Akis. 17:1 - Ebaibul

¹ Abu epei a ŋimalaikan a ŋulukanikaarei a ŋulu ayakatar ŋabakulei ŋakanikaarei, bu neni kaŋ tema, “Bua, eketoodikini ayoŋ iyoŋ epite ŋolo isicanere amalaat ŋina yenen, etaun ŋolo apolon ŋol, ŋolo edukitoe diyete ŋaŋololin ŋuna alalak.

Akis. 17:1 Iomraidhean Croise

Isa. 1:21

“Okoe aruwor ŋituŋa a etaun a ŋolo sek ekinyoma ŋulu emalaaka! Ayakasi paaran neni keŋ ŋituŋa ŋulu atubete ŋakiro anakiyookino, ayai paaran akiyookino lotuŋa keŋ. Nai tokona aruwor ŋituŋa keŋ ŋikaarak.

Isa. 57:3

Nai ani eruwor iyes, potu ne, iyes ŋidwe a ŋikekukujak, iyes ŋiletok a ikaloman ka imalaanot.

Yer. 2:20

“Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 51:13

Iyes ŋulu iboiyete alodiyete ŋakipi ŋuna alalak, iyes ŋulu elal abaru, adolu adaunet kus, atubo eitanit a akiyar kus.

Esek. 31:4

Itopoloete ŋakipi iŋes ejok nooi, einakinito iŋes ŋakipi ŋuna alokwap apol tooyaar nooi. Eleleete ŋakipi a ŋaŋololin a ŋun neni elomunitor ekitoe ŋol, eleleete ŋayona ŋuna aŋaŋololin a ŋun namon daadaŋ ŋuna eyakasi nen.

Luk. 24:32

Kirworikinos ikes temasi, “Pa mono ariraete ŋitai yok ka alakara apaki ŋina erworor iŋes neni yok alorot ka ŋina ikisileerekinio iŋes iwon ŋuna igiritae Nakigireta a?”

Luk. 9:30

Totakanut ŋikilyok ŋiarei, Moses ka Eliya, kirworikin ka iŋes.

Akis. 1:1

Erae ekitaabo lo ŋolo igiritae ŋakiro ŋuna abu Yesu Kristo kisileereu. Abu Akuj inak iŋes akiseleerekinet na, ikotere iseleerekinio ŋiketiyak keŋ ŋuna itemokino totakanut atipei. Abu Kristo kiyakiya emalaika keŋ neni a Yoana ke eketiyan keŋ akiteyenikin iŋes ŋakiro nu.

Akis. 15:1

Abu nai oanyuwa alokidiama atakanunet ace ŋina ka aumokin ŋina apolon nooi. Ayakasi ŋimalaikan ŋikanikaarei ŋulu ayakatar ŋakisicaneta ŋakanikaarei ŋuna esidyok, anerae ikes eŋetakinere anyunyura ŋina ka Akuj.

Akis. 16:19

Totyaka akwap, totyaka etaun ŋolo apolon ŋatyaket ŋauni, kinyasun ŋitaunio ŋulu apolok ŋulu a ŋakwapin a daadaŋ. Abu Akuj totamu Babilon ŋolo apolon nooi ka kitamat iŋes epiini ŋolo ke ekopo keŋ, epiini ŋolo ka anyunyura keŋ.

Akis. 18:1

Kelunyarosi ŋun, abu oanyuwa emalaika ece ebuni anakuj. Ayakar iŋes apolou nooi, kinuak akica keŋ akwap daadaŋ.

Akis. 19:2

Erae kire ka iyookino ŋatubokineta ŋuna ka Akuj! Atuboki iŋes amalaat ŋina enyasunit akwap aŋuna ka amalao keŋ. Enyaŋarya Akuj iŋes, anerae abu iŋes toar ŋiketiyak ŋulu ka Akuj.”

Akis. 19:9

Okolimok nai emalaika tema, “Kigir nu: erereŋ ŋulu enyaritae nasuban ŋuna ke ekiitanu a Imesek.” Tema nabo emalaika, “Erae ŋakiro ŋun ŋuna a kire ŋuna ka Akuj.”

Akis. 21:15

Ayakar emalaika ŋolo ekesirwori ayoŋ ebela ŋolo etiyaunitae a egolid ŋolo kipimet etaun ŋolo apolon, ŋipidiŋa keŋ ka arwatata keŋ.

Akis. 21:9

Abu nai emalaika epei a ŋulukanikaarei, ŋolo ayakar ŋabakulei ŋunakanikaarei ŋuna eleleba ŋakisicaneta ŋunakanikaarei ŋuna esidyok, bu neni kaŋ tema, “Bua, eketoodikini ateran, aberu a Imesek.”

Akis. 4:1

Ani kelunyar ŋun, abu oanyuwa ekek eŋaara anakuj! Abu nabo eira etoil ŋolo sek aris ayoŋ keira irworo neni kaŋ ikwa arupepe ebala, “Bua laalo eketoodik ŋuna itemokino totakanut ekaku a nu.”