Akis. 14:5 - Ebaibul

⁵ Emam nyiirara adiolyokonu aneni kec, emam adioronis aneni kec.

Akis. 14:5 Iomraidhean Croise

Ŋikiru. 32:2

Erereŋ ŋulu nyerubakinit Akuj imarit erae ŋikasecak, ŋulu emam alyokonu alotai kec.

Ŋikiru. 34:13

itemokino iŋes toesik akirworo ŋakiro ŋuna aronok ka toesik akisud ŋakiro,

Ŋikiru. 55:11

Eyakasi tooma etaun ŋituŋa ŋulu enyasak; nyedaunun amoitanut ka amodyanakin alotemwan a etaun a ŋol.

Ŋakit. 8:8

Iyookino ŋakiro daadaŋ ŋuna erworo ayoŋ, emam ŋuna erae alyokonu, kori ŋuna ikimodiyarete.

Eete a Ŋie. 4:7

Ibus iyoŋ nooi ŋinaminat kaŋ, emam neni nyibus anakuwan kon.

Isa. 53:9

Aponi tonukae iŋes neni anukanakinio ŋikaronok, kiwuakinae iŋes nalyal a ŋikabarak, tari ŋina pa etiyator iŋes aronis adio, ka nyelimuno iŋes alyokonu.

Dan. 6:4

Aŋun, apotu ŋirukitos a Daniel ŋuluarei ka ŋikapolokinitok a ŋakiboisyo kiwara ŋirotin ŋulukitoroniyaret epite ŋolo epukator Daniel. Nai apotu ikes nyeryamut idiobore ŋinikitoroniyaret Daniel, kori atuna adio aneni keŋ, anerae arae Daniel ituŋanan ŋini ekinyoma, ŋini pa alejeono, kori ŋini pa aryamununuyo itunae.

Osea 10:2

Aŋun, ileleba alyokonu lotai kec, aŋun emaikina tokona ikes kidaŋidaŋa ekaile ŋolo ka asecit kec. Ebwaŋabwaŋaari Ekapolon ŋamuroeta kec tomunaa ŋipirin kec.

Sepan. 3:13

Mam aronis itiyaete iyes ŋipiya a Ŋisirael, nyirworete ikes alyokonu, kori nyelimunete ikes ŋakiro ŋuna nyiyookino, imujete ikes ido topero. Mam ituŋanan itubuli ikes.”

Mal. 2:6

“Abu ayoŋ etatam iŋes ŋakiro ŋuna iyookino, abu ayoŋ eboiyoto ka iŋes a ekisil ka akiyookino, ido abu iŋes kibeleu ŋikalalak anasecit.

Mat. 12:34

Iyes ŋulu iroko ŋulu ikote ŋapomia, ikokinete iyes irworosi ŋakiro ŋuna ajokak toraakas ŋulu aronok ai? Anerae elimuni akituk ŋuna eya lotau.

Luk. 23:4

Tolimok Pilato ŋisacaradotin ŋulu apolok ka asepic ŋina a ŋituŋa tema, “Emam ibore ŋini aronon ŋini itiyat ekile lo, ŋini itemokino isitakinere.”

Yoa. 1:47

Ani iŋolikini Yesu Nasaniel ebunit neni keŋ, tolimok ŋikasyomak keŋ tema, “Erae lo Esiraelit ŋolo a kire! Emam amodiyo aneni keŋ!”

Ŋiep. 5:27

ikotere eyauni atukot a Ŋikristo neni keŋ erae ateran anakibuses keŋ a daadaŋ--tomam akemer, nyerinyit ereet, kori tomam ibore daadaŋ ŋini nyitesegi iŋes; aŋun, epedori ayakau kiŋaren keŋ erae ŋina ajokan nooi ka ŋina eseg alotau.

Ŋikol. 1:22

Nai tokona, aŋuna ka atwanare a Lokoku keŋ alokuwane a ituŋanan, abu Akuj kisil. Ipedorito tokona iyes ayakau kiŋaren keŋ iraakasi ŋulu keŋ, ŋulu isegak alotai, ŋulu emam asecit.

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.

1 Pet. 1:19

arae ŋaokot a Kristo ŋuna epol egyelit, ŋuna ekwaan ka ŋuna a imesek a ŋini emam nyeŋwalit kori nyitoronitae.

1 Pet. 2:22

Nyeseca iŋes ka emam ituŋanan ipei daŋ ŋini abu kiira elimuni iŋes alyokonu.

1 Pet. 3:10

Ikwaŋinapei igiritere Nakigireta atemar, “Ituŋanan ŋini ecamit ayakau nakiyar ŋina ajokan, ka kiitanite aanyun ŋarwa ŋuna ka alakara, itemokino iŋes toesik akirworo ŋakiro ŋuna aronok ka akisud ŋakiro.

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.