Akis. 4:2 - Ebaibul

² Ŋinapeipaki abu apedor ŋina ke Etau a ŋolo Asegan min neni kaŋ. Ayai nakuj ekicoloŋ ŋolo eboiyo ituŋanan ice.

Akis. 4:2 Iomraidhean Croise

1 Ŋirw. 22:19

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ irimokinito iŋes kidiŋ aloteten ka alokedyeny keŋ.

Ŋikiru. 11:4

Eyai Ekapolon kai keŋ ŋina asegan, ipukat Ekapolon anakuj. Ite iŋes ŋituŋa aneni daadaŋ eya, eyeni ŋakiro ŋuna itiyaete ikes.

Isa. 6:1

Alokaru a ŋolo atwania erwosit Usia, abu ayoŋ eŋolik Ekapolon iboi alokicoloŋ keŋ a ŋolo ka apukan, ikiara ka itopolooritae, ileleba ekaaso keŋ Kai ka Akuj daadaŋ.

Yer. 17:12

“Okoe Akai ka Akuj ŋina erae ekicoloŋ ŋolo ka apolou a Ekapolon, ikitopolooritae iyoŋ ŋinapei anakisyakinet, iyoŋ irae akibois kosi ŋina asegan!

Esek. 1:26

Yaye ariwo ŋina ayai kidiama ŋakyes kec, ayai ibore ŋini ekwaan ka ekicoloŋ ŋolo ka apolou, atakani itiyaunitae a amoru a ŋinapus a ŋina enyaritae Sapire. Eboi alokicoloŋ a ŋol etorube ŋolo ekwaan ka ŋolo a ituŋanan.

Esek. 1:28

Ekoni akica ŋin ileere neni ileereo alokakinet apaki ŋina eyakar akiru tocai akoloŋ. Ayai etorube ŋol kidiŋ akica ŋin. Arae ŋol etakane ŋolo ka apolou a ŋina ke Ekapolon. Ani eŋolikini ayoŋ akica ŋin, abu omin kwap, oper obuburiyar, eiira etoil a ice irworo neni kaŋ.

Esek. 10:1

Abu nai ayoŋ eŋoliya nariwo ŋina eyai kidiama ŋakyes a ŋisubuna a ŋulu a ŋabebenuk, ayai nen ibore ŋini ekwaan ka ekicoloŋ ŋolo itiyaunitae a ŋamoru a ŋunapusiyek a ŋuna enyaritae Sapire.

Dan. 7:9

“Ani eriŋa ayoŋ ete, aponi kiwuakinae nen ŋikicoloŋo ŋulukipukaet, ido abu ŋolo iboit ŋikaru ka ŋikaru kiboikin lokicoloŋ keŋ, akwaŋak ŋilowi keŋ ekwaan ka ŋalepan, akwaŋak ŋitim a akou keŋ ekwaan ka ŋajul a ŋamesekin a ŋuna ekwaŋak kya. Acai ekicoloŋ keŋ ekwaan ka arira a akim ka acai neni irimi anakejen a ekicoloŋ keŋ ekwaan ka akim ŋina enepi.

Mat. 22:43

Kiŋit Yesu ikes tema, “Nyo bo nai itanyaritor Etau ŋolo ka Akuj Daudi iŋes Ekapolon? Ebala Daudi,

Ŋibur. 8:1

Akirot ŋina ikirworo iwon iŋes na: ikiyakar iwon Esacaradoti yok ŋolo Apolon nooi, ŋolo iboi alowae a ŋolo aloteten ke ekicoloŋ a ŋolo ka Akuj a ŋina etiron a ŋina anakuj.

Akis. 1:10

Anakoloŋit a ŋina ke Ekapolon, abu apedor ŋina ke Etau a ŋolo Asegan min neni kaŋ, abu eira etoil alokaku kaŋ ŋolo ereta ikwa arupepe.

Akis. 12:5

Abu aberu kidou ikoku ŋini sapat, ŋini ipukae ŋakwapin daadaŋ ka aryenyeo. Nai aponi ikoku ŋin tokoporoe neni ka Akuj ka lokicoloŋ keŋ.

Akis. 17:3

Abu Etau min neni kaŋ, okoya emalaika naloŋisat. Oanyuwa ayoŋ aina aberu ŋina eboi alokidiama etyaŋ ŋolo areŋan ŋolo egiritae lowaetin keŋ daadaŋ ŋirorwa ŋulu iyanyitere Akuj. Ayakar etyaŋ ŋakyes ŋakanikaarei ka ŋamomwar ŋatomon.

Akis. 19:4

Apotu ŋikatukok ŋulutomoniarei ka ŋiomwon ta ŋisubuna ŋuluomwon ŋulu eyarete, toramakinos kwap, kilipa neni ka Akuj, a ŋina eboi alokicoloŋ temasi, “Amen! Alleluia!”

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.

Akis. 21:10

Abu Etau min neni kaŋ, okoya emalaika tari moru ŋolo aoyan nooi. Eketoodik Yerusalem etaun ŋolo apolon ŋolo ka Akuj ebunit alokidiama aneni ka Akuj,

Akis. 21:5

Tolimu nai ŋolo eboi alokicoloŋ a ŋolo ka apolou tema, “Kiŋolik! Tokona eturuwo ayoŋ ŋiboro daadaŋ ŋikitet!” Abu iŋes nabo okolimok ayoŋ tema, “Kigir ŋun, anerae erae ŋakiro ŋuna a kire ŋuna epedoryo akikinyom.”

Akis. 3:21

Iŋes ŋini ilouni, ainakini apedor, akiboikin ka ayoŋ lokicoloŋ kaŋ, ikwapei abunio ayoŋ daŋ elounia eboikinotor ka Papa kaŋ lokicoloŋ keŋ.

Akis. 4:10

eramakinosi ŋikatukok ŋulutomoniarei ka ŋiomwon kwap kiŋaren iŋes ŋini iboi alokicoloŋ ka kilipa neni a ŋolo eyari ŋikaru ka ŋikaru. Imasakinete ikes ŋibokoi kec kiŋaren ekicoloŋ eosi ebasi,

Akis. 4:5

Bu alokicoloŋ akimilyaunet, eruye ka akirurum ŋina ka agirokin. Alokiŋaren ekicoloŋ, ayakasi ŋagilae ŋakanikaarei ŋuna anepete, ŋuna erae ŋitai ŋulukanikaarei ŋulu ka Akuj.

Akis. 4:9

Apaki daadaŋ ŋina ipurioto, ŋina itopolooryata ka ŋina italakaryata ŋisubuna ŋul ŋini iboi alokicoloŋ ka ŋini eyari ŋikaru ka ŋikaru,

Akis. 5:1

Abu ayoŋ eŋolik ekitaabo anakan a ŋina aloteten a ŋolo eboi alokicoloŋ; egiritae ekitaabo ŋol ŋiwaetin daadaŋ ka epucitae a ŋakipuceta a ŋakanikaarei.

Akis. 5:13

Abu eira ŋolosubuna anakuj, anakwap ka anakwap a ŋikatwak ka ananam ta ŋinibore daadaŋ eyai tooma kec ebasi, “Toyai akipuro, akerit, apolou ka agogoŋu neni a ŋolo iboi alokicoloŋ ka neni a Imesek, ŋikaru ka ŋikaru!”

Akis. 6:16

Temasi ikes neni a ŋimoru ka ŋatabab, “Tocakunos kare ca neni kosi ikiwua anakonyen a ŋolo iboi alokicoloŋ ka ananyunyura a ŋina a Imesek!