Akis. 15:7 - Ebaibul

⁷ Abu epei alotooma ŋisubuna ŋuluomwon ŋulu eyarete inak ŋimalaikan ŋulukanikaarei ŋabakulei ŋakanikaarei ŋuna etiyaunitae a egolid ŋuna eleleba anyunyura ŋina ka Akuj a ŋina eyari ŋikaru ka ŋikaru.

Akis. 15:7 Iomraidhean Croise

Ŋikiru. 75:8

Eŋoit Ekapolon, eŋoit iŋes nooi, eakik iŋes anyunyura keŋ neni a ŋulu aronok; esunyuak iŋes aŋoit keŋ daadaŋ neni kec.

Yer. 25:15

Abu Ekapolon Akuj a Ŋisirael okolimok ayoŋ tema, “Tolema anakan kaŋ ekopo lo ŋolo ileleba epiini ŋolo ka anyunyura kaŋ, inak ŋituŋa a ŋakwapin a daadaŋ a ŋuna ekeyakiyari ayoŋ iyoŋ neni kec tomata epiini ŋol.

1 Ŋites. 1:9

Kire, erae ŋituŋa ŋuluce ŋilopeyek irworosi epite ŋolo ikijauniata iyes isua apaki ŋina aponere isua akipeyokin iyes ka epite ŋolo iponiata iyes kibelekinos anakujo, ido kiwuapa Akuj ŋina a kire ŋina eyari;

Akis. 1:18

Arae ayoŋ ŋolo ayari; abu ayoŋ otwana, nai tokona ayari ŋikaru ka ŋikaru! Ayoŋ epukat atwanare ka akwap ŋina a ŋikatwak.

Akis. 10:6

Abu iŋes kikoŋ alokiro ka Akuj a ŋina eyari ŋikaru ka ŋikaru, a ŋina asubuni nakuj, akwap, anam ka ibore daadaŋ ŋini eyai tooma kec; tema, “Emam nabo apaki ace ŋina idaryo.”

Akis. 14:10

ebuni iŋes elope akimat epiini ŋolo ka Akuj; epiini ŋolo ka anyunyura a ŋina ka Akuj, ŋolo abukoki iŋes pa ecaritae lokopo ŋolo ka aŋoit keŋ! Iŋes daadaŋ ŋini itiyae ŋun, isicanio ka akim ka Sulpa alokiŋaren ŋimalaikan ŋulu ka Akuj ka Imesek.

Akis. 15:1

Abu nai oanyuwa alokidiama atakanunet ace ŋina ka aumokin ŋina apolon nooi. Ayakasi ŋimalaikan ŋikanikaarei ŋulu ayakatar ŋakisicaneta ŋakanikaarei ŋuna esidyok, anerae ikes eŋetakinere anyunyura ŋina ka Akuj.

Akis. 16:2

Abu emalaika ŋolo ke ekiŋaren tolot, tobukok anyunyura ŋina anabakule keŋ nakwap. Apotu ŋajemei ŋuna aronok nooi ŋuna apipilak pena lotuŋa ŋulu ayakatar emacar ŋolo ke etyaŋ ka neni a ŋulu elipete neni ke etorube keŋ.

Akis. 17:1

Abu epei a ŋimalaikan a ŋulukanikaarei a ŋulu ayakatar ŋabakulei ŋakanikaarei, bu neni kaŋ tema, “Bua, eketoodikini ayoŋ iyoŋ epite ŋolo isicanere amalaat ŋina yenen, etaun ŋolo apolon ŋol, ŋolo edukitoe diyete ŋaŋololin ŋuna alalak.

Akis. 21:9

Abu nai emalaika epei a ŋulukanikaarei, ŋolo ayakar ŋabakulei ŋunakanikaarei ŋuna eleleba ŋakisicaneta ŋunakanikaarei ŋuna esidyok, bu neni kaŋ tema, “Bua, eketoodikini ateran, aberu a Imesek.”

Akis. 4:10

eramakinosi ŋikatukok ŋulutomoniarei ka ŋiomwon kwap kiŋaren iŋes ŋini iboi alokicoloŋ ka kilipa neni a ŋolo eyari ŋikaru ka ŋikaru. Imasakinete ikes ŋibokoi kec kiŋaren ekicoloŋ eosi ebasi,

Akis. 5:8

Ani kedau iŋes alemar ekitaabo, apotu ŋisubuna ŋuluomwon ka ŋikatukok ŋulutomoniarei ka ŋiomwon toramakinos kwap kiŋaren Imesek. Ayakar ŋolosubuna ka ŋolokatukon aduŋgu ka abakule ŋina etiyaunitae a egolid, kileleba eminae ŋolo ke ekinyate ŋolo erae ŋakilipasinei ŋuna a ŋituŋa a ŋulu ka Akuj.