Akis. 17:3 - Ebaibul

³ Abu Etau min neni kaŋ, okoya emalaika naloŋisat. Oanyuwa ayoŋ aina aberu ŋina eboi alokidiama etyaŋ ŋolo areŋan ŋolo egiritae lowaetin keŋ daadaŋ ŋirorwa ŋulu iyanyitere Akuj. Ayakar etyaŋ ŋakyes ŋakanikaarei ka ŋamomwar ŋatomon.

Akis. 17:3 Iomraidhean Croise

1 Ŋirw. 18:12

Arotokin ayoŋ aneni kon bon, ikiyai iyoŋ, etau ŋolo ke Ekapolon neni nyayeni ayoŋ; aŋun, ani kalot ayoŋ olimok Aab, atemar iyai iyoŋ ne, ido nyikiryamu iŋes iyoŋ, akaari Aab ayoŋ. Orae bo ayoŋ ŋolo arae eketiyan kon ŋolo elipi neni ke Ekapolon ŋinapei eriŋa adit.

2 Ŋirw. 2:16

Tolimokis ikes Elisa temasi, “Kiira, eyakae tokona isua ŋiketiyak kon ŋatomonikan ŋulu ikigogoŋ ne. Kimyekinae isua oloto akiwarar Ekapolon kon; acepaki eyait etau ŋolo ke Ekapolon iŋes tocakaki kidiama emoru edio, kori nakadipaalat.” Tema Elisa, “Mam, nyilot.”

Eete a Ŋie. 8:5

Ŋae mono ŋol ŋolo ebunit analoŋisat, ŋolo etiŋit akan a ŋinaminat keŋ? Abu ayoŋ eketekyenyu iyoŋ alokwap ekitoe ŋolo enyaritae Apol. Arae nen abunio toto kon toryabakinor akidoun iyoŋ, arae nen abunio ŋina aryeba akidoun, ikidounio iyoŋ;

Esek. 11:24

Alotorube a ŋolo abu ayoŋ oyakaun, abu etau ekekyaa ayoŋ a nen, okoyau ayoŋ neni a ŋituŋa a ŋulu eelaritae nakwap ŋina a Kalidea. Abu nai etorube ŋolo abu ayoŋ eŋolik torotok aneni kaŋ.

Esek. 3:12

Abu nai Etau ŋolo ka Akuj ekekyaa ayoŋ kidiama, eiira ayoŋ alokaku kaŋ eruye ŋolo acela nooi ŋolo alosi atipei ebala, “Kipuroe apolou ŋina ke Ekapolon alokidiama anakuj!”

Esek. 8:3

Abu iŋes torwaa ibore ŋini ekwaan ka akan keŋ, kikamu ŋitim anakou kaŋ okoya ayoŋ. Abu etorube ŋolo a etau ka Akuj ŋol okoya ayoŋ kidiŋ nakuj ka akwap, ekaku abu okoya ayoŋ Yerusalem alotorubei a ŋulu ka Akuj. Ekewuak iŋes ayoŋ lopuke ŋolo iwasi alotooma alopuke a ŋolo alo Kuju elomaryo nalapatu ŋina ka Kai ka Akuj. Ayai nen etorube ŋolo ka akuj a ŋina etiyaunitae, etorube ŋolo etiilit Akuj nooi.

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Dan. 7:20

abu daŋ ayoŋ eitan ŋuna a ayenun a ŋamomwar a ŋunatomon a ŋuna aya nakou keŋ ka amomwara ŋinace ŋina arupuni ekaku, ido toditarae ŋamomwar ŋunauni, amomwara ŋina ayakar ŋakonyen ka akituk ŋina erworo ŋakiro ŋuna ka akituro, ŋina asibit iŋes apol akilo ŋunace.

Dan. 7:25

Irwori iŋes eremokino Akuj ŋina alokidiama nooi, enipori iŋes ŋituŋa ŋulu ka Akuj a ŋina alokidiama nooi, ikatakini iŋes akilocokin ŋapakio ŋuna a ŋasuban ka ŋikisila. Einakinio ŋituŋa ŋulu ka Akuj napedor keŋ ekaru epei, ŋikaru ŋiarei, atutubet a ekaru.

Dan. 7:8

Ani eriŋa ayoŋ ete ŋamomwar a etyaŋ a ŋol, abu ayoŋ eŋolik amomwara ace ŋina adit alokidiŋ ŋamomwar ŋunatomon. Abu amomwara ŋin kilunyokin neni a ŋamomwar a ŋauni a ŋuna aponi toditarae anakou a etyaŋ. Aya daŋ namomwara ŋin ŋakonyen ŋuna ekwaan ka ŋuna a ituŋanan, ayakar daŋ etyaŋ ŋol akituk ŋina erworo ŋakiro ŋuna ka akituro.”

Mat. 27:28

Tolaca iŋes, kitanapa elou ŋolo kipurat areŋan.

Ŋitic. 8:39

Ani elomunete ikes anakipi, ya Etau ŋolo ke Ekapolon Pilipo, nyiŋolik nabo ekapolon iŋes. Nai tolot lore keŋ elelyani.

2 Ŋites. 2:4

Itepegi iŋes ibore daadaŋ ŋini enyaritae akuj kori ibore daadaŋ ŋini isitiyaete ŋituŋa akitopoloonorya ŋakujo ka itopoloori iŋes bon akilo ŋakujo daadaŋ. Iboikin tari Kai ka Akuj, ido kitusubun bon Akuj.

Akis. 1:10

Anakoloŋit a ŋina ke Ekapolon, abu apedor ŋina ke Etau a ŋolo Asegan min neni kaŋ, abu eira etoil alokaku kaŋ ŋolo ereta ikwa arupepe.

Akis. 12:14

Aponi inakinae aberu ŋin ŋabebenuk ŋaarei ŋuna ke egole a ŋolo apolon, ikotere topororia tolosio nakibois keŋ naloŋisat neni etemokinit Akuj aŋuna keŋ; neni iyokiyere iŋes ŋikaru ŋiuni ka atutubet nyewania epiu iŋes.

Akis. 12:3

Totakanu aanyunet ace ŋina apolon ŋina ka aumokin anakuj. Ayai epiu ŋolo apolon nooi ŋolo areŋan ŋolo ayakar ŋakyes ŋakanikaarei ka ŋamomwar ŋatomon ta ŋatoriet ŋakanikaarei ŋuna aya nakyes keŋ.

Akis. 12:6

Abu aberu ŋin todoki naloŋisat neni etemokinit Akuj aŋuna keŋ, neni iyokiyere iŋes ŋirwa apeiliput ka ŋamiae ŋaarei ka ŋatomonikanikapei.

Akis. 17:18

“Aberu ŋina ibu iyoŋ toanyuwa erae etaun ŋolo apolon, ŋolo ipukat ŋirwosi ŋulu ka akwap.”

Akis. 17:4

Anapit aberu ŋilowi ŋulu kipura-areŋak ka ŋulu areŋak, kisibusite akuwan keŋ a ŋinapen a ŋulu etiyaunitae a egolid, a ŋamoru a ŋuna epol egyelit ka ŋakamilimili. Ayai nakan keŋ ekopo ŋolo etiyaunitae a egolid, kileleba aronis ka asiilyo ŋina ka amalao keŋ.

Akis. 18:12

Emam ŋini egyeli egolid kec, esilipa, ŋamoru ŋuna ajokak ka ŋakamilimili, ŋilowi kec ŋulu amilimilak, ŋulu kipura-areŋak, ŋuludelet ka ŋulu areŋak; ŋabaoi ŋuna egelegelya, ŋuna akukunyok, ŋiboro ŋulu egelegelya, ŋulu itiyaunitae a ŋikyal a ŋitome, ŋiboro ŋulu itiyaunitae a ŋabaoi a ŋuna epol egyelit, ŋulu itiyaunitae a eburonis, ŋasuwa ka ŋamoru ŋuna iceo ŋiboro;

Akis. 18:16

temasi, “Oitakoi! Kerokyata ŋakiro ŋuna atakanut lotaun ŋolo apolon nooi lo! Anapenene sek iŋes ŋilowi ŋulu amilimilak, ŋulu kipura-areŋak ka ŋulu areŋak, kisibusite akuwan keŋ a ninapen a ŋulu etiyaunitae a egolid, a ŋamoru a ŋuna epol egyelit ka ŋakamilimili!”

Akis. 21:10

Abu Etau min neni kaŋ, okoya emalaika tari moru ŋolo aoyan nooi. Eketoodik Yerusalem etaun ŋolo apolon ŋolo ka Akuj ebunit alokidiama aneni ka Akuj,

Akis. 4:2

Ŋinapeipaki abu apedor ŋina ke Etau a ŋolo Asegan min neni kaŋ. Ayai nakuj ekicoloŋ ŋolo eboiyo ituŋanan ice.