Akis. 16:13 - Ebaibul

¹³ Abu oanyuwa ŋipyan ŋiuni ŋulu ekote ŋakidodoka. Aponito ikes alotooma akituk na ke epiu ka ŋina ke etyaŋ ta ŋina ke ekadwaran a ŋolo alyokonon.

Akis. 16:13 Iomraidhean Croise

Ŋikiru. 105:30

Apotu ŋakidodoka toburusiyasi akwap kec, tolomasi tari nagulei ŋuna aperete ŋikapolok a Ijipit.

Ŋikiru. 78:45

Abu Akuj kiyakik ikes ŋicuc ŋulu alalak nooi, ŋulu apotu kisicana ikes nooi, abu Akuj kiyakik ikes ŋakidodoka ŋuna apotu kinyasa akwap a Ŋijipitian.

Mat. 7:15

“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei.

Akis. 16:14

Erae ikes ŋipyan ŋulu itiyaete ŋakujuwuanisya. Eloseneneete ikes neni a ŋirwosi a ŋakwapin a daadaŋ acunun ikes lojiye Akoloŋit ŋina apolon ŋina ka Akuj a ŋina etiron.

Akis. 18:2

Abu kiworou a etoil a ŋolo apolon tema, “Aukor iŋes! Aukor Babilon ŋolo apolon nooi! Aruwor ere ŋolo a ŋipyan ka ŋauyenito; iboiyete tokona ŋikyeny ŋulu asiilyanak ka ŋulu aronok aneni keŋ.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Akis. 20:10

Aponi kimasakinae Satan ŋolo amodikini ikes nanam ŋina ka akim ka ŋina a Sulpa neni aris kimasakin etyaŋ ka ekadwaran ŋolo alyokonon; isicanio ikes apaaran ka akuwar ŋikaru ka ŋikaru.