Akis. 18:7 - Ebaibul

⁷ Inakisi iŋes ŋican ka akiyaloloŋ iriyan ka akituro ta eleilei ŋolo ayakar iŋes. Anerae erubakinit iŋes ebala, ‘Eboi ayoŋ a ne, arae arwosit! Meere ayoŋ apuserut, nyikiryamakin jik ayoŋ ka akiyaloloŋ!’

Akis. 18:7 Iomraidhean Croise

Esta 6:10

Tolimok nai erwosit Aman tema, “Ape atipei! Tolemu ŋilowi ka aŋole, kitiya ŋuna ilimu iyoŋ neni a Moridekai a Eyudayat a ŋolo iboi alopuke a erwosit. Nyimyek akitiyakin akirot adio alotooma ŋuna ilimu iyoŋ.”

Ŋikiru. 10:6

Etamete ikes alotai kec ebe, “Mam ŋakiro ikiteryaŋakinete; ikirubakini ikilakara ananyameta kec a daadaŋ, mam ŋican ikiryamuni.”

Ŋikiru. 45:9

Ŋidwe a ŋirwosi ŋulupesur, ikes ŋaberu ŋace ŋuna itopolooritae alokai ka apukan; ewoi aloteten kon ateran ŋina erae akapolon, enapit asir ŋina ke egolid a ŋolo eyaunitae alo Opir.

Yer. 13:18

Abu nai Ekapolon okolimok ayoŋ tema, “Tolimok erwosit ka arwosit ebe, ‘Kitiditeun bon anerae alemar ebokot ŋolo ebusan anakou kon,

Aum. 1:1

Kesilyor etaun lo, ŋolo paaran eleleba ŋituŋa! Ekwaanikin bareca iŋes ka apuserut, torae bo sek arae iŋes etaun ŋolo etopoloorito ŋituŋa a ŋakwapin! Etaun lo iŋes sek epol anakiboisyo a ŋunace, ekwaanikin tokona ka epito.

Esek. 23:34

Iryamuni iyoŋ ŋican ŋul ka elemarete ŋituŋa alotooma kon ibore daadaŋ; itubutubui iyoŋ ŋanyile a ŋiboro kon kisitiya aduŋuduŋuyo ŋikisin kon, anerae ayoŋ Ekapolon Akuj adau alimun ŋun.

Obad. 1:3

Ikimodik iyoŋ akituro alotau kon, iyoŋ ŋina iboi anaitae a ŋimoru, iyoŋ ŋina erae neni eoya alomoru erae ere kon. Ibala iyoŋ alotau kon, ‘Ŋae epedori acakun ayoŋ kwap?’

Sepan. 2:15

Arae sek Ninepe etaun ŋolo alakara ŋituŋa keŋ kiboiyete pa ekuryaka, ebasi make, ‘Iwon bon ikidedeŋ, mam ice?’ Kiŋolikisi tokona epite ŋolo aruworor iŋes ereŋorot, neni eperete ŋityaŋ ŋulu ka ariet! Eumokini ituŋanan daadaŋ ŋini itori nen iŋolikini Ninepe ikoni nen, ido kimuŋumuŋak akou.”

1 Tim. 5:11

Nyigirakis ŋirorwa ŋulu a ŋapuseru a ŋuna eriŋa esorokaka lororwa a ŋunace, anerae ŋina iitaniata ikes akiitar nabo, eŋerete ikes Kristo,

Akis. 18:3

Anerae adaut ŋakwapin daadaŋ akimat epiini keŋ--epiini ŋolo ke ekibure ŋolo ka amalao keŋ. Apotu ŋirwosi ŋulu ka akwap tomalaana ka iŋes, tobara daŋ ŋimucurus ŋulu ka akwap aloterekune keŋ a ŋolo a ŋiboro.”

Akis. 18:9

Ikalounete ka iyaloloŋete ŋirwosi ŋulu ka akwap, ŋulu kitiyaete ka iŋes amalao ka ekibure ŋolo aronon, aŋuna ke etaun a ŋolo apolon, apaki ŋina eanyuwaryata apuru ŋina ka arira a ŋina enyamuwari iŋes.