Akis. 14:3 - Ebaibul

³ Aeosi ŋituŋa ŋul eete ŋolokitete alokiŋaren ekicoloŋ ka alokiŋaren ŋityaŋ ŋuluomwon ŋulu ayarete ka alokiŋaren ŋikatukok. Amam idiotuŋanan ŋini apedori ayenun eete ŋol, mati ŋulu arae ŋalipyo amiat ka ŋatomoniomwon ka ŋiomwon, ŋulu keris keiun anakwap.

Akis. 14:3 Iomraidhean Croise

Ŋikiru. 144:9

Okoe Akuj, aeikini ayoŋ eete ŋolokitete neni kon; okoe Ekapolon, aeikini ayoŋ neni kon arami aduŋgu.

Ŋikiru. 149:1

Kipuroe Ekapolon! Toekisi eete ŋolokitete neni ke Ekapolon. kipuro iŋes aneni ilipyata ŋituŋa ŋulu ikinyomito iŋes.

Ŋikiru. 25:14

Erae Ekapolon ekone a ŋulu itopoloorito iŋes, ido itatamununui Ekapolon ikes acamunet keŋ.

Ŋikiru. 33:3

Toeikisi eete ŋolokitete neni ke Ekapolon, torama ŋaduŋgui ka aosou, toeos nooi ilelyanete.

Ŋikiru. 40:3

Abu eketeeik ayoŋ eete ŋolokitete, eete ŋolokipuret Akuj yok. Iŋolikinete ŋikalalak apolou a Ekapolon, ido kitopoloosi iŋes.

Ŋikiru. 96:1

Toeikisi neni ke Ekapolon eete ŋolokitete; toeikisi neni ke Ekapolon iyes ŋituŋa daadaŋ.

Ŋikiru. 98:1

Toeikisi eete ŋolokitete neni ke Ekapolon; anerae etiya iŋes ŋuna ka aumokin. Elou iŋes a apedor keŋ ka a agogoŋu keŋ a ŋina asegan.

Isa. 42:10

Toeikisi eete ŋolokitete neni ke Ekapolon, toeikisi ipurosi iŋes anakisaleta ka akwap. Iyes ŋulu ilosete ananam kipuro Ekapolon, iyes ŋisubuna daadaŋ ŋulu iyarete alotooma anam kipuro Ekapolon, iyes ŋituŋa ŋulu iboiyete alodiyete anam kipuro Ekapolon.

1 Ŋikor. 1:18

Anerae akirot ŋina ke emusalaba erae abaŋao aneni a ŋituŋa a ŋulu ebukoro, nai aneni yok a ŋulu ikiiun erae apedor ŋina ka Akuj.

1 Ŋikor. 2:14

Ituŋanan ŋini emamukar Etau ŋolo ka Akuj, nyecamuni ŋakiro ŋuna ke Etau a ŋolo ka Akuj, anerae erae ŋun abaŋao aneni keŋ; ido nyepedori ayenun ikes, anerae epedorosi ŋun ayenun anakiŋarakinet a ŋina ke Etau a ŋolo ka Akuj bon.

Akis. 14:1

Abu eŋolik oanyuwa Imesek ewuoi alomoru a ŋolo enyaritae Sion; arukito ka ŋituŋa ŋalipyo amiat ka ŋatomoniomwon ka ŋiomwon, ŋulu egiritae ekiro a Imesek ka ŋolo a Papa keŋ loreetin kec.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!

Akis. 2:17

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini Manna adio ŋina iwuaitae. Ainakini nabo ayoŋ iŋes amoru ŋina akwaŋan ŋina igiritae ekiro ŋolokitete, ŋolo emam ituŋanan eyeni, mati ŋini einakinio amoru ŋin.

Akis. 5:9

Apotu ikes toeikis eete ŋolokitete temasi, “Emaikina iyoŋ alemun ekitaabo toŋaa ŋakipuceta keŋ. Anerae ikiaritae sek iyoŋ ka ibu togyelu ŋituŋa a ŋaokot kon iyau neni ka Akuj, ŋituŋa a ŋikabilae, a ŋaŋajepa, a ŋakwapin ka a ŋibukui a daadaŋ.

Akis. 7:4

Abu eira ayoŋ ekimar a ŋituŋa a Isirael ŋulu eyakatar emacar ŋolo ka Akuj loreetin kec; arae ikes ŋalipyo amiat ka ŋatomoniomwon ka ŋiomwon. Arae ikes ŋulu a ŋikabilae a ŋulutomon ka ŋiarei a ŋulu a Isirael: