Akis. 16:14 - Ebaibul

¹⁴ Erae ikes ŋipyan ŋulu itiyaete ŋakujuwuanisya. Eloseneneete ikes neni a ŋirwosi a ŋakwapin a daadaŋ acunun ikes lojiye Akoloŋit ŋina apolon ŋina ka Akuj a ŋina etiron.

Akis. 16:14 Iomraidhean Croise

1 Ŋirw. 22:6

Aŋun, abu erwosit a Isirael tonyarau ŋikadwarak ŋulu aapikinit ekimar kec ŋamiae ŋaomwon, kiŋit ikes tema, “Ekokini ai? Alosi akitijiore ŋituŋa a Ramos-Gilead, kori nyalosi?” Toboŋokis ikes temasi, “Ape, anerae ikinyakakini Ekapolon iyoŋ Ramos-Gilead.”

Esek. 14:9

“‘Ani kemodikin ekadwaran, ido todwar akirot adio, erae ayoŋ Ekapolon amodikinit iŋes, ido esicani ayoŋ ekadwaran ŋol olema alotuŋa kaŋ alo Isirael.

Mat. 24:14

Itatamio Ŋakiro ŋuna Ajokak ŋuna ka Apukan ka Akuj nakwapin daadaŋ, toyenut ŋituŋa daadaŋ, ani irikakin todolu asalunet.

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mar. 13:22

Anerae epote ŋikamodyanakinak ka ŋikadwarak ŋulu amodiyanak ebasi ebe ikirae ikes atakristo. Epote ikes akitiya ŋakitoodyanakineta ŋuna ailiilok ŋuna isuparete ŋituŋa ŋulu seuna erae kepedorete.

Luk. 2:1

Ŋirwa ŋul, tolimu Agusto ekepukan a Roma atemar itemokino kigirae ka kimarae ŋituŋa ka akwap daadaŋ.

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋirom. 1:8

Ŋuna iŋarenete, alakara ayoŋ neni ka Akuj kaŋ alotooma Yesu Kristo, aŋuna kus a daadaŋ, anerae irworosi ŋituŋa a ŋakwapin a daadaŋ ŋuna ka anupit kus.

2 Ŋites. 2:9

Ebuni Eketepegan ŋolo ka Akuj ŋol ka apedor a ŋina a Satan, akitiya ŋakujuwuanisya ka ŋaumonokineta ŋuna alalak ŋuna ka amodiyo

1 Tim. 4:1

Elimunit Etau ŋolo ka Akuj ŋakiro ŋuna ileereete ebala, alorwa a ŋulu esidyok, epalikinete ŋituŋa ŋice anupit Kristo. Iwuapakinete ikes ŋitai ŋulu alyokonok ka akitatam ŋina a ŋipyan.

Yak. 3:15

Nyebunit aosou ŋin anakuj; erae ŋina ka akwap, nyerae ŋina ke Etau a ŋolo ka Akuj, erae ŋina a ŋolo Aronon.

Yos. 11:5

Kiryamuryamunos ŋirwosi ŋul daadaŋ neni acamunito ikes akiryamun, tocunakis ŋajorei kec toruwor apei, kiboikinos diyete ŋakipi ŋuna ka ayonae a ŋina enyaritae Merom aŋuna ka akitijiore Ŋisirael.

1 Yoa. 5:19

Ikiyeni iwon atemar ikirae iwon ŋulu ka Akuj, tari kipukat ŋolo Aronon akwap daadaŋ.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

Akis. 13:3

Atakani akou ŋina ke etyaŋ apei ewanan nooi, nai keris keiyo. Abu akwap daadaŋ toumok, kiwuap etyaŋ ŋol.

Akis. 16:16

Apotu ŋitai ŋul tocunakis ŋirwosi neni enyaritae a Ŋaburaniyae Arimagedon.

Akis. 16:7

Abu eira etoil a Namuroet ebala, “Ekapolon Akuj ŋina etiron! Iyookino kire ŋuna itubi iyoŋ!”

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 20:8

Tolot amodyanakin ŋakwapin daadaŋ ŋuna eyakasi nakwap ŋuna enyaritae Gog ka Magog. Ecununi Satan ikes daadaŋ lojiye; elal ekimar kec etya asinyon ŋina ka anam.

Akis. 3:10

Aŋuna iricakinia iyoŋ akirot kaŋ ŋina ikicikak iyoŋ atitinyu ŋina nyikirikira, ekeuryari ayoŋ iyoŋ apaki ŋina ka akikatakino ŋina ebunit nakwapin daadaŋ akikatakin ŋulu iboiyete anakwap.

Akis. 6:17

Anerae adolu Akoloŋit ŋina ka anyunyura kec, ŋae epedori akidaŋidaŋ?”