Akis. 16:15 - Ebaibul

¹⁵ “Ebala Ekapolon, topupokisi! Abuni ayoŋ ikwa ebunio ekokolan! Erereŋ ituŋanan ŋini etenit apaki daadaŋ, ŋini eyakar ŋilowi keŋ diyete, ikotere nyelot iŋes lotuŋa emam ŋilowi kiruma ŋileec!”

Akis. 16:15 Iomraidhean Croise

Awos. 32:25

Ani eanyuni Moses atemar kisepelo ŋituŋa (anerae kebu Aron kimyek ikes isepelete, kepotu tari ŋimoe kec tojamuwasi ikes),

Isa. 47:3

Ilerokinete iyes alokiŋaren ŋituŋa ka iŋolikinete ŋituŋa ŋileec kus. Alosi ayoŋ akinyaŋar, tosodi mam ituŋanan aesikini ayoŋ.

Esek. 16:37

acunakini ayoŋ ŋuluminan kon daadaŋ ŋulu iponiata iyoŋ tolakarotor, ŋulu imina iyoŋ ka ŋulu pa imina iyoŋ daadaŋ, acunakini ayoŋ ikes ikiman iyoŋ alowaetin kon a daadaŋ, esileerek ikes epite ŋolo ileryo iyoŋ, ikiŋolikis ikes iyoŋ ileri.

Osea 2:3

Ani pa kitiya iŋes ŋun, alacari ayoŋ ŋilowi aneni keŋ, emyek iŋes eleri lopite ŋolo aleryo akoloŋit ŋina edounere iŋes, emyekini ayoŋ iŋes toler, kikwaanikin ka aloŋisat ŋina emam ŋikito, esikwaanikini ayoŋ iŋes ka akwap ŋina eonit, ido emyek akure toar iŋes.

Abak. 2:15

Ekaŋ iyes ŋulu ipotu anaryenyeo kus kitemerakis ŋikidunyet kus; ipotu iyes inakis ikes akiteritereonor esibit ŋikamerak. ikotere ikienatar ikes.

Mat. 25:13

Kirikak Yesu ŋakiro ŋun ebala, “Totenito, anerae nyiyenete akoloŋit kori esaa.”

Mat. 26:41

Tokienyete ka kilipete, ikotere nyilomasi nakitemyet. Ecamit etau, nai epalag akuwan.”

Mar. 14:38

Tokienyete ka kilipete, ikotere nyilomasi nakitemyet. Ecamit etau, nai epalag akuwan.”

Luk. 21:36

Torubakisi ikienyete, nabo kilipete jwi jwi, ikotere toryamut agogoŋu ŋina ibucarotor anakiro a daadaŋ a ŋuna etakanunete ka towueta alokiŋaren Lokoku a Ituŋanan.”

Ŋitic. 20:31

Aŋun nai, totenito totamunito atemar tari anapakio a ŋuna egworor ayoŋ, abu ekesimukek iyes daadaŋ akuwar ka apaaran, tolunyar ŋikaru ŋiuni.

2 Ŋikor. 5:3

ani kenapi iwon akuwan ŋina nyesaluni ŋin, nyikiyakaun iwon ikileri.

1 Ŋites. 5:4

Nai ŋikaitotoi, nyiyakasi iyes nakiryonut, aŋun nyikiŋesari iyes Akoloŋit ŋin ikwa ekokolan.

1 Ŋites. 5:6

Aŋun nai, nyitemokino iwon ikijotoe ikwa ŋuluce, nai itemokino iwon ikikienyi ka ikiyeni ŋuna kitiyakina ikwa ŋituŋa ŋulu nyemerasi.

1 Pet. 4:7

Aapuu asalunet ŋina a ŋiboro a daadaŋ. Aŋun, itemokino iyes iyokiuno make ka itenito, topedorito akilip.

2 Pet. 3:10

Ebuni nai Akoloŋit ŋina ke Ekapolon ikwa ekokolan. Akoloŋit ŋin, eŋopiyari nakuj irurumae, itupuripuryaryo ka inyasunio ŋiboorei ŋulu anakuj ka enomiyari akwap ka ŋiboro daadaŋ ŋulu eya neni keŋ.

Akis. 22:7

Ebala Yesu ebe, “Kiirasi, abuni ayoŋ atipei!” Erereŋ ŋulu iwuapete ŋakiro ŋuna edwaritae alokitaabo a lo!

Akis. 3:11

Abunit ayoŋ atipei. Torubak iricit anupit ŋina iyakar iyoŋ, ikotere nyikidema iyoŋ icetuŋanan eropit ŋolo ka akiloun.

Akis. 3:18

Aŋun, akalimokini ayoŋ iyoŋ, togyelu egolid aneni kaŋ, egolid ŋolo eliitae ka akim, ikotere tobar. Togyelu daŋ ŋilowi ŋulu akwaŋak, ikotere torapya ŋileec kon ŋulu ileryo. Togyelu tari ekitoe ŋolo a ŋakonyen kon, ikotere tokienyu.