Akis. 3:8 - Ebaibul

⁸ Ayeni ayoŋ ŋiticisyo kon. Kiira! Ewuak ayoŋ kiŋaren kon ekek ŋolo eŋaara ŋolo emam ŋini epedori agolokin. Ayeni ayoŋ atemar iyakar iyoŋ agogoŋu ŋinadio edit, nai iricit iyoŋ akirot ka nyieŋero iyoŋ anupit ayoŋ.

Akis. 3:8 Iomraidhean Croise

Ŋakit. 30:9

Acepaki apedori ayoŋ akiŋer iyoŋ erae karyamu akimuj ŋina alalan nooi, ido otema, ‘Ekapolon mono ŋae?’ kori apedori ayoŋ aruwor ikulyakit, ido okoko, ojoŋo akitopoloorit ekiro ŋolo ka Akuj kaŋ.

Dan. 11:34

Apaki ŋina earere ikes, eryamunete ikes akiŋarakinet adio cici ido epote ŋulu alalak akimorikin ka ikes emodiuna,

Luk. 12:9

Ŋini akaŋeri ayoŋ alokiŋaren ŋituŋa, eŋeryo iŋes daŋ alokiŋaren ŋimalaikan ŋulu ka Akuj.

Yoa. 15:20

Totamunito ŋuna adau ayoŋ alimokin iyes atemar, ‘Emam eketiyan ŋolo epol akilo ekeekapolon.’ Ani kekesicanito ikes ayoŋ, epote ikes akisican iyes daŋ; ani kiricakinito ikes ŋakiro kaŋ, iricakinete ŋuna kus daŋ.

Yoa. 17:6

“Adau ayoŋ akisileerekin ekiro kon lotuŋa ŋulu ibu iyoŋ ikiinak ayoŋ anakwap a na. Arae ikes ŋulu kon, ibu iyoŋ ikiinak ayoŋ ka ericakis ikes akirot kon.

Ŋitic. 14:27

Ani edolunete ikes Antiokio, tocunakis ŋikanupak, tolimokis ikes ŋakiro daadaŋ ŋuna abu Akuj kitiya aneni kec ka epite ŋolo abunio Akuj toŋaarya erot ŋolo enupyata ŋituŋa ŋulu nyerae Ŋiyudayan.

1 Ŋikor. 16:9

Anerae ayakar tokona ayoŋ apaki ŋina ajokan ŋina itemokino ayoŋ etiyaa etic ŋolo apolon ŋolo emaikina etiya, tari kelalak ŋiketepegak a ne.

2 Ŋikor. 2:12

Ani ŋina adolunio ayoŋ Toroas alimonokin Ŋakiro ŋuna Ajokak ŋuna a Kristo, abu oryamu atemar kesir Ekapolon keŋaa aina erot ŋolo a Ŋakiro a ŋuna Ajokak.

Ŋipil. 4:13

Apedori ayoŋ akitiya ŋiboro daadaŋ alotooma Kristo ŋolo akainanakini ayoŋ agogoŋu.

Ŋikol. 4:3

Kilipeneneete aŋuna kosi daŋ, ikotere ikiinakini Akuj isua apaki ŋina ajokan ŋina limonokinet ŋakiro ŋuna imunono, ŋuna erae ŋakiro a Kristo, ŋuna erae ikes pei ayakar ayoŋ mabus.

1 Tim. 5:8

Nai ani pa kidarit ituŋanan ŋiyeneta keŋ, akilo nooi ŋituŋa ŋulu ke ekal keŋ, adau iŋes akiŋer anupit Kristo ka aroniar nooi akilo ŋini nyenupit.

2 Tim. 4:7

Adau ayoŋ ajore ejiye ŋolo ajokan ŋolo ka anupit, aŋetak ayoŋ akerit ŋina ka anupit ka eric ayoŋ anupit kaŋ Kristo.

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.

Akis. 2:13

Ayeni ayoŋ neni iboiyo iyoŋ; erae neni ipukat Satan. Nai irubakinit iyoŋ ikinupit ayoŋ, ibu iyoŋ nyiŋer anupit ayoŋ tari alorwa a ŋulu aarere Antipa, esuuda kaŋ ŋolo anupit nooi aina, anakwap a ŋina iboiyo Satan.

Akis. 2:2

Ayeni ayoŋ ŋuna idau iyoŋ akitiya, ayeni ayoŋ epite ŋolo imukekinitor iyoŋ etic ka epite ŋolo ititinyikinitor iyoŋ. Ayeni ayoŋ atemar nyipedori iyoŋ acamakin ŋikaronok, idau iyoŋ akirot ŋulu ebasi ikirae ikes ŋikiyakia, nai nyerae ka iryamu ikes erae ŋikalyokonok.

Akis. 22:7

Ebala Yesu ebe, “Kiirasi, abuni ayoŋ atipei!” Erereŋ ŋulu iwuapete ŋakiro ŋuna edwaritae alokitaabo a lo!

Akis. 3:1

“Kigir neni ke emalaika a ŋolo ka atukot a Ŋikristo alo Sardis atemar: “Erae ŋakiro nu ŋuna eponito aneni a ŋolo eyakar ŋitai ŋulu ka Akuj ŋulukanikaarei ka ŋikacer ŋulukanikaarei. Ayeni ayoŋ ŋiticisyo kon; itakani iyoŋ iyari, nai itwanit.

Akis. 3:10

Aŋuna iricakinia iyoŋ akirot kaŋ ŋina ikicikak iyoŋ atitinyu ŋina nyikirikira, ekeuryari ayoŋ iyoŋ apaki ŋina ka akikatakino ŋina ebunit nakwapin daadaŋ akikatakin ŋulu iboiyete anakwap.

Akis. 3:15

Ayeni ayoŋ ŋiticisyo kon: nyililim iyoŋ ka nyimwana daŋ. Okoe, kitemokino iyoŋ tolilim kori tomwana!

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.