Akis. 18:8 - Ebaibul

⁸ Aŋun, ikamunete iŋes ŋakisicaneta nu alotooma apeikoloŋit bon--edeke, akiyaloloŋ ka eron. Icunyaryo iŋes ka akim, anerae erae Ekapolon Akuj ŋina etubokini iŋes ŋina etiron.”

Akis. 18:8 Iomraidhean Croise

Yob 9:19

Ani katema ayoŋ akisinda ka Akuj anagogoŋu kaŋ, iŋes eruwor ŋina egogoŋ; ani kerae aŋuna ka akiyookino, ŋae akanyarakini ayoŋ Akuj?

Ŋikiru. 62:11

Adau Akuj alimun akirot apei bon, adau ayoŋ akiirar ŋakiro nu ŋaarei: Neni ka Akuj eyai apedor,

Isa. 27:1

Akoloŋit ŋin isitiyae Ekapolon ananyunyura ekileŋ keŋ ŋolo apolon ka ŋolo agogoŋon akisicania etyaŋ ŋolo enyaritae Lepiasan, emun ŋolo ekeri edokinit, Lepiasan emun ŋolo ilugulugo, ido eari Ekapolon etyaŋ ŋolo adedeŋan ŋolo iboi ananam.

Isa. 9:14

Aŋun, abu Ekapolon tomunya alo Isirael ŋikapolok ka ŋulu nyerae ŋikapolok, abu tomunya ŋulu agogoŋok ka ŋulupalag. Abu Ekapolon kitiya ŋun, akoloŋit apei,

Yer. 50:31

“Okoe iyes ŋituŋa a Babilon ŋulu iturosi, akaremokino ayoŋ iyes, anerae adolu akoloŋit kus, adolu apaki ŋina alosyo ayoŋ akisican iyes.

Yer. 50:34

Egogoŋ Ekalakunan kec, erae ekiro keŋ Ekapolon ŋolo a ŋajoresyo. Kire jik eji iŋes aŋuna kec, ikotere eyauni ekisil nakwap kec, nai eyauni iŋes egurigur ŋoloruba neni a ŋituŋa a Babilon.”

Yer. 51:58

“Alimu Ekapolon ŋolo a ŋajoresyo ebe, ‘Eritakinio kwap arwatata a Babilon ŋina aburon kiriyanikin neni daadaŋ ka akwap neni ce, ido icunyaryo ŋipukei keŋ ŋulu aoyak. Ituupasi ŋituŋa koŋin ka iteŋedara ŋituŋa a ŋakwapin ŋiticisyo ŋulu icunyaryo.’ ”

Yer. 51:6

“Toema alokidiŋ Babilon, iyoŋ ŋinituŋanan, toiu akiyar kon, nyimunyarosi aŋuna ka asecit a ŋituŋa a Babilon, anerae erae na apaki ŋina inyaŋarya Ekapolon ŋakiro kec, inyaŋi Ekapolon ŋakiro ŋuna itiyato ŋituŋa a Babilon.

Yoel 2:11

Eceluni Ekapolon alokiŋaren ŋasigarya keŋ; elalak ŋasigarya keŋ ŋuna iwuapito ŋakiciketa, nyimarun; kire jik, epol nooi akoloŋit ŋina ke Ekapolon, erae ŋina a ŋinyas jik. Ŋae epedori akidaŋidaŋ akoloŋit ŋin?

1 Ŋikor. 10:22

Ikicamit mono iwon akitoŋo Ekapolon a? Ikigogoŋ mono iwon akilo Akuj a?

Akis. 11:17

ebasi, “Ekapolon Akuj ŋina etiron, ŋina erae ka ŋina arae! Ikitalakarit isua iyoŋ aŋuna isitiyaa apedor ŋina apolon ka isyak daŋ akipuka.

Akis. 17:16

Ŋamomwar ŋatomon ŋuna ibu iyoŋ toanyuwa, eremokinosi ikes kaapei ka etyaŋ eŋerete amalaat; elemarete ikes ibore daadaŋ ŋini eyakar iŋes, kimyekis eleri, irikarete ikes iŋes ka kicunyasi.

Akis. 17:18

“Aberu ŋina ibu iyoŋ toanyuwa erae etaun ŋolo apolon, ŋolo ipukat ŋirwosi ŋulu ka akwap.”

Akis. 18:17

Atwania iŋes ebari ŋol daadaŋ alotooma esaa epei! Apotu ŋikapolokinitok ŋameeli ka ŋikalotok ŋulu aya nameeli, ŋikametok ŋameeli ka ŋituŋa ŋuluce daadaŋ ŋulu eyarikinito nanam towua aneni alwanan,

Akis. 18:19

Tobukonokis ŋalup ŋakyes kec, kigworo ka kiyaloloŋo temasi, “Oitakoi! Kerokyata ŋakiro ŋuna atakanut lotaun ŋolo apolon nooi lo! Arae iŋes etaun ŋolo abarakinete ŋimucurus ŋulu ayakatar ŋameeli! Atwania iŋes ebari ŋol daadaŋ alotooma esaa epei.”

Akis. 19:3

Tocelut nabo temasi, “Alleluia! Elosi apuru ŋina ka arira a ŋina enyamuwari etaun ŋolo apolon nooi ŋol kidiama ŋikaru ka ŋikaru!”