Akis. 20:4 - Ebaibul

⁴ Abu oanyuwa ŋikicoloŋo ŋulu ka apolou icoloŋito ŋulu ainakinitae apedor aruwor ŋikatubok. Abu daŋ oanyuwa ŋitai a ŋituŋa a ŋulu ketubonoryo ŋakyes, aŋuna araakatar ikes ŋisuudae a Yesu ka aŋuna ka Akirot a ŋina ka Akuj. Kepotu ikes nyilipa neni ke etyaŋ kori neni ke etorube keŋ ka nyiwuakina emacar ŋolo ke etyaŋ loreetin kori nakan kec. Toyarut ikes kipukata kaapei ka Kristo ŋikaru aliput apei.

Akis. 20:4 Iomraidhean Croise

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Dan. 7:18

Nai ijaarete ŋituŋa ŋulu ka Akuj a ŋina alokidiama nooi apukan kituruwosi ŋina kec ŋikaru ka ŋikaru, kire jik eruwor apukan ŋina kec ŋikaru ka ŋikaru.’

Dan. 7:22

apotu ŋun kitiyas akitodol ŋina abunio ŋolo iboi ŋikaru ka ŋikaru, ŋolo abu totub ŋakiro eikinit ŋituŋa ŋulu ka Akuj a ŋina alokidiama nooi, tosodi abu todol apaki ŋina aponiata ŋituŋa ŋulu ka Akuj toruworos ŋikepukak.”

Dan. 7:27

Einakinio nakan a ŋituŋa a ŋulu ka Akuj a ŋina alokidiama nooi arwosiyo ka apukan ta apolou nooi a ŋakwapin a daadaŋ anakwap. Eruwor apukan kec ŋina a ŋikaru ka ŋikaru, tosodi itiyanakinete ka iwuapete ŋituŋa a ŋapukasinei a daadaŋ ŋakiro kec.”

Dan. 7:9

“Ani eriŋa ayoŋ ete, aponi kiwuakinae nen ŋikicoloŋo ŋulukipukaet, ido abu ŋolo iboit ŋikaru ka ŋikaru kiboikin lokicoloŋ keŋ, akwaŋak ŋilowi keŋ ekwaan ka ŋalepan, akwaŋak ŋitim a akou keŋ ekwaan ka ŋajul a ŋamesekin a ŋuna ekwaŋak kya. Acai ekicoloŋ keŋ ekwaan ka arira a akim ka acai neni irimi anakejen a ekicoloŋ keŋ ekwaan ka akim ŋina enepi.

Mal. 4:5

“Kiirasi, eyakuuni ayoŋ ekadwaran Eliya neni kus eriŋa nyedolo akoloŋit ŋina ke Ekapolon, akoloŋit ŋin ŋina apolon nooi ŋina a ŋinyas.

Mat. 19:28

Tolimok Yesu ikes tema, “Kire akalimokini ayoŋ iyes atemar, anakwap a ŋina kitete apaki ŋina iboikinor Lokoku a Ituŋanan lokicoloŋ ŋolo ka apolou keŋ anakuj, iboikinosi iyes daŋ ŋulu ikiwuapakis ayoŋ lokicoloŋo ŋulutomon ka ŋiarei, atubonokin ŋatekerin ŋunatomon ka ŋaarei ŋuna a Isirael.

Mat. 24:10

Ejamakinete ŋikalalak anupit Akuj ŋirwa ŋul, eluwonokin ŋituŋa make todiŋanakin.

Mar. 6:16

Nai ŋina eirarya Erode ŋakiro ŋun, abu tema, “Yoana monopei ŋolo atubori ayoŋ akou ayaru a?”

Mar. 6:27

Ŋolopeikiro, kiyakiya erwosit esigarit ŋolo apolokinit ŋasigarya, tolimok iŋes ayaun akou a Yoana. Tolot nai iŋes mabus, totub akou a Yoana;

Mar. 9:11

Kiŋita ikes Yesu temasi, “Nyo ebaakatar ŋiketatamak a Ŋikisila itemokino mono Eliya kisyau abunore?”

Luk. 1:17

Iŋarenikini iŋes Ekapolon, etitiny ka togogoŋ ikwa ekadwaran Eliya. Imorikini iŋes atapapa ka ŋidwe, tocamunos; nabo ibelekini iŋes ŋulu eŋerito Akuj kiwuapa aosou a ŋulu itiyaete ŋuna iyookino, kitemok ŋituŋa kidarut Ekapolon.”

Luk. 14:14

Iryamuni iyoŋ arereŋu, anerae emam ikes ibore ikiinakinete iyoŋ. Ikitaci iyoŋ Akuj akoloŋit ŋina eyaruniata ŋituŋa ŋulu ajokak.”

Luk. 22:30

ikotere kimuja ka tomata daŋ a Napukan kaŋ. Kiboikinotor lokicoloŋo, totubonokis ŋatekerin ŋunatomon ka ŋaarei ŋuna a Isirael.

Yoa. 14:19

Apaki adio cicinyekeŋolikinete nabo ayoŋ ŋituŋa ŋulu ka akwap a na, nai ikiŋolikinete iyes ayoŋ ka aŋuna ayarya ayoŋ, iyarete iyes daŋ.

Ŋirom. 11:15

Anerae ŋina aŋerere ikes, aponi kituruworoe akwap ekone ŋolo ka Akuj. Ikokini nai ai apaki ŋina ecamunia Akuj Ŋiyudayan? Eyarunete ŋikatwak!

Ŋirom. 8:17

Ikwaŋina ikiraakar iwon ŋidwe keŋ, ikiryamuni iwon ŋarereŋisyo ŋuna iŋadat Akuj aŋuna a ŋituŋa keŋ ka ikiryamuni iwon kaapei ka Kristo ŋuna iŋadat Akuj aŋuna keŋ. Anerae ani kikimora iwon akisicanio a Kristo, ikimori daŋ ka iŋes apolou keŋ.

2 Tim. 2:12

Ani kikidaŋidaŋ iwon, ikipukae iwon daŋ kaapei ka iŋes. Ani kikipeg iwon atemar ikiyeni iŋes, iŋes daŋ epegi atemar ikiyeni iwon.

Akis. 1:2

Eteyenu Yoana ŋakiro daadaŋ ŋuna abu iŋes toanyu, ŋuna eponito aneni ka Akuj ka ŋuna eteyenu Kristo.

Akis. 1:9

Ayoŋ Yoana lokaato kus ikimori kaapei ka iyes atitinyikinit ŋican ŋulu eryamunito ŋituŋa ŋulu erae ŋulu ka Apukan a Yesu. Abu oyakaun loculat ŋolo ka anam ŋolo enyaritae Patimos aŋuna a ŋakiro a ŋuna ka Akuj ka aŋuna ka akiteyenunet a ŋina a Yesu.

Akis. 11:11

Ani kelunyarosi ŋirwa ŋiuni ka atutubet, bu ekiaŋanu ŋolo ka akiyar aneni ka Akuj, toloma neni kec, ido tonyout, tobul ŋituŋa daadaŋ ŋulu apotu toanyuwasi ikes.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 11:3

Eyakuuni ayoŋ ŋikadwarak kaŋ ŋuluarei enapito ŋiguniyae, elimonokinete ikes ŋakiro ŋuna ka Akuj alorwa a ŋulu ka apeiliput a ŋamiae ŋaarei ka ŋatomonikanikapei.”

Akis. 11:7

Ani kedaut ikes alimonokin ŋakiro kec, elomuni etyaŋ anakipany a ŋina aoyan a ŋina nyesalunit alokwap akitijiyore ikes. Ilouni iŋes ikes ka toar,

Akis. 12:11

Apotu ŋikaitotoi yok kilout iŋes a ŋaokot a ŋuna a Imesek ka aŋuna a ŋakiro a ŋuna eteyenunete ikes; anerae acamunito ikes akijal akiyar kec, totwaka.

Akis. 14:11

Erubakini apuru ŋina ka akim a ŋina isicani ikes elosi kidiama ŋikaru ka ŋikaru. Emam apaaran kori akuwar ŋina ieŋuniata alocan kec. Ŋituŋa ŋulu ilipete neni ke etyaŋ a ŋol ka neni ke etorube keŋ, ikes ŋulu eyai emacar keŋ loreetin kec.”

Akis. 15:2

Abu oanyuwa ibore ŋini ekoni anam ŋina a ŋakalilii imorikina ka akim. Abu daŋ oanyuwa ŋulu kepotu kilout etyaŋ ka etorube keŋ ta enamba ŋolo ke ekiro keŋ. Awuasi ikes ke epeiwae anam ŋina a ŋakalilii, toyakatar ŋaduŋgui ŋuna keinakini Akuj ikes.

Akis. 17:8

Ayari koloŋ etyaŋ ŋol, nai tokona nyeriŋa eyari; eapi iŋes alomun anakipany a ŋina aoyan a ŋina nyesalunit alokwap, tolot nai toarae. Eumokinete ŋituŋa ŋulu koloŋ pa keponi kigirae ŋirorwa kec lokitaabo ŋolo ka akiyar ameun anasubunet akwap, apaki ŋina iŋolikiniata etyaŋ. Anerae ayari koloŋ, tokona nyeriŋa eyari, nai etakanuni nabo.

Akis. 2:26

“Iŋes ŋini ilouni ka kiricak ŋakiro kaŋ akitodol nasalunet, ainakini ayoŋ iŋes apedor ŋinakipukaet ŋakwapin.

Akis. 20:6

Elakara ka erereŋ nooi ŋulu imarakinitae nayarun alokatwak ŋina esyaunan! Nyetapi atwanare ŋina a ŋaarei ikes, eruworosi ikes ŋisacaradotin ŋulu ka Akuj ka ŋulu a Kristo, kipukata ka iŋes ŋikaru aliput apei.

Akis. 22:5

Nyeyakaun nabo jik akuwar ace, nyiitanete ikes ŋitaae kori akoloŋ, anerae eruwor Ekapolon Akuj akica kec ka ipukaete ikes ŋikaru ka ŋikaru.

Akis. 3:21

Iŋes ŋini ilouni, ainakini apedor, akiboikin ka ayoŋ lokicoloŋ kaŋ, ikwapei abunio ayoŋ daŋ elounia eboikinotor ka Papa kaŋ lokicoloŋ keŋ.

Akis. 4:4

Erikaunito ekicoloŋ ŋol ŋikicoloŋo ŋulu arae ekimar kec ŋatomoniarei ka ŋiomwon, kicoloŋito ŋikatukok ŋatomoniarei ka ŋiomwon, ŋulu anapito ŋikaasoi ŋulu akwaŋak, tonapito daŋ ŋibokoi ŋulu etiyaunitae a egolid.

Akis. 6:9

Ani eŋaari Imesek akipucet ŋina a ŋakan, abu eŋolik alokwap Namuroet ŋitai a ŋituŋa a ŋulu kearyo aŋuna ka alimonokin ŋakiro ŋuna ka Akuj ka aŋuna ka araakau ŋisuudae keŋ ŋulu ikinyoma.

Akis. 7:3

Tolimok iŋes ikes tema, “Nyiwan akwap kori anam kori ŋikito akitodol ŋina ikiwuakinia ŋimacarin loreetin a ŋulu erae ŋiketiyak ŋulu ka Akuj yok.”