Akis. 14:2 - Ebaibul

² Abu eira etoil anakuj ŋolo arwo ikwa ŋakipi ŋuna eremuno anakope, ekwaan eruye ka ŋolo ka agirokinet a ŋina ireta. Arwo ikwa ŋaduŋgui eeotor ŋikaeok.

Akis. 14:2 Iomraidhean Croise

2 Sam. 6:5

kidoŋaete Daudi ka Ŋisirael daadaŋ a agogoŋu kec a daadaŋ alokiŋaren Ekapolon; toeos eramete ŋagitae, ŋaduŋgui, ŋiburin ka ŋiboro ŋulu iekiekio eeoi ta ŋitworoi.

2 Ŋakiro a ŋirwa 20:28

Apotu ikes tolomut Yerusalem, toloto Kai a Ekapolon eramete ŋaduŋgui, ŋagitae ka ekusete ŋarupepe.

Ŋikiru. 147:7

Toeoto neni ke Ekapolon ilakara neni keŋ toeokisi neni ke Ekapolon yok iramete aduŋgu.

Ŋikiru. 149:3

Emaikina ikes kipuro ekiro ke Ekapolon idoŋaete, toekisi neni ke Ekapolon iramete ŋiburin ka ŋagitae;

Ŋikiru. 33:2

Kipuro Ekapolon iramete agita; toeikisi eete ejok iramete aduŋgu ŋina eyakasi ŋiunoi ŋitomon.

Ŋikiru. 43:4

Nen nai alosyo ayoŋ namuroet kon Akuj, neni kon Akuj ŋina ikiinanakini ayoŋ alakara. Ekepuri ayoŋ iyoŋ arami agita, okoe Ekapolon Akuj kaŋ, Akuj ŋina elipi ayoŋ neni keŋ.

Ŋikiru. 57:8

Akyenyuni ayoŋ oramak agita ka aduŋgu akyenyuni ayoŋ eriŋa kide nyereŋuna.

Ŋikiru. 92:3

ejok aeo neni kon isitiyao apilu ka aduŋgu, ejok aeo neni kon eramyo agita,

Ŋikiru. 93:4

Nai epol nooi ailiil a Ekapolon a ŋolo alokidiama nooi akilo tari ŋakalele, eiliili nooi Ekapolon akilo tari ŋikaguragurae a ŋakipi a ŋuna ka anam.

Ŋikiru. 98:5

Toeikisi ipurosi Ekapolon isitiyaete ŋaduŋgui, toeikisi iramete ŋaduŋgui ŋuna erwosi ejok.

Awos. 19:16

Ani taparacu edoli akoloŋit ŋina apeniata ŋirwa ŋiuni, toyakaun agiro ka akimilyaa, ido min edou ŋolo pa acaor kidiama emoru. Toru arupepe ŋina arwo nooi ŋina apotu ŋituŋa daadaŋ kiirasi analomar tomaranikis.

Awos. 20:18

Ani iirarete ŋituŋa daadaŋ agiro ka eruye ŋolo ka arupepe ka ani iŋolikinete akimilyaa ka emoru epurui, abu akuryanu min neni kec, tomaranikis, towua aneni alwanan.

Isa. 17:13

Irurumaete ŋituŋa a ŋakwapin lopite ŋolo irurumaata ŋakipi ŋuna alalak, nai ikilakini Ekapolon ŋituŋa ŋul, ido toema neni alwanan nooi, iritaryo ikes lopite ŋolo ekutarya ekuwuam ŋamilo alokidiama ŋimoru ka lopite ŋolo ipiripirya apuwa alokuwuam.

Esek. 43:2

eŋolik ayoŋ a nen akica ŋina ka Akuj a Isirael ebunit alo Kide. Ekwaan eruye keŋ ka ŋolo a ŋakipi a ŋuna alalak a ŋuna ipumasi, abu akica ŋina ka Akuj kinwak akwap.

Sakar 9:14

“Etakanuni Ekapolon eyai kidiama ŋituŋa keŋ; egumuni iŋes ŋikaleŋeleŋe keŋ ikwaan ka akimilyaunet. Ekutakini Ekapolon ŋolo Etiron arupepe; ebuni iŋes alokuwuamin a ŋulu alo Kwap a ŋulu ipiripirete.

1 Ŋikor. 13:1

Ani kerwor ayoŋ a ŋaŋajepa a ŋituŋa ka a ŋuna a ŋimalaikan daŋ, nai tomam amina aneni kaŋ, ikoni erwor kaŋ asuwat ŋina arwon kori ekadoŋodoŋot ŋolo ikilya.

Akis. 1:10

Anakoloŋit a ŋina ke Ekapolon, abu apedor ŋina ke Etau a ŋolo Asegan min neni kaŋ, abu eira etoil alokaku kaŋ ŋolo ereta ikwa arupepe.

Akis. 1:15

Acayete ŋakejen keŋ ikwa asuwat ŋina epwasitae ka erurumae etoil keŋ ikwa ŋakipi ŋuna ipumasi.

Akis. 11:12

Apotu ŋikadwarak ŋuluarei ŋul kiirasi etoil ŋolo apolon anakuj ebala neni kec, “Potu nege!” Apotu toloto nakuj alotooma edou iteete ŋimoi kec.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 15:2

Abu oanyuwa ibore ŋini ekoni anam ŋina a ŋakalilii imorikina ka akim. Abu daŋ oanyuwa ŋulu kepotu kilout etyaŋ ka etorube keŋ ta enamba ŋolo ke ekiro keŋ. Awuasi ikes ke epeiwae anam ŋina a ŋakalilii, toyakatar ŋaduŋgui ŋuna keinakini Akuj ikes.

Akis. 18:22

“Nyiiraryo nabo aneni kon eruye ŋolo a ŋaduŋgui ka ŋitoilon a ŋituŋa, ŋolo a ŋikakutak ŋapilui ka ŋarupepe! Nyeryamun nabo ŋiketiyak kon ŋulu aosok jik. Nyiirar nabo eruye ŋolo ka amoru a ŋinakiryeet.

Akis. 5:8

Ani kedau iŋes alemar ekitaabo, apotu ŋisubuna ŋuluomwon ka ŋikatukok ŋulutomoniarei ka ŋiomwon toramakinos kwap kiŋaren Imesek. Ayakar ŋolosubuna ka ŋolokatukon aduŋgu ka abakule ŋina etiyaunitae a egolid, kileleba eminae ŋolo ke ekinyate ŋolo erae ŋakilipasinei ŋuna a ŋituŋa a ŋulu ka Akuj.

Akis. 6:1

Abu eŋolik Imesek eŋaari akipucet ŋina esyaunan a ŋunakanikaarei. Abu eira epei alosubuna a ŋuluomwon elimuni a etoil a ŋolo acela ikwa agirokinet ebala, “Bua!”

Akis. 8:7

Abu emalaika ŋolo esyaunan tokutak arupepe keŋ. Potu ŋakako ka akim inyaluna ka ŋaokot tobukunos nakwap. Tonomiya atutubet apei alotooma ŋunauni ŋuna ka akwap, tonomiya nabo ŋikito daŋ apeitutubet alotooma ŋunauni, ka abu tonomiya ŋinya ŋulu alibak daadaŋ.