Akis. 16:4 - Ebaibul

⁴ Abu emalaika ŋolo a ŋiuni tobukok anyunyura anabakule keŋ naŋololin ka lolelyan. Apotu ŋakipi toruworos ŋaokot.

Akis. 16:4 Iomraidhean Croise

Ŋikiru. 78:44

Abu Akuj kituruwo ŋakipi aŋaŋololin a Ŋijipitian ŋaokot, nyepedosi ikes akimat ŋakipi aŋaŋololin kec.

Awos. 8:5

Tema Ekapolon neni a Moses, “Tolimok Aron atemar kikyaa akan keŋ etiŋit ebela keŋ alokidiama ŋaŋololin, ŋakitelesyo ka ŋataparin, ikotere tolomut ŋakidodoka a nen toyakaun nakwap a Ijipit. ”

Isa. 50:2

Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Esek. 35:8

Etubutari ayoŋ ŋawat a ŋikatwak ŋikamukumukui a akwap a Seir, imasakinosi ŋulu earyo kidiama ŋikamukumukui a akwap a ŋin, tooma ŋakadipaalae a akwap a ŋin ka nayona daadaŋ ŋuna aŋakipi anakwap a ŋin.

Osea 13:15

Tari kelalata ŋituŋa a Isirael aneni a ŋikaitotoi kec, eyakuuni ayoŋ ekuwuam bu alo Kide, ebuni ekuwuam ŋolo ke Ekapolon analoŋisat itooni ekuwuam ŋol ŋiitan kec ka ŋakare kec, epyaari ekuwuam ŋol ibore ŋini ajokan daadaŋ anakwap kec.

Akis. 11:6

Eyakatar ikes apedor ŋinagolyet adis, ikotere nyilim akiru apaki ŋina elimonokiniata ikes ŋakiro ŋuna ka Akuj. Eyakatar ikes tari apedor lolelyan ŋulu a ŋakipi akituluwor ikes ŋaokot; eyakatar ikes tari apedor ŋinakisicanet akwap a ŋakisicaneta a daadaŋ ŋapakio daadaŋ ŋuna ecamitotor ikes.

Akis. 14:7

Abu iŋes kirwor a etoil a ŋolo apolon tema, “Tokerito Akuj ka kitopoloorito iŋes! Anerae adolu apaki ŋina etubokinia iŋes ŋituŋa. Kilipa neni a ŋolo asubuni nakuj, akwap, anam ka ŋilelyan!”

Akis. 16:5

Eira emalaika ŋolo apolokinit ŋakipi ebala neni ka Akuj, “Itubok iyoŋ iyookino, iyoŋ ŋina Asegan, ŋina irae ka ŋina arae!