Akis. 19:12 - Ebaibul

¹² Ekote ŋakonyen keŋ arira ka anapit ŋatoryet ŋuna alalak. Egiritae ekiro neni keŋ, nai amam ituŋanan ŋini ayeni, mati elope.

Akis. 19:12 Iomraidhean Croise

Akisy. 32:29

Kiŋit nai Yakob ekile ŋol tema, “Ŋae mono ekiro kon.” Toboŋok nai ekile ŋol tema, “Kaanukiro iŋisitor iyoŋ ekiro kaŋ?” A nen, kiterereŋ ekile ŋol Yakob.

Ŋikiru. 8:5

Ibu iyoŋ kitiditeu ikes iwadio akilo iyoŋ, ibu iinak ikes apolou ka akerit.

Awos. 23:21

Tomitakinito akiirar ŋakiro ŋuna irworo iŋes, nyiŋero iŋes, ani kiŋero, nyikisyoni iŋes iyes, anerae ayoŋ eyakuunit iŋes.

Ŋakit. 30:4

Ŋae mono alosit kidiama nakuj, ido toboŋu? Ŋae mono eriraunit ekuwuam tobun anakan? Ŋae mono aokunit ŋakipi a elou keŋ? Ŋae iwuakinit ŋakisaleta ŋuna ka akwap? Ŋae ekiro keŋ? Ŋae ekiro alokoku keŋ? Tolimokinae ayoŋ erae kiyenete!

Eete a Ŋie. 3:11

Ŋaberu ŋuna a Sion, tolomutu kiŋa, kiŋolikisi erwosit Solomon; enapit iŋes ebokot ŋolo etanapikini iŋes toto keŋ nakou akoloŋit ŋina a ŋasuban a ekiitanu keŋ, akoloŋit ŋina ka alakara ka alelyanu keŋ.

Isa. 62:3

Ikwaanikinosi iyes ibusak aneni a Ekapolon ka ekaboboot, ikwaanikinosi iyes ibusak aneni ka Akuj kus ka amoru ŋina epol egyelit ŋina enapito ŋirwosi.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Dan. 10:6

Ekwaan akuwan keŋ ka amoru ŋina enyaŋiyarit ŋina enyaritae Karisolite, acai ereet keŋ ekwaan ka akimilyaunet, anepete ŋakonyen keŋ ekwaan ka ŋatocyo ŋuna enepete, acayete ŋakan ka ŋakejen keŋ ekwaan ka eburonis ŋolo apwasitae ejok ka erurumae etoil keŋ ekwaan ka ŋitoilon a ŋituŋa a ŋulu alalak.

Sakar 9:16

“Ani edoluni akoloŋit ŋin, eiuni Ekapolon Akuj ŋituŋa keŋ lopite ŋolo eiunia ekeyokon ŋamesekin keŋ alocan. Ileereunete ikes anakwap ke Ekapolon a Akuj ikwa ŋasuwa ŋuna amilimilak ŋuna inaminamitae lobokot.

Mat. 11:27

“Akainaki ayoŋ Papa kaŋ ŋiboro daadaŋ. Emam ituŋanan eyeni atemar Lokoku iŋes ŋae, mati Papa, nabo emam ŋini eyeni atemar Papa iŋes ŋae, mati Lokoku ka ŋulu daadaŋ ecamit Lokoku akitoodikin Papa keŋ neni kec.

Mat. 21:5

“Tolimokisi ŋituŋa a Sion atemar, kiŋolikisi, ebunit Erwosit neni kus! Itiditeuna iŋes ka edokit isigirya, itaok ŋini ka asigirya.”

Mat. 28:18

Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap.

Luk. 10:22

“Akainaki ayoŋ Papa kaŋ ŋiboro daadaŋ. Emam ituŋanan ŋini eyeni atemar Lokoku iŋes iŋae, mati Papa; nabo emam ŋini eyeni atemar Papa iŋes iŋae, mati Lokoku ka ŋulu daadaŋ ecamit Lokoku akiteyenun Papa keŋ neni kec.”

Yoa. 17:11

Abunit ayoŋ neni kon; nyeriŋa ayoŋ ayai nakwap, nai eriŋa ikes eyakasi nakwap. Papa ŋolo Asegan, kiyok iyoŋ ikes ka apedor a ŋina ke ekiro kon, ekiro ŋolo ikiinakinit iyoŋ ayoŋ, ikotere eruworosi ikes ŋipei, ikwaŋina ikiraakar iwon ŋipei.

Yoa. 17:12

Ani eriŋa ayoŋ ikirukit ka ikes, abu eyok ikes ka apedor a ŋina ke ekiro kon, ekiro ŋolo ikiinakinit iyoŋ ayoŋ. Eyok ayoŋ ikes, emam ŋini aoliyo, mati ipei ŋini etemokino tooliyo--ikotere kiyookinotor Ŋakigireta.

Ŋiep. 1:21

Ipukat Kristo aina ŋikepukak daadaŋ ŋulu alokidiama, ŋikawuoikinitok akwap, ŋapedorosyo, ŋikapolok ka daadaŋ ŋulu eyakatar apolou anakwap a na ka a ŋina ebunit.

Ŋibur. 2:9

Nai erae Yesu ŋolo aponi kitiditeunae apaki ŋina diouriyen akilo ŋimalaikan, etakani tokona einakinitae apolou ka akerit, anerae abu iŋes tocamu atwanare; aŋuna ka ajokis a ŋina ka Akuj etemokino iŋes totwan aŋuna a ŋituŋa a daadaŋ.

Akis. 1:14

Akwaŋ akou ka ŋitim keŋ ikwa ŋajul ŋuna ka amesek a ŋina akwaŋan kya kori ikwa ŋakako; ekote ŋakeekonyen arira ŋina ka akim.

Akis. 12:3

Totakanu aanyunet ace ŋina apolon ŋina ka aumokin anakuj. Ayai epiu ŋolo apolon nooi ŋolo areŋan ŋolo ayakar ŋakyes ŋakanikaarei ka ŋamomwar ŋatomon ta ŋatoriet ŋakanikaarei ŋuna aya nakyes keŋ.

Akis. 13:1

Abu oanyuwa etyaŋ elomuni ananam. Ayakar ŋamomwar ŋatomon ka ŋakyes ŋakanikaarei; a ŋinamomwara ayakar atoriet ka ŋinakou ayakar ekiro ŋolo eyanyit Akuj.

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”

Akis. 3:12

“Iŋes ŋini ilouni, eturuwori ayoŋ iŋes epir alo Kai ka Akuj kaŋ; nyelomuni nabo iŋes kiŋa jik. Egirakini ayoŋ neni keŋ ekiro ŋolo ka Akuj kaŋ ka ekiro ŋolo ke etaun a ŋolo apolon, Yerusalem ŋolokitete, ŋolo ebunit anakuj aneni ka Akuj kaŋ; egirakini daŋ ekiro kaŋ ŋolokitete neni keŋ.

Akis. 6:2

Abu eŋoliya oanyuwa aŋole ŋina akwaŋan. Ayakar ekameton keŋ akau ŋina a ŋikaleŋeleŋe ka aponi inakinae iŋes ebokot. Abu nai iŋes torotok iloununui ka ikotere ilounia.

Ŋikat. 13:18

Nai toboŋok emalaika ŋolo ke Ekapolon Manoa tema, “Kaanukiro iŋitar iyoŋ ekiro kaŋ? Erae ekiro kaŋ ŋolo eiliili nooi.”