Akis. 20:3 - Ebaibul

³ Kimasak emalaika iŋes nauwuat ŋina aoyan, togolok auwuat kimuleleiya, ikotere nyepedorya nabo iŋes amodyanakin ŋakwapin tari ŋina elunyarotor ŋikaru aliput. Ani kelunyar ŋikaru ŋul, itemokino tolacakinae iŋes adiouriyen.

Akis. 20:3 Iomraidhean Croise

Ŋikiru. 90:4

Ŋikaru aliput aneni kon, ikote akoloŋinit ŋina bien, kori abaet ŋina ka akuwar.

Dan. 6:17

Aponi yaunae amoru togolokinoe nakituk ka adui, abu erwosit kipuc a ecoto nawae amoru ŋin, ido kiwuak emacar ŋolo a ekaboboot keŋ ka ŋimacarin a ŋikabobooe a ŋikapolok a ŋulu epukatotor iŋes ikotere nyiŋarak idiotuŋanan Daniel anatyonis a ŋina ayakar.

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mat. 27:66

Toloto nai ikes togolo alyal ejok kimuleleiyasi, kiwuakis ŋisigarya kiteto.

Mar. 4:15

Ikote ŋicetuŋa ŋikinyom ŋulu apotu todoto lorot, ŋinapei iiraryata ikes ŋakiro ŋuna ka Akuj, bu Satan atipei, tolema ŋakiro ŋuna aris keekin neni kec.

Luk. 8:31

Kimaimaa ŋipyan ŋul Yesu nyecakak ikes nauwuat ŋina aoyan.

2 Ŋikor. 11:3

Nai akuryanit ayoŋ ebe ikwaŋina abunio emun tomodikinia Epa ka aosou keŋ, itooliyoryo ŋatameta kus anakikinyomit ka ananupit Kristo.

2 Pet. 3:8

Nai ŋikaakonei ŋuluminan, nyikimuryak ibore ipei! Alokiŋaren Akuj, emam atyaketait alokidiŋ akoloŋit apei ka ŋikaru aliput; aneni keŋ, ikwaan ikes.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

Akis. 13:14

Abu tomodik ŋituŋa daadaŋ ŋulu iboiyete anakwap a ŋakujuwuanisya a ŋuna acamakinitae iŋes akitiya alokiŋaren etyaŋ ŋolo ke ekiŋaren. Tolimok etyaŋ ikes adukokin etorube ŋolo ke etyaŋ a ŋolo awanitae ka atum, nai ayari.

Akis. 17:2

Apotu ŋirwosi ŋulu anakwap tomalaana ka iŋes, tomerakinos ŋituŋa ka akwap aŋuna amasyata epiini ŋolo ka amalao keŋ.”

Akis. 17:8

Ayari koloŋ etyaŋ ŋol, nai tokona nyeriŋa eyari; eapi iŋes alomun anakipany a ŋina aoyan a ŋina nyesalunit alokwap, tolot nai toarae. Eumokinete ŋituŋa ŋulu koloŋ pa keponi kigirae ŋirorwa kec lokitaabo ŋolo ka akiyar ameun anasubunet akwap, apaki ŋina iŋolikiniata etyaŋ. Anerae ayari koloŋ, tokona nyeriŋa eyari, nai etakanuni nabo.

Akis. 20:1

Abu oanyuwa emalaika ebunit anakuj, etiŋit ekipuŋguwo ŋolo ka auwuat a ŋina aoyan a ŋina nyesalunit alokwap ka erikot ŋolo apolon.