Akis. 16:19 - Ebaibul

¹⁹ Totyaka akwap, totyaka etaun ŋolo apolon ŋatyaket ŋauni, kinyasun ŋitaunio ŋulu apolok ŋulu a ŋakwapin a daadaŋ. Abu Akuj totamu Babilon ŋolo apolon nooi ka kitamat iŋes epiini ŋolo ke ekopo keŋ, epiini ŋolo ka anyunyura keŋ.

Akis. 16:19 Iomraidhean Croise

Isa. 49:26

Etanyami ayoŋ ŋulu ikisicanito iyes ŋawat kec a ŋilopeyek, emerakinosi ikes a ŋaokot kec pei lopite ŋolo emeratar a epiini. Eyenunete nai ŋituŋa daadaŋ atemar arae ayoŋ Ekapolon Ekaiunan kus ka Ekalakunan kus Ekapolon ŋolo etiron ŋolo a Yakob.

Yer. 25:26

ŋirwosi daadaŋ ŋulu a ŋakwapin a ŋuna alo Kuju, a ŋuna eapiyete ka a ŋuna alwanak eryamunete ŋulutuŋa ŋun ekaku a ŋuluce; eryamunete ŋapukasinei daadaŋ ŋuna ka akwap a daadaŋ ŋican ŋul. Ekaku kec daadaŋ, toryamu nai erwosit a Sesak.

Dan. 4:30

abu erwosit tema, “Meere mono etaun a Babilon ŋoloti apolon lo a? Etaun ŋolo adau ayoŋ adukokin erae neni iboiyo erwosit, ŋolo adau ayoŋ adukokin a apedor kaŋ aŋuna ka akitoodiunia apolou kaŋ ŋina ailiilon a?”

Akis. 11:8

ido topero ŋawat kec alorukude a ŋolo ke etaun a ŋol, neni ebubukinitoe Ekapolon kec. Isikwaanitae ekiro ŋolo ke etaun a ŋol ka Sodoma kori Ijipit.

Akis. 17:1

Abu epei a ŋimalaikan a ŋulukanikaarei a ŋulu ayakatar ŋabakulei ŋakanikaarei, bu neni kaŋ tema, “Bua, eketoodikini ayoŋ iyoŋ epite ŋolo isicanere amalaat ŋina yenen, etaun ŋolo apolon ŋol, ŋolo edukitoe diyete ŋaŋololin ŋuna alalak.

Akis. 17:18

“Aberu ŋina ibu iyoŋ toanyuwa erae etaun ŋolo apolon, ŋolo ipukat ŋirwosi ŋulu ka akwap.”

Akis. 17:5

Egiritae ikona loreet keŋ ekiro ŋolo imunono apolou keŋ, “Babilon ŋolo apolon nooi, toto a ŋamalaae ka ŋakiro ŋuna aronok anakwap daadaŋ.”

Akis. 18:10

Ewuoete ikes aneni alwanan aŋuna ekeritotor aryamun ŋican kaapei ka iŋes, temasi, “Oitakoi! Oitakoi! Iyoŋ Babilon, etaun ŋolo apolon nooi! Alotooma epeisaa bon adolu atubokino kon!”

Akis. 18:2

Abu kiworou a etoil a ŋolo apolon tema, “Aukor iŋes! Aukor Babilon ŋolo apolon nooi! Aruwor ere ŋolo a ŋipyan ka ŋauyenito; iboiyete tokona ŋikyeny ŋulu asiilyanak ka ŋulu aronok aneni keŋ.

Akis. 18:21

Abu emalaika tolemu amoru ŋina atya ŋinakiryeet, kimasa nanam ebala, “Ikokinio inyasunio Babilon etaun ŋolo apolon nooi nege, nyeanyuwar nabo.

Akis. 18:5

Anerae alalata ŋasecisya keŋ, edyatakin adol tari nakuj, etamunit daŋ Akuj ŋiticisyo keŋ ŋulu aronok.