Akis. 21:24 - Ebaibul

²⁴ Elosete ŋituŋa a ŋakwapin a daadaŋ anakica keŋ ka eyaunete ŋirwosi ŋulu ka akwap ebari kec tooma keŋ.

Akis. 21:24 Iomraidhean Croise

Ŋikiru. 22:27

Etamunete ŋituŋa daadaŋ Ekapolon toboŋut neni keŋ; eryedikete alokiŋaren Ekapolon, ŋituŋa a ŋikabilae a daadaŋ;

Isa. 2:2

Alorwa a ŋulu eponito, ituruworyo ekamukumukut ŋolo ka Akai ke Ekapolon ŋolo eoya nooi akilo ŋimoru, itooyaaryo kileŋ ŋikamukumukui. Ilelebikinosi ŋituŋa a ŋakwapin neni keŋ.

Isa. 2:5

Okoe ŋituŋa a Yakob. potu ewuapa ŋuna ikilimokinit Ekapolon!

Isa. 49:23

Eruworosi ŋirwosi aneni kus atapapa ka eruworosi ŋarwosi kec aneni kus atatoto ŋuna ikitanete iyes. Ijuuruyete ikes alokiŋaren kus ikitopoloorito iyes itiditeunosi ikes make ikitopoloorito iyes. Iyenunete nai iyes atemar arae ayoŋ Ekapolon, nyisurumyo ŋileec ŋulu ekekinyomito ayoŋ.”

Isa. 52:15

aŋun, eumokinete ŋituŋa a ŋakwapin a ŋuna alalak, ililiŋete ŋirwosi aŋuna keŋ, anerae iŋolikinete ikes ŋakiro ŋuna pa alimokinitae ikes ka eyenunete ikes ŋakiro ŋuna pa eirarito.

Isa. 55:10

Ikwapei edounio akiru ka ŋakako alokidiama, ido nyeboŋosi kidiama mati mono kitapalala akwap, kituruput alokwap ŋicok a ŋinya ka ŋikito, inakis ŋicok apenare naturot, ido inakis eketan akimuj ŋina imuji,

Isa. 55:5

Kiirasi, inyaraete iyes ŋituŋa a ŋakwapin a ŋuna nyiyenete iyes, ido epote neni kus ekerete ŋituŋa a ŋakwapin a ŋuna nyiyenete iyes, aŋuna a Ekapolon Akuj kus ŋina asegan a Isirael, anerae ikitopoloyo iŋes iyes.

Isa. 60:13

Eyaunio ebari a Lebanon daadaŋ neni kus, eyaunio ŋikito a Cipres ka ŋuluce daadaŋ aŋuna ka akisibusya akibois kaŋ ŋina asegan, ido esibusi ayoŋ akibois kaŋ.

Isa. 60:16

Ikitanete iyes ŋituŋa a ŋakwapin lopite ŋolo itanakia toto ikoku. Ikitanete iyes ŋirwosi, ido iyenunete iyes atemar ayoŋ Ekapolon arae ekaiunan ka ekalakunan kus, Akuj ŋina etiron ŋina a Yakob.

Isa. 66:18

Ebala Ekapolon, “Ayeni ayoŋ ŋiticisyo ka ŋatameta kec, ido abuni ayoŋ acunakin ŋituŋa a ŋakwapin a daadaŋ ka a ŋaŋajepa a daadaŋ, epote ikes ka iŋolikinete apolou kaŋ.

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Ŋirom. 15:16

Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

Ŋirom. 15:26

Anerae adaut Ŋikristo ŋulu alo Makedonia ka ŋulu ka Akaia alakar alemun ŋainakineta aŋuna a ŋikulyak alokidiŋ ŋituŋa ŋulu ka Akuj ŋulu eya Yerusalem.

Ŋikis. 32:43

“Okoe ŋituŋa a ŋakwapin, kitopoloosi ŋituŋa a Ekapolon kilipa neni keŋ iyes ŋakujo daadaŋ, anerae inyaŋi iŋes ŋaokot a ŋiketiyak keŋ, inyaŋi ŋakiro a ŋimoe keŋ, isicani ŋulu eremokino iŋes, tolema aronis anakwap a ŋituŋa keŋ.”

Akis. 21:26

Eyaunio apolou ka ebari ŋolo a ŋakwapin tooma lotaun ŋolo apolon.

Akis. 22:2

Toleleunito kwap kitorito kidiŋ erukude ŋolo apolon ŋolo ke etaun a ŋolo apolon. Ŋolowae ka aŋolol, ayai ekitoe ŋolo ka akiyar, toraununuyete ŋarwa ŋatomon ka ŋaarei alokaru, a ŋololap apeiraunet. Arae ŋakwii kec ŋuna kitaŋaleunet ŋakwapin.