Akis. 2:7 - Ebaibul

⁷ “Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini apedor ŋinakimujet arait ŋina ke ekitoe a ŋolo ka akiyar, a ŋolo eyai lomanikor ŋolo ka Akuj.”

Akis. 2:7 Iomraidhean Croise

Akisy. 2:9

Analup a ŋuna a emanikor a ŋol, abu Ekapolon Akuj kiturup ŋikito daadaŋ ŋulu ebusak ka ajokak aŋuna ka akimuj. Ayakasi daŋ kidiŋ emanikor ŋol ŋikito ŋiarei, epei ŋolo ka akiyar ka epei ŋolo ka ayenut ajokis ka aronis.

Ŋakit. 11:30

Eauni akiyookino akiyar, nai elemari aryenyeo akiyar.

Ŋakit. 13:12

Ani pa keryamu ituŋanan ibore ŋini sek egeno iŋes aryamun, epete ŋikarune lotau keŋ, nai ani keryamu ituŋanan ibore ŋini ecamit iŋes aryamun, ilelebikin alelyanu lotau keŋ.

Ŋakit. 15:4

Akirworo ŋakiro irimaana, eauni akiyar, nai akirworo ŋakiro iryenyaana, eauni akitakadakinet lotau.

Ŋakit. 3:18

Erae aosou ekitoe ŋolo ka akiyar aneni a ŋulu einakina neni ka aosou, eryamunete ŋulu einakina neni ka aosou ŋarereŋisyo.

Esek. 28:13

Iboi iyoŋ paaran esibit iyai Eden, lomanikor ŋolo ka Akuj; apotu ŋamoru ŋuna epol egyelit daadaŋ ikisibusa iyoŋ inapit; ŋamoru ŋun ikes nu: Ŋuna areŋak puu ŋuna enyaritae Rubi, ŋuna enyaŋiyarito ŋuna enyaritae Topas, ŋuna inyalal ŋiraŋgi ŋuna enyaritae Diamon, ŋuna enyaŋiyarito ŋuna enyaritae Beril, ŋuna areŋak puu ŋuna enyaritae Oniks, ŋuna inyalal ŋiraŋgi ŋuna enyaritae Yasiper, ŋuna epusiyaka ŋuna enyaritae Sapire, ŋuna inyalal ŋiraŋgi ŋuna enyaritae Turikuoise, ŋuna alibak nooi ŋuna enyaritae Emerald ka egolid. Iyakar iyoŋ ŋinapito ŋulu enaminamitae egolid; aponi kitemonokinoe ŋinapito ŋul akoloŋit ŋina ikisubunere iyoŋ.

Esek. 31:8

Emam ekitoe a Cedar alomanikor ka Akuj ŋolo apedoryo akisikwaan ka ekitoe ŋol. Emam ekitoe a Cipres ayakar ŋaten ŋuna ekwaan ka ŋuna a ekitoe a ŋol. Emam ŋikito ŋulu ka ariet ŋulu ekwaan ŋaten ka ŋuna a ekitoe a ŋol. Emam ekitoe alomanikor ka Akuj ŋolo ekwaan akibuses keŋ ka ŋina a ekitoe a ŋol.

Mat. 11:15

Iŋes ŋini eya ŋaki ŋuna kiiraret, kiira.

Mat. 13:43

Ecaunete nai ikwa akoloŋ ŋulu iyookino a Napukan a Papa kec. Iŋes ŋini eya ŋaki ŋuna kiiraret, kiira.

Mat. 13:9

Iŋes ŋini eya ŋaki ŋuna kiiraret, kiira.”

Mar. 4:9

Tolimok nai Yesu ikes tema, “Iŋes ŋini eya ŋaki ŋuna kiiraret, kiira.”

Mar. 7:15

Emam ibore ŋini alokiŋa ituŋanan ŋini elomari tooma keŋ, kitoroniya iŋes. Nai ibore ŋini elomuni anituŋanan, iŋes itoroniyari iŋes. [

Mar. 7:16

Iŋes ŋini eya ŋaki ŋuna kiiraret, kiira.]”

Luk. 23:43

Tolimok Yesu iŋes tema, “Akalimokini ayoŋ iyoŋ kire atemar, napeikoloŋit na ikiruki iyoŋ ka ayoŋ anajakaanut a ŋina ka Akuj!”

Luk. 8:8

Nabo apotu ŋice todoto nalup ŋuna ajokak, toruput topolout, tokoniu ŋolokinyomit amiat.” Kedau Yesu erwor ŋun, tolimok ikes ikeunit tema, “Iŋes ŋini eya ŋaki ŋuna kiiraret, kiira!”

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

1 Ŋikor. 2:10

Nai adau Akuj akitoodikin isua ŋun alotooma Etau keŋ. Eripiripi Etau ŋakiro daadaŋ, tari ŋuna iwuaitae ŋuna ka Akuj.

2 Ŋikor. 12:4

Abu iŋes kiira ŋakiro ŋuna nyepedori idiotuŋanan akirwor ŋuna nyepedoryo alimun.

1 Yoa. 2:13

Atapapa, ekegirakinit ayoŋ iyes, anerae iyenete iyes ŋolo eyai ameun anakisyakinet. Ŋisorok, ekegirakinit ayoŋ iyes, anerae igogoŋ iyes ka iboi akirot ŋina ka Akuj alotooma kus ka idaut iyes akiloun ŋolo Aronon.

Akis. 13:9

“Iŋes ŋini eya ŋaki, kiira nu:

Akis. 14:13

Abu eira etoil anakuj ebala, “Kigir nu: erereŋ ŋituŋa ŋulu etwakete anakijaanakin Ekapolon ameun tokona!” Toboŋok Etau tema, “Ee, kire jik! Ieŋunete ikes alocan kec, anerae erukorete ikes ka ŋiticisyo kec.”

Akis. 15:2

Abu oanyuwa ibore ŋini ekoni anam ŋina a ŋakalilii imorikina ka akim. Abu daŋ oanyuwa ŋulu kepotu kilout etyaŋ ka etorube keŋ ta enamba ŋolo ke ekiro keŋ. Awuasi ikes ke epeiwae anam ŋina a ŋakalilii, toyakatar ŋaduŋgui ŋuna keinakini Akuj ikes.

Akis. 2:11

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, nyeari atwanare ŋina a ŋaarei iŋes.

Akis. 2:17

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini Manna adio ŋina iwuaitae. Ainakini nabo ayoŋ iŋes amoru ŋina akwaŋan ŋina igiritae ekiro ŋolokitete, ŋolo emam ituŋanan eyeni, mati ŋini einakinio amoru ŋin.

Akis. 21:7

Ŋini ilouni, eryamuni ŋun aneni kaŋ, aruwor ayoŋ Akuj keŋ ka eruwor iŋes lokoku kaŋ.

Akis. 22:14

Erereŋ ŋulu ilotarito ŋilowi kec, ikotere toryamut apedor ŋina nyamet arait ŋina ke ekitoe a ŋolo ka akiyar ka kitoro lopidiŋ elomarete lotaun ŋolo apolon.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.

Akis. 22:2

Toleleunito kwap kitorito kidiŋ erukude ŋolo apolon ŋolo ke etaun a ŋolo apolon. Ŋolowae ka aŋolol, ayai ekitoe ŋolo ka akiyar, toraununuyete ŋarwa ŋatomon ka ŋaarei alokaru, a ŋololap apeiraunet. Arae ŋakwii kec ŋuna kitaŋaleunet ŋakwapin.