Akis. 3:14 - Ebaibul

¹⁴ “Kigir neni ke emalaika a ŋolo ka atukot a Ŋikristo alo Laodikeya atemar: “Erae ŋakiro nu ŋuna eponito aneni a ŋolo enyaritae Amen, esuuda ŋolo ikinyomitae ka ŋolo a kire ŋolo erae akisyakinet ŋina a ŋisubuna ka Akuj.

Akis. 3:14 Iomraidhean Croise

Akisy. 49:3

Ruben, irae iyoŋ lokoku kaŋ ŋolo kiyae, agogoŋu kaŋ ka arait ŋina esyaunan ŋina ka agogoŋu aŋina asorokanu kaŋ, ŋolo iloit anapolou ka ŋolo iloit anagogoŋu.

Ŋakit. 14:5

Nyirworo esuuda ŋolo ikinyoma alyokonu, nai alyokonu bon irworo esuuda ŋolo nyikinyoma.

Ŋakit. 8:22

“Abu Ekapolon okosub ayoŋ isyakini etic keŋ, alimu aosou atemar, arae ayoŋ esyakini alotic keŋ a ŋolo akoloŋ.

Isa. 55:4

Kiirasi, abu ayoŋ eturuwo Daudi esuuda aneni a ŋituŋa, ekarikon ka ekepukan a ŋituŋa.

Isa. 65:16

Ituŋanan daadaŋ ŋini egatanakini arereŋu nakwap, emaikina togatak alokiro ka Akuj a ŋina ikinyoma; ituŋanan daadaŋ ŋini ikoŋi anakwap, emaikina kikoŋ alokiro ka Akuj a ŋina ka akikinyoma; anerae emuryakin ŋican ŋulu koloŋ ka nyeriŋa ayoŋ ete ŋican ŋul.”

Yer. 42:5

Tolimokis daŋ ikes Yeremia temasi, “Ikilipi toruwor Ekapolon ŋolo iyookino ka esuuda ŋolo ikinyoma anakisican isua erae keŋeri akiwuap ŋuna daadaŋ ikilimokini Ekapolon Akuj kon isua aneni kon.

Yoa. 1:3

Abu Akuj tosub ŋiboro daadaŋ aneni keŋ; kerae tomam iŋes, pa kesubunitae idiobore.

Yoa. 8:14

Toboŋok Yesu ikes tema, “Tari keteyenuna ayoŋ bon, iyookino akiteyenuna kaŋ, anerae ayeni ayoŋ neni abunitor ka ayeni daŋ neni alosi. Nai nyiyenete iyes neni abunitor ayoŋ kori neni alosi.

2 Ŋikor. 1:20

Anerae aryamut ŋakiikineta daadaŋ ŋuna ka Akuj “Ee” kec aneni a Yesu. Iŋes nai ikilimununuyo alotooma Yesu Kristo atemar “Amen” apaki daadaŋ ŋina ipurore Akuj.

Ŋikis. 21:17

Emaikina iŋes tocamu ikwapei ikoku ŋini kiyae lokoku ka aberu a ŋina nyemina iŋes, ido inak iŋes ŋiboro ŋulu elalak nooi ŋulu edeparito ŋiboro ŋulu eryamuni lokoku a aberu a ŋina emina iŋes, anerae erae iŋes ikoku ŋini esyauni ekile ŋol auruun. Ikiyae iŋes emaikina kituruworoe ikiyae.

Ŋikol. 1:15

Erae Kristo etorube ŋolo ka Akuj a ŋina nyetakani. Erae iŋes ekiyai ŋolo ka Akuj Papa, akisyakinet ŋina a ŋisubuna a daadaŋ.

Ŋikol. 1:18

Iŋes erae akou ŋina ka akuwan keŋ; a ŋina erae Ŋikristo; iŋes erae akisyakinet, aponi kiteyarunae iŋes alokatwak, aŋun, erae iŋes ŋolo esyaunio akidoun nakiyar ŋina kitete; ikotere toruwor iŋes ŋolo iŋarenikinit ŋiboro daadaŋ.

Ŋikol. 2:1

Acamit ayoŋ iyes toyenut epite ŋolo tokona aŋirikinitor ayoŋ nooi aŋuna kus ka aŋuna a ŋituŋa a ŋulu a Laodikeya ta aŋuna a ŋuluce a daadaŋ a ŋulu eriŋa nyiryamuna ka ayoŋ.

Ŋikol. 4:16

Ani kirikakis iyes akisyom abaruwa na, itemokino kiyakiyasi tosyomae anatukot a Ŋikristo a ŋina eyai Laodikeya. Nabo, itemokino iyes daŋ tosyoma abaruwa ŋina ikiyakikinete iyes ŋikanupak ŋulu eya Laodikeya.

Akis. 1:11

Tolimu ebe, “Kigir ibore ŋini iŋolikini iyoŋ daadaŋ lokitaabo, ido kiyakiya natukon ŋunakanikaarei ŋuna a Ŋikristo alo Epeso, Simirina, Perigamo, Tyatira, Sardis, Piladelipia ka Laodikeya.”

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

Akis. 2:1

“Kigir neni ke emalaika a ŋolo ka atukot a Ŋikristo alo Epeso atemar: “Erae ŋakiro nu ŋuna eponito aneni a ŋolo edakit ŋikacer ŋikanikaarei anakan keŋ a ŋina aloteten, ka ŋolo elosi alokidiŋ ŋawuoeta a ŋitaae ŋunakanikaarei ŋuna itiyaunitae a egolid.

Akis. 21:6

Tema nabo neni kaŋ, “Erikakin! Arae ayoŋ Alpa ka Omega--Akisyakinet ka Asalunet. Ŋini daadaŋ enyami akure, ainakini ŋakipi ŋuna emam egyelit, ŋuna aloitanit a ŋolo ka akiyar.

Akis. 22:13

Arae ayoŋ Alpa ka Omega, ŋolo Eŋarenon ka ŋolo Esidyon--Akisyakinet ka Asalunet.”

Akis. 22:6

Okolimok emalaika ayoŋ tema, “Iyookino ŋakiro ŋun erae ŋuna a kire, ŋuna epedoryo akikinyom. Abu Ekapolon Akuj, ŋina einanakini etau keŋ neni a ŋikadwarak, kiyakiu emalaika keŋ akitoodikin ŋiketiyak keŋ ŋakiro ŋuna itemokino kitiyakin anapaki a ŋina eapi.”

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.