Akis. 4:6 - Ebaibul

⁶ Ayai nabo kiŋaren ekicoloŋ ŋol ibore ŋini ekoni anam ŋina a ŋakalilii, ŋini alilii ikwa aroet. Nawaetin ke ekicoloŋ, ayakasi ŋisubuna ŋiomwon ŋulu ayarete, ŋulu eryamito ŋakonyen kiŋaren ka kaku daŋ.

Akis. 4:6 Iomraidhean Croise

1 Ŋirw. 7:23

Kitiyau Iram etorube ka anam a ŋina luluŋ a ŋasuwa a eburonis arae alolomu ŋimitae ŋiomwon ka atutubet ameun alokipitot ke epei tari ŋoloce, ido arae acukul ŋimitae ŋiarei. Arae aoyau a lokipetot akirimokin ŋimitae ŋitomon ka ŋiuni ka atutubet.

Yob 28:17

Nyeriyanikin aosou ka egolid, kori ŋamoru ŋuna itiyaununeere agilas, nyepedoryo akilokony aosou a ŋinapen a ŋulu itiyaunitae a egolid a ŋolo ajokan nooi.

Awos. 38:8

Kitiyau Besalel ke eburonis abesen kaapei ka awoet keŋ. Arae eburonis ŋolo a ŋaroeta a ŋaberu a ŋuna etiyaete lopuke ŋolo ke Eema a ŋolo iryamununoi iŋes etiyaunitere abesen ŋin ka awoet keŋ.

Esek. 10:12

Ayakasi ŋakonyen nawat a ŋisubuna ŋulu a ŋabebenuk tari nakausinei, nakan, nabebenuk ka loboorei ŋuluomwon ŋulu ekwaan ka ŋakejen a agaari daŋ eleleba ŋakonyen ŋiwaetin daadaŋ.

Esek. 10:14

Ayakatar ŋisubuna ŋulu a ŋabebenuk ŋuluomwon ŋul daadaŋ ŋireetin, ekoni ereet a ŋolo ke ekiŋaren ŋolo a esubuna a ŋolo a ŋabebenuk, ŋolo a ŋiarei, ekoni ereet ŋolo a ituŋanan, ŋolo a ŋiuni, ekoni ereet ŋolo a eŋatuny ka ŋolo a ŋiomwon, ekoni ereet ŋolo a egole.

Akis. 14:3

Aeosi ŋituŋa ŋul eete ŋolokitete alokiŋaren ekicoloŋ ka alokiŋaren ŋityaŋ ŋuluomwon ŋulu ayarete ka alokiŋaren ŋikatukok. Amam idiotuŋanan ŋini apedori ayenun eete ŋol, mati ŋulu arae ŋalipyo amiat ka ŋatomoniomwon ka ŋiomwon, ŋulu keris keiun anakwap.

Akis. 15:2

Abu oanyuwa ibore ŋini ekoni anam ŋina a ŋakalilii imorikina ka akim. Abu daŋ oanyuwa ŋulu kepotu kilout etyaŋ ka etorube keŋ ta enamba ŋolo ke ekiro keŋ. Awuasi ikes ke epeiwae anam ŋina a ŋakalilii, toyakatar ŋaduŋgui ŋuna keinakini Akuj ikes.

Akis. 15:7

Abu epei alotooma ŋisubuna ŋuluomwon ŋulu eyarete inak ŋimalaikan ŋulukanikaarei ŋabakulei ŋakanikaarei ŋuna etiyaunitae a egolid ŋuna eleleba anyunyura ŋina ka Akuj a ŋina eyari ŋikaru ka ŋikaru.

Akis. 19:4

Apotu ŋikatukok ŋulutomoniarei ka ŋiomwon ta ŋisubuna ŋuluomwon ŋulu eyarete, toramakinos kwap, kilipa neni ka Akuj, a ŋina eboi alokicoloŋ temasi, “Amen! Alleluia!”

Akis. 21:11

tocai aŋuna ka akica a ŋina ka Akuj. Tocai etaun ŋol ikwa amoru ŋina epol egyelit, ikwa Yaspa, kileereu ikwa ŋakalilii.

Akis. 21:18

Adukitoe arwatata a ŋamoru a ŋuna enyaritae Yaspa, ka adukitoe etaun ŋol a egolid, a ŋolo acai ikwa akaliliit.

Akis. 21:21

Arae ŋipidiŋa ŋulutomon ka ŋiarei ŋamoru ŋuna amilimilak ŋunatomon ka ŋaarei, ŋuna epol egyelit; etiyaunitae ŋolopidiŋ kan amoru apei ŋina amilimilan ŋina epol egyelit. Arae erukude ŋolo alokidiŋ etaun egolid bon, acai ikwa akaliliit.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.

Akis. 4:4

Erikaunito ekicoloŋ ŋol ŋikicoloŋo ŋulu arae ekimar kec ŋatomoniarei ka ŋiomwon, kicoloŋito ŋikatukok ŋatomoniarei ka ŋiomwon, ŋulu anapito ŋikaasoi ŋulu akwaŋak, tonapito daŋ ŋibokoi ŋulu etiyaunitae a egolid.

Akis. 5:11

Nabo abu ayoŋ eŋoliya, eira ŋitoilon a ŋimalaikan a ŋulu adolito ŋalipyo ka ŋamilyonin! Awuasi ikes irikaunito ekicoloŋ kaapei ka ŋisubuna ŋuluomwon ta ŋikatukok,

Akis. 5:14

Apotu ŋisubuna ŋulu eyarete ŋuluomwon toboŋokis temasi, “Amen!” Ido toramakinos ŋikatukok kwap, kilipa.

Akis. 5:6

Abu ayoŋ eŋolik Imesek ewuoi alokidiŋ ekicoloŋ irikaunito ŋisubuna ŋuluomwon ka ŋikatukok. Atakani Imesek esibit earitae. Ayakar iŋes ŋamomwar ŋakanikaarei ka ŋakonyen ŋakanikaarei, ŋulu erae ŋitai ŋulukanikaarei ŋulu ka Akuj ŋulu iyakiyaritae nakwap daadaŋ.

Akis. 5:8

Ani kedau iŋes alemar ekitaabo, apotu ŋisubuna ŋuluomwon ka ŋikatukok ŋulutomoniarei ka ŋiomwon toramakinos kwap kiŋaren Imesek. Ayakar ŋolosubuna ka ŋolokatukon aduŋgu ka abakule ŋina etiyaunitae a egolid, kileleba eminae ŋolo ke ekinyate ŋolo erae ŋakilipasinei ŋuna a ŋituŋa a ŋulu ka Akuj.

Akis. 6:1

Abu eŋolik Imesek eŋaari akipucet ŋina esyaunan a ŋunakanikaarei. Abu eira epei alosubuna a ŋuluomwon elimuni a etoil a ŋolo acela ikwa agirokinet ebala, “Bua!”

Akis. 6:6

Abu eira ibore ŋini erworo ikwa etoil ŋolo ebunit alosubuna a ŋuluomwon ebala, “Einakinio apeikilo ŋina a ŋaganoi ka ŋakiloi ŋauni ŋuna ke ekidikidi aŋuna ke etic a ŋolo ka apeikoloŋit. Nai nyinyas ŋikito ŋulu ka akimyet ka ŋimanikorin ŋulu ke epiini!”

Akis. 7:11

Towua nai ŋimalaikan daadaŋ irimokinito ekicoloŋ, ŋikatukok ka ŋisubuna ŋulu eyarete ŋuluomwon, toramakinos kiŋaren ekicoloŋ, kijuuroto kilipa neni ka Akuj

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”