Akis. 4:3 - Ebaibul

³ Amilimili ituŋanan ŋini eboi a nen, ekwaan ka amilimil a ŋamoru a ŋuna enyaritae Yaspa ka Karanelia. Erikaunit ekicoloŋ alokakinet ŋina ekwaan ka amoru ŋina aliban nooi ŋina enyaritae Emeral.

Akis. 4:3 Iomraidhean Croise

Awos. 24:10

Kiŋolikis a nen Akuj a Ŋisirael. Kwap ŋakejen keŋ, ayai ibore ŋini enaminamakina neni pus ŋini ekwaan ka amoru ŋina enyaritae Sapire. Eleere nen epusiyana ikoni kidiama eliilii.

Awos. 28:18

Elain ŋolo a ŋiarei emaikina eyakasi ŋamoru nu: Ŋuna inyalal ŋiraŋgi ŋuna enyaritae Yasiper ka ŋunapusiyek ŋuna enyaritae Sapire ta ŋuna alibak nooi ŋuna enyaritae Emerald.

Awos. 39:11

Elain ŋolo a ŋiarei ayakasi ŋamoru nu: Ŋuna inyalal ŋiraŋgi ŋuna enyaritae Yasiper ka ŋunapusiyek ŋuna enyaritae Sapire ta ŋuna alibak nooi ŋuna enyaritae Emerald.

Isa. 6:1

Alokaru a ŋolo atwania erwosit Usia, abu ayoŋ eŋolik Ekapolon iboi alokicoloŋ keŋ a ŋolo ka apukan, ikiara ka itopolooritae, ileleba ekaaso keŋ Kai ka Akuj daadaŋ.

Esek. 1:26

Yaye ariwo ŋina ayai kidiama ŋakyes kec, ayai ibore ŋini ekwaan ka ekicoloŋ ŋolo ka apolou, atakani itiyaunitae a amoru a ŋinapus a ŋina enyaritae Sapire. Eboi alokicoloŋ a ŋol etorube ŋolo ekwaan ka ŋolo a ituŋanan.

Esek. 1:28

Ekoni akica ŋin ileere neni ileereo alokakinet apaki ŋina eyakar akiru tocai akoloŋ. Ayai etorube ŋol kidiŋ akica ŋin. Arae ŋol etakane ŋolo ka apolou a ŋina ke Ekapolon. Ani eŋolikini ayoŋ akica ŋin, abu omin kwap, oper obuburiyar, eiira etoil a ice irworo neni kaŋ.

Esek. 10:1

Abu nai ayoŋ eŋoliya nariwo ŋina eyai kidiama ŋakyes a ŋisubuna a ŋulu a ŋabebenuk, ayai nen ibore ŋini ekwaan ka ekicoloŋ ŋolo itiyaunitae a ŋamoru a ŋunapusiyek a ŋuna enyaritae Sapire.

Esek. 28:13

Iboi iyoŋ paaran esibit iyai Eden, lomanikor ŋolo ka Akuj; apotu ŋamoru ŋuna epol egyelit daadaŋ ikisibusa iyoŋ inapit; ŋamoru ŋun ikes nu: Ŋuna areŋak puu ŋuna enyaritae Rubi, ŋuna enyaŋiyarito ŋuna enyaritae Topas, ŋuna inyalal ŋiraŋgi ŋuna enyaritae Diamon, ŋuna enyaŋiyarito ŋuna enyaritae Beril, ŋuna areŋak puu ŋuna enyaritae Oniks, ŋuna inyalal ŋiraŋgi ŋuna enyaritae Yasiper, ŋuna epusiyaka ŋuna enyaritae Sapire, ŋuna inyalal ŋiraŋgi ŋuna enyaritae Turikuoise, ŋuna alibak nooi ŋuna enyaritae Emerald ka egolid. Iyakar iyoŋ ŋinapito ŋulu enaminamitae egolid; aponi kitemonokinoe ŋinapito ŋul akoloŋit ŋina ikisubunere iyoŋ.

Akis. 10:1

Abu nabo ayoŋ oanyuwa emalaika ŋolo agogoŋon ebunit anakuj. Anapit iŋes edou, kirimokinite alokakinet akou keŋ, kikoni ereet keŋ akoloŋ, kikote ŋakejen keŋ arira ŋina eremit kidiama.

Akis. 21:11

tocai aŋuna ka akica a ŋina ka Akuj. Tocai etaun ŋol ikwa amoru ŋina epol egyelit, ikwa Yaspa, kileereu ikwa ŋakalilii.