Akis. 14:11 - Ebaibul

¹¹ Erubakini apuru ŋina ka akim a ŋina isicani ikes elosi kidiama ŋikaru ka ŋikaru. Emam apaaran kori akuwar ŋina ieŋuniata alocan kec. Ŋituŋa ŋulu ilipete neni ke etyaŋ a ŋol ka neni ke etorube keŋ, ikes ŋulu eyai emacar keŋ loreetin kec.”

Akis. 14:11 Iomraidhean Croise

Akisy. 19:28

kirereiyo a nen kwap lowae ŋolo a Sodoma ka Gomora ka lowae ŋolo a ŋadipoe a ŋimukura, kiŋolik apuru a akwap a ŋin eremit kidiama ikwa ŋina ka arira a ŋina ti apolon.

Ŋikiru. 10:16

Erae Ekapolon erwosit ŋolo a ŋikaru ka ŋikaru, isunyarosi ŋituŋa a ŋakwapin anakwap keŋ alo Isirael.

Ŋikiru. 145:1

Okoe Akuj, erwosit kaŋ, eketopoloori ayoŋ iyoŋ; epuri ayoŋ ekiro kon ŋikaru ka ŋikaru.

Awos. 15:18

Iyoŋ Ekapolon irubakini irae ekepukan ŋolo a ŋikaru ka ŋikaru.”

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Isa. 34:10

Mam ituŋanan iboikin nen ananyameta a daadaŋ, mam ituŋanan itori nen ŋikaru ka ŋikaru.

Isa. 34:8

Eyakar Ekapolon akoloŋit ŋina inyaŋia ŋuna itiyato ŋituŋa, eyakar Ekapolon ekaru ŋolo itiyaa ŋakiro iyookino aŋuna a ŋituŋa a Sion.

Isa. 57:20

Nai erubakinito ŋikaronok itiyaete aronis esibito ŋakipi a anam ŋuna imorokokoete jik, ŋuna nyecamito adipakin; ŋuna iwokito jik arimama ka ecoto.”

Dan. 3:6

Ituŋanan daadaŋ ŋini nyeryediki kilip, imasakinio atipei nakim ŋina a ekitet ŋina erirae.”

Yoel 2:30

“Etiyakini ayoŋ ŋakujuwuanisya alokidiama ka ŋaumonokineta alokwap, eyakaun ŋaokot ka akim ta apuru ŋina alalan nooi;

Mat. 11:28

“Potu neni kaŋ iyes daadaŋ ŋulu ikiupit aloticisyo kus ka aŋuna ka akiwokit ŋigogoso; ekesieŋuni ayoŋ iyes.

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Mat. 25:46

Ŋul ikes ecakakinio nakim ŋina nyeduŋe, nai ŋulu iyookino elomarete nakiyar ŋina nyedaun.”

Ŋikis. 28:65

Anakwapin a ŋun, nyiyakaunotor iyes alakara, mam akibois eruwor ŋina kus ikiinakini iyes Ekapolon a nen aruwor ŋulu iilit ŋitai, ŋulu a ŋipapan ka iyaloloŋete.

Ŋibur. 1:8

Nai neni a Lokoku keŋ, tolimu Akuj tema, “Irae iyoŋ Akuj ka eropari Apukan kon jik! Ipukat iyoŋ ŋituŋa kon anakiyookino.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 13:12

Esitiyae iŋes apolou daadaŋ ŋina ke etyaŋ a ŋolo ke ekiŋaren, a ŋolo ariŋa eyai nen. Abu kitiŋak ŋituŋa daadaŋ ŋulu iboiyete anakwap akilip neni ke etyaŋ a ŋolo esyaunan a ŋolo keris ajeme keiyo.

Akis. 13:15

Aponi tocamakinae etyaŋ ŋolo a ŋiarei akieŋakin akiyar tooma lotorube ŋolo ke etyaŋ a ŋolo ke ekiŋaren, ikotere kisirworik etorube ka kitaar daadaŋ ŋulu awounete akilip neni keŋ.

Akis. 13:17

Emam ituŋanan ŋini apedori akigyel kori agyelanar emam emacar ŋol, mati eyakar emacar ŋol ŋolo erae ekiro ŋolo ke etyaŋ kori enamba ŋolo erae ŋolo ke ekiro a ŋol.

Akis. 14:9

Abu emalaika ŋolo a ŋiuni kiwuapak ŋuluarei ŋulu ke ekiŋaren irworo a etoil a ŋolo apolon ebala, “Ituŋanan daadaŋ ŋini ilipi neni ke etyaŋ ka neni ke etorube keŋ, ido toryamu emacar aloreet kori anakan keŋ,

Akis. 18:18

kikalout eanyuwarete apuru ŋina ka arira a ŋina anomiyari iŋes temasi, “Emam etaun ece ŋolo ekoni etaun ŋolo apolon nooi lo ŋinapei koloŋ!”

Akis. 18:9

Ikalounete ka iyaloloŋete ŋirwosi ŋulu ka akwap, ŋulu kitiyaete ka iŋes amalao ka ekibure ŋolo aronon, aŋuna ke etaun a ŋolo apolon, apaki ŋina eanyuwaryata apuru ŋina ka arira a ŋina enyamuwari iŋes.

Akis. 19:3

Tocelut nabo temasi, “Alleluia! Elosi apuru ŋina ka arira a ŋina enyamuwari etaun ŋolo apolon nooi ŋol kidiama ŋikaru ka ŋikaru!”

Akis. 20:10

Aponi kimasakinae Satan ŋolo amodikini ikes nanam ŋina ka akim ka ŋina a Sulpa neni aris kimasakin etyaŋ ka ekadwaran ŋolo alyokonon; isicanio ikes apaaran ka akuwar ŋikaru ka ŋikaru.

Akis. 22:5

Nyeyakaun nabo jik akuwar ace, nyiitanete ikes ŋitaae kori akoloŋ, anerae eruwor Ekapolon Akuj akica kec ka ipukaete ikes ŋikaru ka ŋikaru.

Akis. 7:12

ebasi, “Amen! Akipuro, apolou, aosou, akitalakanar, akerit, apedor ka agogoŋu toyakas neni ka Akuj ŋikaru ka ŋikaru! Amen!”