Akis. 2:23 - Ebaibul

²³ Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

Akis. 2:23 Iomraidhean Croise

1 Ŋakiro a ŋirwa 17:18

Anukiro tokona ŋace ŋuna apedori ayoŋ alimokin iyoŋ aŋuna ikitopoloorya iyoŋ ayoŋ eketiyan kon? Ikiyeni iyoŋ ayoŋ eketiyan kon.

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

1 Ŋakiro a ŋirwa 29:17

Akuj kaŋ, ayeni ayoŋ atemar icamit iyoŋ ayenun ŋuna eyakasi lotau a ituŋanan, ido ilakara iyoŋ aŋuna a ŋini iyookino ka aŋuna ka akiyookino ke etau kaŋ, adau ayoŋ alotooma acamit kaŋ, ainakin ŋiboro lu daadaŋ, adau daŋ tokona akiŋolikin ŋituŋa kon, ŋulu tokona eyakasi ne, ŋulu ikiinakis iyoŋ ŋiboro alotooma acamit ka alelyanu.

2 Ŋakiro a ŋirwa 6:30

ekelipit kiira anakuj aneni erae akibois ŋina iboiyo iyoŋ. Ekelipit kisyoni ka kitiya neni a ŋinituŋanan lopite ŋolo itiyaa iŋes, ikwapei iyenia iyoŋ ŋuna eya lotau a ŋinituŋanan, (anerae iyoŋ bon iyeni ŋitai a ŋituŋa a daadaŋ).

Yob 24:23

Einanakini Akuj ikes akiboi emam ŋace, ido iŋarakinitae ikes; nai ite Akuj ŋuna itiyaete ikes.

Ŋikiru. 139:1

Okoe Ekapolon, idau iyoŋ aripirip ayoŋ, ido ikiyenu iyoŋ ayoŋ.

Ŋikiru. 26:2

Okoe Ekapolon, kisyemei ayoŋ ka kikatakinae ayoŋ, kikatak etau ka ŋatameta kaŋ;

Ŋikiru. 44:21

pa mono keyenunit Akuj ŋun a? Anerae eyeni iŋes ŋuna imunono alotai.

Ŋikiru. 62:12

ido neni kon okoe Ekapolon eyai amina ŋina nyiryaŋiryaŋa, anerae iropi iyoŋ ŋituŋa daadaŋ alopite a ŋolo itiyatotor ikes.

Ŋikiru. 7:9

Okoe Akuj ŋina iyookino, iyoŋ isyemeonori ŋakiro ŋuna eya natameta ka lotai, kitasalu aryenyeo a ŋulu aronok, ido kiterereŋ ŋulu iyookino.

Yer. 11:20

Okoe iyoŋ Ekapolon ŋolo a ŋajoresyo iyoŋ ŋolo itubi ŋakiro ka akiyookino, ŋolo ikatanakini ŋitai ka ŋatameta a ŋituŋa, kisiŋolikinae ayoŋ akinyaŋaret kon neni a ŋituŋa a lu, anerae ewuak ayoŋ ŋakiro kaŋ daadaŋ napedor kon.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 20:12

Okoe Ekapolon ŋolo a ŋajoresyo, ikatanakini iyoŋ ŋulu iyookino, ite iyoŋ ŋatameta ka ŋitai, kimyekinae ayoŋ eŋolik isicani iyoŋ ikes, anerae ainakina ayoŋ akitiya acamit kon.

Sepan. 1:11

Kiwololoto iyes ŋituŋa daadaŋ ŋulu iboiyete anakibois a ŋinadipal alotaun, a ŋina egelanerere ŋiboro, anerae amunyar ŋimucurus daadaŋ, adaun tari ŋulu sek ipimete esilipa.

Mat. 16:27

Anerae ebuni Lokoku a Ituŋanan ka apedor a ŋina a Papa keŋ erukito ka ŋimalaikan, torop ŋinituŋanan ikwaŋina itiyator.

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Yoa. 21:17

Kiŋit Yesu Petero akiŋiset ŋina a ŋauni tema, “Simoni lokoku a Yoana, ikimina iyoŋ ayoŋ a?” Kiyaloloŋ Petero aŋuna abunio Yesu kiŋit iŋes ŋakiŋiset ŋauni ebala, “Ikimina iyoŋ ayoŋ a?” Tolimok nai Petero Yesu tema, “Ekapolon, iyeni iyoŋ ŋakiro daadaŋ, iyeni daŋ atemar akamina ayoŋ iyoŋ!” Tolimok nai Yesu Petero tema, “Kiyok ŋamesekin kaŋ.

Yoa. 4:16

Tolimok Yesu iŋes tema, “Ape, tonyarau lokile kon, ido toboŋu ne.”

Ŋitic. 1:24

Tosodo kilipa temasi, “Ekapolon, iyeni iyoŋ etau a ŋinituŋanan, kitoodikinae tokona isua alokilyok a ŋuluarei a lu ŋolo iseu iyoŋ.

Ŋirom. 14:12

Isisauni nai ŋinituŋanan alotooma yok ŋakiro keŋ a ilope alokiŋaren Akuj.

Ŋirom. 8:27

Akuj ŋina eripit ŋitai a ŋituŋa eyeni ŋatameta ŋuna ke Etau a ŋolo ka Akuj. Anerae imaimai Etau Akuj aŋuna a ŋituŋa a ŋulu ka Akuj, lopite ŋolo ecamitor Akuj.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

Ŋigal. 6:5

Anerae itemokino ŋinituŋanan kitir ŋipitesyo keŋ a ilope.

Ŋikis. 13:11

Iirarete nai Ŋisirael daadaŋ ŋakiro ŋun, ido tobul ka nyitiyae nabo ituŋanan ice aronis ŋina ikoni ŋin.

Ŋikis. 17:13

Iirarete ŋituŋa daadaŋ ŋakiro ŋun tobul, tosodi nyitiyaete nabo ikes ŋakiro ŋun iredakinito.

Ŋikis. 19:20

Iirarete ŋituŋa ŋuluce ŋakiro ŋun ido tobul, ido mam nabo nyitiyaete ŋituŋa aronis ŋina ikoni ŋin alokiŋaren kus.

Ŋikis. 21:21

Ecakete nai ŋikilyok a etaun a ŋol iŋes a ŋamoru totwan. Aŋun, ilemarete iyes aronis alokidiŋ kus, ido iirarete Ŋisirael daadaŋ ŋakiro ŋun, tobul.

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.

1 Pet. 1:17

Inyarito iyes iŋes Papa, apaki ŋina ilipyata iyes neni ka Akuj, a ŋina etubonokini ŋituŋa daadaŋ emam atyakatyak, alopite a ŋolo itiyator ŋinituŋanan. Aŋun, kiboiyoto anakiyar kus a daadaŋ alokwap a ne ikerito iŋes.

Akis. 2:11

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, nyeari atwanare ŋina a ŋaarei iŋes.

Akis. 2:7

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini apedor ŋinakimujet arait ŋina ke ekitoe a ŋolo ka akiyar, a ŋolo eyai lomanikor ŋolo ka Akuj.”

Akis. 20:12

Abu eŋolik ŋikatwak, ŋikarwok ka ŋicaryo ewuasi kaapei alokiŋaren ekicoloŋ, toŋaarae ŋikitaaboi. Toŋaarae nabo ekitaabo ece, ekitaabo ŋolo ka akiyar. Aponi totubokinae ŋikatwak ikwaŋina kitiyatotor ikes, ikwapei igiritere lokitaaboi.

Akis. 20:13

Toleku anam ŋikatwak ŋulu ayakasi tooma keŋ. Tolekut Atwanare ka Akibois ŋina a ŋikatwak daŋ ŋikatwak ŋulu ayakasi neni kec. Aponi totubokinae ikes daadaŋ ikwaŋina kitiyatotor ikes.

Akis. 22:12

Ebala Yesu ebe, “Kiirasi, abuni ayoŋ atipei! Ayauni ayoŋ ŋiropito kaŋ, oinak ŋinituŋanan ikwa itiyator.

Akis. 6:8

Ani eŋoliyari, oanyuwa aŋole ŋina nyaŋaliban; anyaritae ekiro ke ekameton aŋole ŋin Atwanare, totupite akwap ŋina a ŋikatwak iŋes. Aponi inakinae ikes apedor ŋinakipukaet atutubet ŋina a ŋaomwon ŋina ka akwap, akiar alotooma ejiye ka eron ka edeke ka ŋityaŋ ŋulu adedeŋak.

1 Sam. 16:7

Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”