Akis. 21:11 - Ebaibul

¹¹ tocai aŋuna ka akica a ŋina ka Akuj. Tocai etaun ŋol ikwa amoru ŋina epol egyelit, ikwa Yaspa, kileereu ikwa ŋakalilii.

Akis. 21:11 Iomraidhean Croise

Yob 28:17

Nyeriyanikin aosou ka egolid, kori ŋamoru ŋuna itiyaununeere agilas, nyepedoryo akilokony aosou a ŋinapen a ŋulu itiyaunitae a egolid a ŋolo ajokan nooi.

Isa. 4:5

Iwuakini nai Ekapolon edou ka apuru naparan ta akica a akim a ŋina enepi nakwaare kidiama emoru Sion ka kidiama ŋakiboisyo daadaŋ ŋuna ecunanakin ŋituŋa. Kire, erapuwari Ekapolon etaun keŋ daadaŋ.

Esek. 1:22

Kidiama ŋakyes a ŋisubuna a ŋul, apetakina ibore ŋini ekwaan ka ariwo ŋina alokidiama ka anwakinwaki ekoni amoru ŋina aliban nooi ŋina enyaritae Karisolite, arae ŋini ikitubuli.

Esek. 1:26

Yaye ariwo ŋina ayai kidiama ŋakyes kec, ayai ibore ŋini ekwaan ka ekicoloŋ ŋolo ka apolou, atakani itiyaunitae a amoru a ŋinapus a ŋina enyaritae Sapire. Eboi alokicoloŋ a ŋol etorube ŋolo ekwaan ka ŋolo a ituŋanan.

Esek. 28:16

Anakicuruta kon a ŋina alalan nooi, abu aryenyeo kilelebun neni kon, ido ibu iyoŋ tosec; aŋun, abu ayoŋ okojal iyoŋ ikwa ibore ŋini eturuwor ikoŋinait alomukura a ŋolo ka Akuj, abu nai emalaika ŋolo ikiyoki iyoŋ a nen ikirita iyoŋ alokidiŋ ŋamoru ŋuna anepete.

Esek. 43:2

eŋolik ayoŋ a nen akica ŋina ka Akuj a Isirael ebunit alo Kide. Ekwaan eruye keŋ ka ŋolo a ŋakipi a ŋuna alalak a ŋuna ipumasi, abu akica ŋina ka Akuj kinwak akwap.

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Akis. 15:8

Kilelebun Kai ka Akuj apuru ŋina abunit anakica ka anapedor a ŋina ka Akuj. Amam ituŋanan ŋini apedori alomar Kai ka Akuj akitodol ŋina asaluniata ŋakisicaneta ŋunakanikaarei ŋuna ayaunete ŋimalaikan ŋulukanikaarei.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.

Akis. 22:5

Nyeyakaun nabo jik akuwar ace, nyiitanete ikes ŋitaae kori akoloŋ, anerae eruwor Ekapolon Akuj akica kec ka ipukaete ikes ŋikaru ka ŋikaru.

Akis. 4:3

Amilimili ituŋanan ŋini eboi a nen, ekwaan ka amilimil a ŋamoru a ŋuna enyaritae Yaspa ka Karanelia. Erikaunit ekicoloŋ alokakinet ŋina ekwaan ka amoru ŋina aliban nooi ŋina enyaritae Emeral.

Akis. 4:6

Ayai nabo kiŋaren ekicoloŋ ŋol ibore ŋini ekoni anam ŋina a ŋakalilii, ŋini alilii ikwa aroet. Nawaetin ke ekicoloŋ, ayakasi ŋisubuna ŋiomwon ŋulu ayarete, ŋulu eryamito ŋakonyen kiŋaren ka kaku daŋ.