Akis. 6:10 - Ebaibul

¹⁰ Apotu ŋitai ŋul kiworout a etoil a ŋolo apolon temasi, “Ekapolon ŋolo etiron, ŋolo Asegan ka ŋolo a kire! Apaki mono ŋina etya ai iyai iyoŋ eriŋa nyebuno atubokin ŋituŋa ŋulu ka akwap, ido kisican ikes aŋuna ikiaryata isua?”

Akis. 6:10 Iomraidhean Croise

Akisy. 4:10

Kiŋit Akuj iŋes tema, “Nyo itiya iyoŋ? Igworosi neni kaŋ ŋaokot alokaato kon analup.

Ŋikiru. 119:84

Apaki ŋina etya ai emaikina ayoŋ eketiyan kon edaŋidaŋia? ori mono isicania iyoŋ ŋulu ekesicanito ayoŋ?

Ŋikiru. 13:1

Okoe Ekapolon, tari wori pa ikitamunit iyoŋ ayoŋ? Emuryakin mono ayoŋ aneni kon ŋikaru ka ŋikaru a? Apaki ŋina etya ai iyai iyoŋ nyiŋarakina ayoŋ?

Ŋikiru. 35:17

Okoe Ekapolon, apaki ŋina etya ai iyai iyoŋ ite ŋakiro ŋun nyeiuna ayoŋ? Toiunae ayoŋ anaryenyeo kec, toiu akiyar kaŋ alotuŋa a ŋulu adedeŋak ikwa ŋiŋatunyo a ŋul.

Ŋikiru. 79:10

Kaanukiro imyekinia iyoŋ ŋituŋa a ŋakwapin iŋitasi ebe, “Ai mono eyai Akuj kec?” Kitoodik ŋakwapin iteo isua atemar inyaŋa iyoŋ ŋiketiyak kon ŋulu aponi toarae.

Ŋikiru. 9:12

anerae isicani Akuj ŋinituŋanan ŋini isicani ŋituŋa keŋ; nyimuryakini iŋes akigworo kec.

Isa. 61:2

akiseraun atemar adol ekaru ŋolo itiyakinia Ekapolon ŋuna ajokak ka akiseraun akoloŋit ŋina inyaŋarya Akuj yok ŋakiro a ŋimoe keŋ; akisirworiun daadaŋ ŋulu iyaloloŋete;

Aum. 3:64

“Okoe Ekapolon, aŋuna a ŋiticisyo kec, kisican ikes lopite ŋolo emaikina kisicanere ikes.

Dan. 12:6

Abu epei kec tolimok ekile ŋolo anapit elou ŋolo amilimilan, ŋolo awoi alokidiama ŋakipi tema, “Apaki ŋina etya ai eayete ŋaumonokineta nu nyedauna? ”

Dan. 8:13

Abu nai ayoŋ eira emalaika irworo, tema emalaika ece neni a emalaika a ŋolo erworo, “Apaki ŋina etya ai eayete ŋakiro ŋuna eŋolikin anakisileerekinet, ido kisiyookinoe? Ŋakiro ŋuna ka akisileerekinet a ŋainakineta a ŋuna epeyo a ŋinakoloŋit, ŋuna ayaut ekasile aŋuna ka aŋerit Akuj ka ŋuna epotorere akibois ŋina ka Akai ka Akuj ta ŋuna epudaere ŋimalaikan.”

Sakar 1:12

Kiŋit nai emalaika Ekapolon tema, “Ekapolon ŋolo Etiron, tari ori iwounit iyoŋ ainakin akisyon neni a Yerusalem ka lotaunio ŋulu a Yudaya, ŋulu irubak iyoŋ iŋoikinit tari tokona ŋikaru ŋatomonikanikaarei?”

Luk. 2:29

“Iyook tokona iyoŋ Ekapolon akiikinet kon, kimyekinae nai ekoniketiyan eeŋu a ekisil.

Luk. 21:22

Anerae erae ŋul ŋirwa ŋulu ka anyaŋan, kiyookinotor ŋuna igiritae Nakigireta daadaŋ.

Ŋirom. 12:19

Ŋikaakonei, nyinyaŋanarete jik, nai kimyekisi anyunyura ŋina ka Akuj kitiya ŋun. Anerae ebasi Ŋakigireta ebe, “Ebala Ekapolon, ‘Erae akinyaŋanar ŋina kaŋ; ayoŋ elope enyaŋari.’ ”

Ŋibur. 12:24

Arae neni a Yesu iponito iyes, ŋolo abu kitemok Acamunet ŋina Kitete ka anaokot a ŋuna etesegunak anasecisya, ŋuna eyai apolou nooi akilo ŋuna ka Abel.

2 Pet. 2:1

Ayakasi koloŋ ŋikadwarak ŋulu alyokonok lotuŋa; ikwaŋinapei ikoŋin, etakanunete ŋiketatamak ŋulu alyokonok aneni kus. Irepunete ikes ŋakitatameta ŋuna alyokonok ŋuna eyaunete akinyasuno ka eŋerete Ekapolon ŋolo abu tolaku ikes. Aŋun, eyaunete ikes neni kec akinyasuno atipei.

Akis. 11:18

Apotu ŋituŋa ŋulu nyenupito Akuj tonyunyura, anerae adolu apaki ŋina ka anyunyura kon, apaki ŋina etubokinere ŋikatwak. Adolu apaki ŋina eropere ŋiketiyak, ŋikadwarak ka ŋituŋa kon daadaŋ ŋulu ikikerito iyoŋ, ŋulu arwok ka ŋulu caryo kaapei. Adolu apaki ŋinamunyaret ŋulu enyasak akwap!”

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!

Akis. 18:24

Aponi Babilon kisicanae, anerae aponi toryamunae ŋaokot ŋuna a ŋikadwarak ka ŋuna a ŋituŋa a ŋulu ka Akuj aneni keŋ; ŋaokot a ŋituŋa daadaŋ a ŋulu aaryo anakwap.

Akis. 19:2

Erae kire ka iyookino ŋatubokineta ŋuna ka Akuj! Atuboki iŋes amalaat ŋina enyasunit akwap aŋuna ka amalao keŋ. Enyaŋarya Akuj iŋes, anerae abu iŋes toar ŋiketiyak ŋulu ka Akuj.”

Akis. 3:10

Aŋuna iricakinia iyoŋ akirot kaŋ ŋina ikicikak iyoŋ atitinyu ŋina nyikirikira, ekeuryari ayoŋ iyoŋ apaki ŋina ka akikatakino ŋina ebunit nakwapin daadaŋ akikatakin ŋulu iboiyete anakwap.

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.

Ŋikat. 16:28

Apaki ŋin, tonyara Samuson Ekapolon tema, “Ekapolon Akuj totamunae ayoŋ, okoe Akuj kitogogoŋoi ayoŋ apaki na bon, ikotere anakiro a ŋuna apedori akitiya tokona enyaŋi Ŋipilistin aŋuna a ŋakonyen a ŋunaarei.”

1 Sam. 24:12

Ekapolon etyakuni ŋini esecit aneni yok kerae ayoŋ, kori iyoŋ. Ekapolon inyaŋari ŋuna aronok ŋuna itiya iyoŋ neni kaŋ, nai mam ŋuna eketiyakini ayoŋ iyoŋ.