Akis. 13:2 - Ebaibul

² Ekwaan etyaŋ ŋol ka eris, ayakar ŋakejen ŋuna ekwaan ka ŋuna ka etyaŋ a ece a ŋolo adedeŋan, ekwaan akituk keŋ ka ŋina ke eŋatuny. Abu epiu inak etyaŋ ŋol apedor, ekicoloŋ ka apolou keŋ ŋina alalan.

Akis. 13:2 Iomraidhean Croise

2 Ŋirw. 2:24

Toboboŋ iŋes kitek ikes, tosodi kilamakin elimit ekiro ke Ekapolon. Tolomut anamoni ŋityaŋ ŋuluberu ŋiarei ŋulu adedeŋak; toara ŋityaŋ ŋul ŋidyain ŋul daadaŋ ŋatomoniomwon ka ŋiarei.

Ŋikiru. 22:21

toiunae ayoŋ aloŋatunyo a ŋul, toiunae ayoŋ alomoŋin a ŋuludedeŋ a ŋul.

Ŋakit. 17:12

Ejok ajiore ka ityaŋ ŋini adedeŋan ŋini ikibenyuni aŋuna edemaritere iŋes ŋitak keŋ, akilo ajiore ka ibaŋaanot aŋuna ka abaŋao keŋ.

Ŋakit. 28:15

Ituŋanan ŋini aronon ŋini ipukat ŋikulyak, ikoni eŋatuny ŋolo irurumae, kori ityaŋ ŋini adedeŋan ŋini eresiyara.

Isa. 5:29

Irurumaete ikes ikwa eŋatuny, irurumaete ikes ikwa ŋiŋatunyo ŋulusorok ŋulu iiligakinete, ido kikamut etyaŋ ŋolo enyamete ikes, ido kiwokosi iŋes a nen yaasi neni nyepedorere ademar ikes.

Yer. 13:23

Epedorete mono ŋituŋa ka Esiopia akilocokin eyakae a ŋawat kec a? kori epedori eris akilocokin ŋameriyek keŋ a? Iŋes atemar iyes daŋ ipedorete akilocokin ŋiticisyo kus ŋulu aronok toruworos ŋulu a jokak.

Yer. 5:6

Aŋun, eari eŋatuny ŋolo ebunit anamoni ikes, emunyari epeot ŋolo ebunit analoŋisat ikes. ite eris ŋitaunio kec eremokino; ituŋanan daadaŋ ŋini elomuni kiŋa alotaunio kec, enyilinyiliyaryo, anerae elalak ŋasecisya kec ka epol nooi epite ŋolo aŋeryoto ikes akiwuap ŋuna ebookoi.

Osea 11:10

Iwuapakinete ikes Ekapolon, irurumakini Ekapolon lopite ŋolo irurumaa eŋatuny, ani irurumakini iŋes, epote ŋidwe keŋ alo To neni keŋ emaranete.

Amos 3:12

Alimu Ekapolon ŋakiro nu ebe, “Ikwaŋina edemunia ekeyokon eŋatuny ŋakejen a ibarasit ŋaarei, kori akit bon a akine keŋ, ŋituŋa a Isirael ŋidikudyo ŋulu iboiyete alo Samaria eiunio, ido eemyata ikes ŋakejen a ekitaada ka akicoloŋ bon.”

Amos 5:19

Ikwaanikin akoloŋit ŋin ka ŋina ani keem ituŋanan kilany eŋatuny, kiryamunos ka etyaŋ ŋolo adedeŋan akilo, kori ani ieŋuni alokai keŋ erwaarit akan keŋ narwatata, tokony emun nakan.

Abak. 1:8

Epiraka nooi ŋaŋolei kec akilo ŋirisae, ededeŋ nooi akilo neni ededeŋiata ŋipeei ŋisaae ŋulu ka ataboŋ, icurosi ŋaŋolei kec ipudaete akwap nooi. Eponeneete ŋikametok ŋaŋolei kec anakwapin a ŋuna alwanak. Iuwaunun ikwa egole ecamit akinyam ibore.

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.

1 Pet. 5:8

Totenito, tokienyete! Anerae irimit Satan, ŋolo erae emoit kus ikwa eŋatuny ŋolo irurumae iwarit idio ŋini nyamat.

Akis. 12:13

Ani eanyuni epiu atemar ekemasun iŋes kwap, abu kisyak akiwuapit aberu ŋina edouni ikoku ŋini sapat.

Akis. 12:15

Abu nai epiu tobuk akalele ŋina a ŋakipi anakituk keŋ neni ka aberu, ikotere iwoki akalele iŋes.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

Akis. 13:12

Esitiyae iŋes apolou daadaŋ ŋina ke etyaŋ a ŋolo ke ekiŋaren, a ŋolo ariŋa eyai nen. Abu kitiŋak ŋituŋa daadaŋ ŋulu iboiyete anakwap akilip neni ke etyaŋ a ŋolo esyaunan a ŋolo keris ajeme keiyo.

Akis. 13:4

Kilipa ŋituŋa daadaŋ neni ke epiu, anerae abu inak apolou keŋ neni ke etyaŋ. Kilipa ikes tari neni ke etyaŋ ebasi, “Ŋae ikoni etyaŋ? Ŋae epedori akitijiore iŋes?”

Akis. 16:10

Tobukok emalaika ŋolo a ŋikan anyunyura ŋina ka Akuj anabakule keŋ lokicoloŋ ŋolo ke etyaŋ. Kiryoniar ebuku ŋolo ke etyaŋ cuc; tokonyokonyata ŋituŋa ŋaŋajepa kec aŋuna aryebatar.

Akis. 17:12

“Ŋamomwar ŋunatomon ŋuna ianyuwarit iyoŋ, erae ŋirwosi ŋitomon ŋulu eriŋa nyeryamuna apukan, nai eryamunete ikes apedor ŋinakipukaet kaapei ka etyaŋ esaa epei bon.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Akis. 2:13

Ayeni ayoŋ neni iboiyo iyoŋ; erae neni ipukat Satan. Nai irubakinit iyoŋ ikinupit ayoŋ, ibu iyoŋ nyiŋer anupit ayoŋ tari alorwa a ŋulu aarere Antipa, esuuda kaŋ ŋolo anupit nooi aina, anakwap a ŋina iboiyo Satan.

Akis. 20:2

Kikamu iŋes epiu--emun ŋoloŋorot, ŋolo erae Ekipye ka Satan, toen iŋes a ŋiriko ŋikaru aliput apei.