Akis. 18:3 - Ebaibul

³ Anerae adaut ŋakwapin daadaŋ akimat epiini keŋ--epiini ŋolo ke ekibure ŋolo ka amalao keŋ. Apotu ŋirwosi ŋulu ka akwap tomalaana ka iŋes, tobara daŋ ŋimucurus ŋulu ka akwap aloterekune keŋ a ŋolo a ŋiboro.”

Akis. 18:3 Iomraidhean Croise

Isa. 47:15

Ikote nen aneni kus ŋituŋa ŋulu ipotu iyes inakinos neni kec, ŋituŋa ŋulu itiyata iyes ka agogoŋu neni kec ŋinapei anasoroko kus, erae ikes daadaŋ ŋulu edyakarito, emam ŋini ikiuni iyes.

Yer. 51:34

“Ikimunya isua erwosit Nebukadinesar ŋolo a Babilon, ikiar iŋes isua, eturuwo iŋes etaun kosi ŋolo emam ŋituŋa. Ikiliko iŋes isua lopite ŋolo ilikorya emorotot ibore. Aŋata iŋes ŋiboro kosi ŋulu ajokak daadaŋ, emasa nariet ŋulu nyecamit.

Yer. 51:7

Ekwaan sek Babilon aneni kaŋ ka ekopo ŋolo eyai nakan kaŋ, ekopo ŋolo itiyaunitae a egolid, abu iŋes kitemerak ŋituŋa a akwap a daadaŋ apotu ŋituŋa a ŋakwapin tomata epiini keŋ aŋun, abu kimatimataa ŋituŋa a ŋakwapin nooi.

Aum. 4:5

Atwanikis lorotin ŋulu ke etaun ŋituŋa ŋulu sek imujete ŋamuja ŋuna ajokak; eperete aneni emudio ŋikurono ŋituŋa ŋulu sek ayakatar apolou.

Naum 3:4

Ikwapei etiyaa Ninepe esibit amalaat, aŋuna a ŋipitesyo keŋ a ŋulu etamalaaniasi ŋituŋa ka aŋuna ka akikukuja keŋ a ŋina arikokinia iŋes ŋituŋa napitoonut,

Luk. 7:25

Nyo ilosito iyes akiŋolikin? Ekile ŋolo anapit ŋilowi ŋulu aninikak ŋulu emilimilete a? Toyenete atemar ŋulu enapito ikoŋina ka ŋulu ebarito jwi jwi, ikes iboiyete alorerya a ŋikapolok!

1 Tim. 5:11

Nyigirakis ŋirorwa ŋulu a ŋapuseru a ŋuna eriŋa esorokaka lororwa a ŋunace, anerae ŋina iitaniata ikes akiitar nabo, eŋerete ikes Kristo,

Akis. 14:8

Abu emalaika ŋolo a ŋiarei kiwuapak ŋolo ke ekiŋaren tema, “Aukor iŋes! Aukor Babilon ŋolo apolon nooi! Ŋolo abu kitamat ŋakwapin daadaŋ epiini keŋ ŋolo ka amalao!”

Akis. 17:2

Apotu ŋirwosi ŋulu anakwap tomalaana ka iŋes, tomerakinos ŋituŋa ka akwap aŋuna amasyata epiini ŋolo ka amalao keŋ.”

Akis. 18:19

Tobukonokis ŋalup ŋakyes kec, kigworo ka kiyaloloŋo temasi, “Oitakoi! Kerokyata ŋakiro ŋuna atakanut lotaun ŋolo apolon nooi lo! Arae iŋes etaun ŋolo abarakinete ŋimucurus ŋulu ayakatar ŋameeli! Atwania iŋes ebari ŋol daadaŋ alotooma esaa epei.”

Akis. 18:23

Nyeanyuwar nabo akica ŋina ke etaa aneni kon, nyiirar nabo ŋitoilon ŋulu a ŋaterak ka ŋulu a ŋikeitak aneni kon. Arwoko ŋimucurus kon anakwap a daadaŋ, nai ibu iyoŋ tomodik ŋituŋa ŋulu ka akwap a daadaŋ a ekamuka a ŋolo ke ekitoe kon.”

Akis. 18:7

Inakisi iŋes ŋican ka akiyaloloŋ iriyan ka akituro ta eleilei ŋolo ayakar iŋes. Anerae erubakinit iŋes ebala, ‘Eboi ayoŋ a ne, arae arwosit! Meere ayoŋ apuserut, nyikiryamakin jik ayoŋ ka akiyaloloŋ!’

Akis. 18:9

Ikalounete ka iyaloloŋete ŋirwosi ŋulu ka akwap, ŋulu kitiyaete ka iŋes amalao ka ekibure ŋolo aronon, aŋuna ke etaun a ŋolo apolon, apaki ŋina eanyuwaryata apuru ŋina ka arira a ŋina enyamuwari iŋes.