Akis. 18:13 - Ebaibul

¹³ Sinamo--ekitoe ŋolo itukukunyi akimuj, eminae ŋolo ke ekinyate ka akimyet ŋina akukunyon ŋina eminae ka eceminae ŋolo akukunyon nooi ŋolo icunyo; epiini ka akimyet, ŋakirya ka ŋaganoi, ŋaatuk ka ŋamesekin, ŋaŋolei ka ŋagaari; ŋipi ka ŋituŋa daŋ.

Akis. 18:13 Iomraidhean Croise

1 Ŋirw. 10:10

Inak nai arwosit ŋina a Seba erwosit ŋatalantae amiat ka ŋatomoniarei ŋuna ke egolid, ŋikito ŋulu ekukuny ŋulu alalak ka ŋamoru ŋuna epol egyelit; mam apaki ace ŋina ayaunitere neni a Solomon ŋikito ŋulu ekukuny ŋulu alalak, ŋulu etya ŋulu abu arwosit ŋina a Seba inak erwosit Solomon.

1 Ŋirw. 10:15

pa imarakinitae ŋolo aryamununui iŋes aneni a ŋimucurus ka aneni a ŋirwosi a daadaŋ a ŋulu ka Arabia ta aneni a ŋikapolok anakwap keŋ.

1 Ŋirw. 10:25

Ayaununui ŋinituŋanan abuni aanyun Solomon ŋiboro ŋulu arae ŋainakineta ŋulu etiyaunitae a esilipa ka egolid. Ayaununeete ikes ŋilowi, ŋiboro ŋulujiet, ŋikito ŋulu ekukuny, ŋaŋolei ka ŋaŋolei-sigirya. Ayaununuyo ŋul elalak a ŋolokaru.

1 Ŋakiro a ŋirwa 5:21

Apotu ikes toŋatut ŋibaren a ŋimoe a ŋul: Ŋikaala ŋalipyo ŋatomonikan, ŋamesekin ŋalipyo ŋamiae ŋaarei ka ŋatomonikan, ŋisigirya ŋalipyo ŋaarei ka ŋituŋa ŋulu arikitoe ŋalipyo amiat.

2 Ŋakiro a ŋirwa 9:9

Inak nai arwosit ŋina a Seba erwosit ŋatalantae amiat ka ŋatomoniarei ŋuna ke egolid, ŋikito ŋulu ekukuny ŋulu alalak ka ŋamoru ŋuna epol egyelit. Mam apaki ace, ŋina ayaunitere neni a Solomon ŋikito ŋulu ekukuny ŋulu alalak, ŋulu etya ŋulu abu arwosit ŋina a Seba inak erwosit Solomon.

Neem. 5:8

abu ayoŋ olimok ikes otema, “Alopite a ŋolo ikipedorya isua, ikidau isua agyelun ŋiyeneta yok ŋulu erae Ŋiburaniyae ŋulu keponi togyelarae nakwapin ŋace, nai tokona igyelanarete iyes ŋiyeneta kus pei, ikotere ikitegyelakinio nabo isua.” Apotu ikes daadaŋ kililiŋa, todaun ŋakiro ŋuna elimunete.

Awos. 21:16

“Ituŋanan ŋini ekokoiyari ituŋanan ŋinice, kegyelarit iŋes ituŋanan ŋin, kori keriŋa eyai neni keŋ, emaikina toarae.

Ŋakit. 7:17

Etukukuny ayoŋ ekitaada kaŋ a eminae a ŋolo akukunyon ka akimyet a ŋina akukunyon ta a ekitoe a ŋolo enyaritae einamon.

Eete a Ŋie. 1:3

ekukuny ŋamyeta ŋuna iosa iyoŋ, ejok nooi ekiro kon ikwaan ka akimyet ŋina akukunyon ŋina ebukokina kwap, aŋun, ikiminasi iyoŋ ŋapesur.

Eete a Ŋie. 3:6

Nyo mono ŋini ebunit analoŋisat ŋini ikwaan ka apuru ŋina eremit kidiama, ŋini eyakar eure ŋolo ke eminae a ŋolo akukunyon ka ŋolo a ekinyate ŋulu etiyaunitae alokito a daadaŋ a ŋulu akukunyok a ŋulu alomucurus.

Eete a Ŋie. 5:5

Abu ayoŋ onyou aŋaar ŋolominat kaŋ, eleleba eure ŋolo a eminae a ŋolo akukunyon nakan kaŋ ka aliit akimyet a eminae a ŋolo akukunyon alomoyo aloboorei a ŋulu eŋaere ka egolere epuke.

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Esek. 27:13

Apotu ŋituŋa a Gireece, a Tubal ka ŋulu a Mesec kicurutata kaapei ka iyoŋ, apotu ikes yaasi ŋiboro kon, ikiinakis iyoŋ ŋituŋa ka ŋiboro ŋulu itiyaunitae a eburonis.

Amos 2:6

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa ka akwap a Isirael itiyaete ŋasecisya ŋuna alalak nooi, nyaesikini ayoŋ akisican ikes, anerae egyelanarete Ŋisirael ŋituŋa kec ŋulu iyookino a esilipa, egyelanarete ikes ŋituŋa ŋulu eyakatar akiitanit a egyelit a ŋamuk a ŋaarei,

Amos 6:6

iyes ŋulu imasete epiini a ŋabakulei, ido kiwosas ŋamyeta ŋuna akukunyok nai nyikinomorito ŋakiro ŋuna ka akinyasuno a ŋina ebunit neni a Ŋisirael.

Amos 8:6

ikigyelununui iwon ŋikulyak a esilipa ka ŋituŋa ŋulu a ŋican a egyelit a ŋolo a ŋamuk a ŋaarei, egyelanaryo iwon tari ŋikabinin a ŋaganoi.

Ŋikis. 24:7

Ani kikamun ituŋanan ŋini ekokoiyarit ituŋanan ŋini erae Esiraelit, akituruwor iŋes epito, kori agyelar, emaikina ituŋanan ŋini ekokoiyarit ŋinice toarae. Aŋun, ilemarete iyes aronis alokidiŋ kus.

Ŋikis. 28:68

Ikinyakari Ekapolon iyes a ŋameeli Ijipit, tari sek kelimunit iŋes atemar nyiboŋorete nabo iyes inaa. Iitanete iyes a nen agyelaro neni a ŋimoe kus ikwapei ŋipi ka ŋapi, nai mam ituŋanan ikigyeli iyes.”

1 Tim. 1:10

aŋuna a ŋulu emalaaka, aŋuna a ŋikilyok a ŋulu iteperete ŋikilyok ŋuluce, aŋuna a ŋulu ekokoiyanarete ŋituŋa ŋuluce, aŋuna a ŋikalyokonok ka ŋulu ikoŋete ka alyokonu ka ŋulu itiyaete ŋace ŋuna nyemaasi ka akitatam ŋina iyookino.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

Akis. 18:14

Elimokinete ŋimucurus iŋes temasi, “Aŋopiyasi ŋiboro daadaŋ ŋulu sek iitanit iyoŋ akituruwor ŋulu kon, adaun ebari ka arwon kon daadaŋ, nyiryamuni nabo iyoŋ ikes jik!”

Akis. 18:15

Ewuoete aneni alwanan ŋimucurus ŋulu apotu tobara aŋuna ecurutaata alotaun a ŋolo apolon a ŋol, anerae ekerito ikes aryamun ŋican kaapei ka iŋes. Epote ikes akigworo ka akiyaloloŋ,