Akis. 3:12 - Ebaibul

¹² “Iŋes ŋini ilouni, eturuwori ayoŋ iŋes epir alo Kai ka Akuj kaŋ; nyelomuni nabo iŋes kiŋa jik. Egirakini ayoŋ neni keŋ ekiro ŋolo ka Akuj kaŋ ka ekiro ŋolo ke etaun a ŋolo apolon, Yerusalem ŋolokitete, ŋolo ebunit anakuj aneni ka Akuj kaŋ; egirakini daŋ ekiro kaŋ ŋolokitete neni keŋ.

Akis. 3:12 Iomraidhean Croise

1 Ŋirw. 7:21

Tosiponok Iram ŋipirin lobarasan a Akai ka Akuj. Tonyara iŋes ekiro a epir a ŋolo ayai lowae ŋolo alo kwap Akai ŋin Yakin, ido ŋolo ayai Kuju Akai ŋin tonyara Boas.

Ŋikiru. 46:4

Eyai aŋolol ŋina eyaunit alakara lotuŋa ŋulu iboiyete alotaun a ŋolo ka Akuj, anakibois a ŋina asegan a ŋina eyai Akuj ŋina epol nooi.

Ŋikiru. 48:8

Ikwapei aponere isua kiirarae, ikidau isua akiŋolikin ŋuna etiya Akuj; alotaun a ŋolo ke Ekapolon a ŋolo a ŋajoresyo, alotaun a ŋolo ka Akuj kosi a ŋolo erae Akuj iyokit ŋikaru ka ŋikaru.

Ŋikiru. 87:3

Okoe etaun ŋolo ka Akuj, elimitoe ŋakiro ŋuna etiyae alotooma kon erae ŋuna ka aumokin.

Isa. 62:2

Iŋolikinete ŋituŋa a ŋakwapin akiyookino kus ka iŋolikinete ŋirwosi daadaŋ apolou kus, ido ikinyarao iyes a ekiro a ŋolokitete a ŋolo elimuni Ekapolon.

Isa. 65:15

Imyekinete iyes ŋirorwa kus aneni a ŋuluseuna kaŋ erae ŋulu ilamare; ido ikimunyari Ekapolon Akuj iyes; nai einakini iŋes ŋiketiyak keŋ ekiro ŋolo egelaana.

Yer. 1:18

Ani eruwor ayoŋ, adau ayoŋ akitogogoŋ iyoŋ nakoloŋit na, lopite ŋolo egogoŋio etaun ŋolo ewuatae a ŋarwatatain, lopite ŋolo egogoŋio epir ŋolo erae asuwat ka egogoŋio arwatata ŋina edukitoe a eburonis. Nyikuryaniar, ikiremokinosi iyoŋ ŋituŋa a akwap a daadaŋ, ikiremokinosi iyoŋ ŋirwosi a Yudaya, ŋikapolok keŋ, ŋisacaradotin keŋ ka ŋituŋa keŋ ŋuluce daadaŋ.

Esek. 40:49

Arae aoyau a agule a ŋin alosepyon ŋimitae ŋitomon ka arae anakou ka neni iteotor ŋimitae ŋikanikapei. Adokio a ŋadoketa elosyo nagule ŋin ka ayakasi ŋipirin ŋiarei lopuke a agule a ŋin, epeiwae epuke.

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Mar. 12:16

Yaut ikes esiliŋ, kiŋit nai Yesu ikes tema, “Ŋolo a ŋae ereet lo ka ŋakigireta nu?” Toboŋokis ikes temasi, “Ŋulu ke ekepukan a Roma.”

Ŋigal. 2:9

Apotu Yakobo, Petero ka Yoana, ŋulu asibito ŋipirin a Ŋikristo, toyenut atemar kebu Akuj okoinak ayoŋ ajokis ŋinakitiyaet etic ŋolo apolon lo; aŋun, apotu ikes tonyout otiŋakinos ka ayoŋ ka Baranaba ŋakan ŋuna aloteten, kitoodiu nen atemar ikirae isua ka ikes ŋipei. Tocamunetei atemar etiyata ayoŋ ka Baranaba alokidiŋ ŋituŋa ŋulu nyerae Ŋiyudayan, ido kitiyata ikes alokidiŋ Ŋiyudayan.

Ŋiep. 3:15

ŋolo erae neni keŋ eponitotor ŋikalya daadaŋ ŋulu anakuj ka ŋulu alokwap.

Ŋibur. 12:22

Nai ipotu iyes lomoru ŋolo enyaritae Sion, lotaun ŋolo apolon ŋolo ka Akuj a ŋina eyari, Yerusalem ŋolo anakuj, ŋolo eya ŋimalaikan ŋulu alalak.

Ŋibur. 13:14

Anerae emam iwon ere anakwap a na ŋolo epedorere iwon akiboiyo ŋikaru ka ŋikaru; nai ikiitanit iwon nooi aryamun ere ŋolo ebuni rwanu.

1 Yoa. 4:4

Ŋidwe kaŋ, irae iyes ŋulu ka Akuj ka ilout iyes ŋikadwarak ŋulu alyokonok, anerae Akuj ŋina eyai tooma kus, egogoŋ akilo ekepukan ŋolo ka akwap.

Akis. 14:1

Abu eŋolik oanyuwa Imesek ewuoi alomoru a ŋolo enyaritae Sion; arukito ka ŋituŋa ŋalipyo amiat ka ŋatomoniomwon ka ŋiomwon, ŋulu egiritae ekiro a Imesek ka ŋolo a Papa keŋ loreetin kec.

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 2:11

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, nyeari atwanare ŋina a ŋaarei iŋes.

Akis. 2:17

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini Manna adio ŋina iwuaitae. Ainakini nabo ayoŋ iŋes amoru ŋina akwaŋan ŋina igiritae ekiro ŋolokitete, ŋolo emam ituŋanan eyeni, mati ŋini einakinio amoru ŋin.

Akis. 2:7

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini apedor ŋinakimujet arait ŋina ke ekitoe a ŋolo ka akiyar, a ŋolo eyai lomanikor ŋolo ka Akuj.”

Akis. 21:2

Abu oanyuwa Etaun ŋolo apolon ŋolo ka Akuj, Yerusalem ŋolokitete, ebunit alokidiama aneni ka Akuj, itemokino ikwa ateran ŋina esirit aŋuna ka akisiryam lokile keŋ.

Akis. 22:4

Eanyuwarete ikes ereet keŋ ka eyakaun ekiro keŋ loreetin kec.

Akis. 3:5

“Iŋes ŋini ilouni, itanapyo ŋilowi ŋulu akwaŋak ikwa ikes, ka nyekisari ayoŋ ekeekiro alokitaabo a ŋolo ka akiyar; nai alimori ayoŋ ekiro keŋ alokiŋaren Papa kaŋ ka ŋimalaikan keŋ.