Akis. 14:18 - Ebaibul

¹⁸ Abu nabo emalaika ece ŋolo epolokinit akim tolomu a Namuroet, kiworou a etoil a ŋolo apolon neni a ŋolo ayakar ekileŋ ŋolo emilia tema, “Kisitiya ekileŋ kon, tolem ŋaraito ŋuna ke epiini alomanikor a ŋolo ka akwap, anerae akoko ŋaraito.”

Akis. 14:18 Iomraidhean Croise

Yoel 3:13

Aroketa ŋituŋa nooi; Ekapolon, tolema ikes ikwa elemarere ŋimomwa alomanikor ŋirwa ŋulu elemere, kicak ikes lopite ŋolo icakere ŋaraito ke epiini eccuyo toleleya epiini.

Mar. 4:29

Ani ekokete, elemuni elope atipei ekileŋ tolemia; anerae adol ŋirwa ŋulu elemere.”

Akis. 16:7

Abu eira etoil a Namuroet ebala, “Ekapolon Akuj ŋina etiron! Iyookino kire ŋuna itubi iyoŋ!”

Akis. 16:8

Abu emalaika ŋolo a ŋiomwon tobukok anyunyura ŋina ka Akuj anabakule keŋ nakoloŋ ka aponi tocamakinae akinom ŋituŋa ka amwanis keŋ a ŋina arirae.

Akis. 8:3

Abu emalaika ece ŋolo ayakar abakule ŋina etiyaunitae a egolid, ŋina ecunyeneneere eminae ŋolo ke ekinyate, bu towo alokiŋaren Namuroet. Aponi inakinae iŋes eminae ŋolo ke ekinyate ŋolo alalan, kimorikin ka ŋakilipasinei ŋuna a ŋituŋa a ŋulu ka Akuj a daadaŋ, ya Namuroet ŋin ŋina etiyaunitae a egolid ŋina ayai kiŋaren ekicoloŋ.