Akis. 17:8 - Ebaibul

⁸ Ayari koloŋ etyaŋ ŋol, nai tokona nyeriŋa eyari; eapi iŋes alomun anakipany a ŋina aoyan a ŋina nyesalunit alokwap, tolot nai toarae. Eumokinete ŋituŋa ŋulu koloŋ pa keponi kigirae ŋirorwa kec lokitaabo ŋolo ka akiyar ameun anasubunet akwap, apaki ŋina iŋolikiniata etyaŋ. Anerae ayari koloŋ, tokona nyeriŋa eyari, nai etakanuni nabo.

Akis. 17:8 Iomraidhean Croise

Ŋikiru. 69:28

Kikisa ikes alokitaabo a ŋolo ka akiyar, nyemaikina ikes igiritae kaapei ka ŋulu iyookino.

Dan. 11:45

Edukokini iŋes ŋiemae keŋ ŋulu ka apukan kidiŋ anam ka emukura ŋolo ebusan ka ŋolo asegan. Nai etwani iŋes, emam ituŋanan ebuni akiŋarakin iŋes.

Dan. 7:11

Abu ayoŋ orubak ete ŋun, anerae apupi ayoŋ ŋakiro ŋuna ka akituro ŋuna erworo amomwara. Ani ete ayoŋ ŋun, aponi toarae etyaŋ ŋol ka aponi kinyasunae akuwan keŋ, ido tocakakinae nakim ŋina arirae.

Dan. 7:26

Nai eyakaun eikiiko ŋolo etubere ŋakiro, tosodi elemaryo apukan aneni keŋ ka emunaaryo apukan keŋ jik.

Dan. 7:3

Apotu ŋityaŋ ŋiomwon ŋulu apolok nooi tolomut ananam, agelegelaka ŋityaŋ ŋul daadaŋ.

Dan. 7:7

Kedaun ŋun, abu nabo eŋolik anakisileerekinet a ŋina abu ayoŋ eŋolik nakwaare etyaŋ ŋolo a ŋiomwon, arae etyaŋ ŋol ŋolo ikiteryaŋakini ŋolo ikitubuli ka arae ŋolo agogoŋon nooi, ayakar etyaŋ ŋol ŋikyal ŋulu aburok ŋulu arae ŋasuwa, anyami iŋes ibore apaki ŋin ka anyilinyili icakit ŋanyile. Agelaana etyaŋ ŋol alotooma ŋityaŋ daadaŋ ŋulu a ekiŋaren ka ayakar ŋamomwar ŋatomon.

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Luk. 10:20

Nai nyilakarosi aŋuna ireuniata iyes ŋipyan, nai itemokino iyes tolakara aŋuna igiritere ŋikusirorwa nakuj.”

Luk. 8:31

Kimaimaa ŋipyan ŋul Yesu nyecakak ikes nauwuat ŋina aoyan.

Yoa. 17:24

“Papa! Acamit ayoŋ ŋulu ikiinakinit iyoŋ ayoŋ, oruko ka ayoŋ aneni ayai ayoŋ, ikotere eanyunete ikes apolou kaŋ, ŋina ikiinakinit iyoŋ ayoŋ; anerae ikimina iyoŋ ayoŋ eriŋa tari akwap nyesubuna.

Ŋitic. 15:18

Ayoŋ Ekapolon, ŋolo aberakin koloŋ sek akiteyenun ŋakiro nu ŋuna etiyakini.’

Ŋiep. 1:4

Tari eriŋa akwap nyesubuna, aris Akuj kikiseu iwon alotooma Kristo aruwor ŋulu keŋ, ikotere nai ikipedori iwon ayakau kiŋaren keŋ ikirae ŋulu ikisegak alotai ka ŋulu ikiyookino alokiŋaren keŋ.

Tito 1:2

ŋakiro ŋuna eponito anakigeno a ŋina ka akiyar a ŋina nyedaun. Abu Akuj ŋina nyelyokono ikiik iwon akiyar ŋin eriŋa ŋakwapin nyesubuna

1 Pet. 1:20

Abu Akuj toseu iŋes eriŋa nyesubuna akwap ka aponi kitoodiunae iŋes aŋuna kus ŋirwa lu ŋulu esidyok.

Akis. 11:7

Ani kedaut ikes alimonokin ŋakiro kec, elomuni etyaŋ anakipany a ŋina aoyan a ŋina nyesalunit alokwap akitijiyore ikes. Ilouni iŋes ikes ka toar,

Akis. 17:11

Etyaŋ ŋolo koloŋ ayari, nai tokona nyeriŋa eyari, erae iŋes erwosit ŋolo a ŋikanikauni, ŋolo erae epei a ŋulukanikaarei, ŋolo elosi aaro.

Akis. 17:2

Apotu ŋirwosi ŋulu anakwap tomalaana ka iŋes, tomerakinos ŋituŋa ka akwap aŋuna amasyata epiini ŋolo ka amalao keŋ.”

Akis. 20:10

Aponi kimasakinae Satan ŋolo amodikini ikes nanam ŋina ka akim ka ŋina a Sulpa neni aris kimasakin etyaŋ ka ekadwaran ŋolo alyokonon; isicanio ikes apaaran ka akuwar ŋikaru ka ŋikaru.

Akis. 20:12

Abu eŋolik ŋikatwak, ŋikarwok ka ŋicaryo ewuasi kaapei alokiŋaren ekicoloŋ, toŋaarae ŋikitaaboi. Toŋaarae nabo ekitaabo ece, ekitaabo ŋolo ka akiyar. Aponi totubokinae ŋikatwak ikwaŋina kitiyatotor ikes, ikwapei igiritere lokitaaboi.

Akis. 20:15

Ituŋanan ŋini pa ayai ekiro keŋ lokitaabo ŋolo ka akiyar, aponi kimasakinae nanam ŋina ka akim.

Akis. 3:10

Aŋuna iricakinia iyoŋ akirot kaŋ ŋina ikicikak iyoŋ atitinyu ŋina nyikirikira, ekeuryari ayoŋ iyoŋ apaki ŋina ka akikatakino ŋina ebunit nakwapin daadaŋ akikatakin ŋulu iboiyete anakwap.

Akis. 3:5

“Iŋes ŋini ilouni, itanapyo ŋilowi ŋulu akwaŋak ikwa ikes, ka nyekisari ayoŋ ekeekiro alokitaabo a ŋolo ka akiyar; nai alimori ayoŋ ekiro keŋ alokiŋaren Papa kaŋ ka ŋimalaikan keŋ.