Akis. 16:16 - Ebaibul

¹⁶ Apotu ŋitai ŋul tocunakis ŋirwosi neni enyaritae a Ŋaburaniyae Arimagedon.

Akis. 16:16 Iomraidhean Croise

2 Ŋakiro a ŋirwa 35:22

Nai abu Yosia toŋer akimyekin Neko, kitusubun meere erwosit aŋuna ka akitijikin Neko, toŋer akiirar ŋakiro ŋuna erworo Akuj aneni a Neko. Abu tolot kitijikis Neko anakadipaalat a ŋina a Megido.

Sakar 12:11

Epoloor nooi akigworo a Yerusalem apaki ŋin, ikokini akigworo ŋina abu toyakaun Adad Rimon, nakadipaalat a emukura ŋolo enyaritae Megido.

Yoa. 19:13

Ani iirari Pilato ŋakiro ŋun, toriku Yesu kiŋa, kiboikin lokicoloŋ ŋolo ke ekatubon, nakibois ŋina enyaritae “Akititis”, nai a Ŋaburaniyae enyaritae “Gabata”.

Yoa. 19:17

Toloma iŋes kiŋa eryoŋit emusalaba keŋ tari neni enyaritae “Akuulu”, enyaritae a Ŋaburaniyae “Gologota.”

Yoa. 5:2

Eyai diyete epuke ŋolo enyaritae “Epuke ŋolo a ŋamesekin” alo Yerusalem, abwal ŋina erikaunito ŋibarasanin ŋikan. Enyaritae abwal ŋin a Ŋaburaniyae Betesaida.

Ŋitic. 26:14

Ani kikidau isua daadaŋ akimasakin kwap, abu eira etoil ebala neni kaŋ a Ŋaburaniyae, ‘Saulo, Saulo! Kaanukiro ikisicanitor iyoŋ ayoŋ? Erae iyoŋ iwana bon erae kirubak ikitepegi ayoŋ. Ikwaan ka neni epetepeteo esigirya ebela ŋolo icumucumuyere iŋes.’

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 9:11

Eyakatar ikes erwosit ŋolo ipukat ikes ŋolo erae emalaika ŋolo epolokinit auwuat ŋina aoyan ŋina nyesalunit alokwap. Enyaritae ekeekiro a Ŋaburaniyae Abadon; a Ŋagirik enyaritae Apolyon (akeepolou iŋes atemar “Ekenyasunan.”)

Ŋikat. 4:7

Amodiuni ayoŋ Sisera ekapolokiniton ŋasigarya a Yabin akitijikin iyoŋ anayonae a Kison. Ebuni iŋes ka ŋagaari keŋ ŋuna iritae a ŋaŋolei ka ŋasigarya keŋ, ido epotokini ayoŋ iŋes napedor kon.’ ”

Ŋikat. 5:19

Apotu ŋirwosi toloto lojie, ido apotu kitijioto ŋimoe, apotu ŋirwosi a Kanaan kitijioto ŋimoe, apotu ikes kitijioto ŋimoe alo Taanak alodiyete ŋakipi a Megido, nai nyeŋatara ikes esilipa edio.