Akis. 16:12 - Ebaibul

¹² Abu emalaika ŋolo a ŋikanikapei tobukok anyunyura ŋina ka Akuj anabakule keŋ naŋolol ŋina enyaritae Eupurate. Abu aŋolol kijuwa toono deu aŋuna ka akitemokin neni itorete ŋirwosi ŋulu epote alo Kide.

Akis. 16:12 Iomraidhean Croise

Isa. 11:15

Itooni Ekapolon ecileta ŋolo ka anam a Ijipit, iyakuuni Ekapolon ekuwuam ŋolo amwanan nooi kitoon aŋolol Eupurate, ido etyakatyakae iŋes aŋolol ŋin toruwor ŋayona ŋakanikaarei, iwuakini nen erot ŋolo epedorya ituŋanan atuboror elosi a ŋakejen.

Isa. 41:25

Abu ayoŋ eketoŋoik iyes ituŋanan ŋini alo Kuju ka adau iŋes abunore, aponi iŋes tonyaraunae a ekiro keŋ aneni elomununia akoloŋ. Ipudaari iŋes ŋikepukak ikwa erukere ibore a elepit, ipudaari iŋes ikes ikwa ipudaa ekayan ŋamoti ecoto.

Isa. 42:15

Amunaari ayoŋ ŋimoru ka ŋikamukumukui, esikwaanikini ayoŋ ŋaŋololin ka ŋiculeta, etooni ayoŋ ŋataparin.

Isa. 44:27

Ayoŋ alimokini nenicukul anakipi ebe, ‘Toon keu, etooni ayoŋ ŋaŋololin ŋuna eleleete neni kon;’

Isa. 46:11

Anyarauni ayoŋ ituŋanan ŋini amunyaran kiuwuaun ikwa egole alo Kide, anyarauni ayoŋ iŋes anakwap a ŋina alwanan akitiya ŋuna ayeunit ayoŋ. Adau ayoŋ alimun ŋakiro, ido eturuwori ayoŋ ikes ŋuna itiyakin; adau ayoŋ ayeun ŋun, ido etiyakini ayoŋ ŋun.

Isa. 8:7

eyauni Ekapolon erwosit ka Asiriya kaapei ka ŋasigarya keŋ akirem Yudaya. Epote ikes erimaete esibito ŋakipi a aŋolol Eupurate apaki ŋina ilelebar ka ilapitor.

Yer. 51:36

Aŋun, alimu Ekapolon ŋakiro nu, Alosi ayoŋ akiyok iyes enyaŋa aronis ŋina etiyae neni kus, etooni ayoŋ anam kec, eokete tari ŋilelyan kec,

Akis. 11:14

Alunyar ŋican ŋulu a ŋiarei, nai eponito ŋican ŋulu a ŋiuni atipei!

Akis. 17:15

Abu emalaika okolimok ayoŋ tema, “Ŋakipi ŋuna ibu iyoŋ toanyuwa iboiyo amalaat, erae ŋituŋa, ŋasepico, ŋakwapin, ka ŋaŋajepa.

Akis. 7:2

Oanyuwa nabo emalaika ece ebunit alo Kide eyakar emacar ŋolo ka Akuj a ŋina eyari. Tonyara iŋes a etoil a ŋolo apolon ŋimalaikan ŋuluomwon ŋulu ainakinitae apedor akiwan akwap ka anam.

Akis. 9:14

Tolimok etoil ŋol emalaika ŋolo a ŋikanikapei ŋolo ayakar arupepe tema, “Tolacak ŋimalaikan ŋuluomwon ŋulu eenitae anaŋolol a ŋina apolon a ŋina enyaritae Eupurate.”