Akis. 13:6 - Ebaibul

⁶ Kisyak etyaŋ ŋol akiyany Akuj, akiyany ekiro ŋolo ka Akuj ka neni iboiyo Akuj ta ŋulu eyakasi nakuj.

Akis. 13:6 Iomraidhean Croise

Yob 3:1

Ekaku a akililiŋ a ŋin, togeik Yob akirworo kicen akoloŋit ŋina edounere iŋes.

Ŋikiru. 73:9

Irworosi ikes ŋakiro ŋuna aronok neni ka Akuj a ŋina eyai nakuj, ido irworosi ŋakiro ŋuna ka akituro kec neni a ŋituŋa.

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Dan. 7:25

Irwori iŋes eremokino Akuj ŋina alokidiama nooi, enipori iŋes ŋituŋa ŋulu ka Akuj a ŋina alokidiama nooi, ikatakini iŋes akilocokin ŋapakio ŋuna a ŋasuban ka ŋikisila. Einakinio ŋituŋa ŋulu ka Akuj napedor keŋ ekaru epei, ŋikaru ŋiarei, atutubet a ekaru.

Dan. 7:8

Ani eriŋa ayoŋ ete ŋamomwar a etyaŋ a ŋol, abu ayoŋ eŋolik amomwara ace ŋina adit alokidiŋ ŋamomwar ŋunatomon. Abu amomwara ŋin kilunyokin neni a ŋamomwar a ŋauni a ŋuna aponi toditarae anakou a etyaŋ. Aya daŋ namomwara ŋin ŋakonyen ŋuna ekwaan ka ŋuna a ituŋanan, ayakar daŋ etyaŋ ŋol akituk ŋina erworo ŋakiro ŋuna ka akituro.”

Mat. 12:34

Iyes ŋulu iroko ŋulu ikote ŋapomia, ikokinete iyes irworosi ŋakiro ŋuna ajokak toraakas ŋulu aronok ai? Anerae elimuni akituk ŋuna eya lotau.

Mat. 15:19

anerae lotau elomununiata ŋakiro ŋuna aronok, ikwa: akiar, elomi, amalao, akoko, alyokonu ka akiyany.

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Ŋirom. 3:13

Ŋakiro ŋuna irworosi ikes eyaununuyete atwanare; ileleba amodiyo ŋina aronon lorwor kec, nabo daŋ ŋakiro ŋuna irworosi ikes erae ŋuna aarak, ikote akisorit ŋina ke emun.

Ŋikol. 1:19

Anerae abu Akuj alope tolakari tocamu atemar toyakaunor Lokoku keŋ epite daadaŋ ŋolo ikoni ŋolo keŋ.

Ŋikol. 2:9

Anerae eyai akujuwuanut daadaŋ ŋina ka Akuj Papa neni a Kristo alokuwane keŋ

Ŋibur. 9:2

Adukunitoe eema ŋolo aya tooma keŋ ŋagulei ŋaarei: anyaritae ŋina esyaunan Akibois ŋina Asegan. Tooma keŋ ayai awoet a etaa ka ayai emesa ŋolo aya ŋamugati ŋuna alemianakinio Akuj.

Ŋibur. 9:24

Anerae pa alomarit Kristo Nakibois ŋina Asegan ŋina adukunete ŋituŋa, ŋina erae iŋes bon erae akisikwaanet ka Akibois a ŋina a kire. Nai nakuj abu iŋes toloma, neni tokona ewuar iŋes alokiŋaren Akuj aŋuna yok.

Akis. 11:12

Apotu ŋikadwarak ŋuluarei ŋul kiirasi etoil ŋolo apolon anakuj ebala neni kec, “Potu nege!” Apotu toloto nakuj alotooma edou iteete ŋimoi kec.

Akis. 12:12

Aŋun, tolakari iyoŋ nakuj ka ŋulu iya tooma keŋ! Nai ekaŋ iyes ŋulu iyakasi nakwap ka nanam! Anerae abu Satan kwap neni kus ka enyunyura nooi, aŋuna eyenia atemar eyakar iŋes apaki ŋina euruwuana nooi.”

Akis. 15:5

Kedaunosi ŋun, abu oanyuwa Akai ka Akuj anakuj eŋaara, arae iŋes eema ŋolo ayai Akuj.

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!

Akis. 21:3

Abu eira etoil ŋolo apolon irworo alokicoloŋ a ŋolo ka apolou ebala, “Kiŋolik! Ameun tokona erukito Akuj ka ŋituŋa keŋ! Erukete iŋes ka ikes, eruworosi ikes ŋituŋa keŋ. Erukete Akuj alope ka ikes, eruwor iŋes Akuj kec.

Akis. 4:1

Ani kelunyar ŋun, abu oanyuwa ekek eŋaara anakuj! Abu nabo eira etoil ŋolo sek aris ayoŋ keira irworo neni kaŋ ikwa arupepe ebala, “Bua laalo eketoodik ŋuna itemokino totakanut ekaku a nu.”

Akis. 4:4

Erikaunito ekicoloŋ ŋol ŋikicoloŋo ŋulu arae ekimar kec ŋatomoniarei ka ŋiomwon, kicoloŋito ŋikatukok ŋatomoniarei ka ŋiomwon, ŋulu anapito ŋikaasoi ŋulu akwaŋak, tonapito daŋ ŋibokoi ŋulu etiyaunitae a egolid.

Akis. 5:13

Abu eira ŋolosubuna anakuj, anakwap ka anakwap a ŋikatwak ka ananam ta ŋinibore daadaŋ eyai tooma kec ebasi, “Toyai akipuro, akerit, apolou ka agogoŋu neni a ŋolo iboi alokicoloŋ ka neni a Imesek, ŋikaru ka ŋikaru!”

Akis. 7:15

Erae ŋakiro ŋun ewuatar ikes alokiŋaren ekicoloŋ ŋolo ka Akuj ka kitiyaete Kai keŋ apaaran ka akuwar. Iŋes ŋolo iboi alokicoloŋ iuryari ikes aŋuna ka ayakau keŋ.

Akis. 7:9

Ani kelunyar ŋun, abu oanyuwa asepic a ŋituŋa a ŋulu pa apedori idiotuŋanan akimarun. Arae ikes ŋulu a ŋibukui, a ŋikabilae, a ŋakwapin ka a ŋaŋajepa a daadaŋ. Apotu ikes towua alokiŋaren ekicoloŋ ŋolo a Imesek; tonapito ŋilowi ŋulu akwaŋak ka toyakatar ŋaten ŋuna a ŋaŋolya nakan kec.