi kisiryonae atutubet apei alotooma ŋunauni ŋuna ka akuwar.

Akis. 8:5

Abu emalaika tolemu abakule, kilelebik akim ŋina Namuroet, kimasu nakwap. Totakanu agiro ŋina ereta, ŋitoilon, akimilyaa ka amaran ŋina ka akwap.