Akis. 13:18 - Ebaibul

¹⁸ Itemokino toyakatar aosou. Ituŋanan ŋini eos, epedori aripun enamba ŋolo ke etyaŋ, anerae erae enamba ŋol ŋolo ke ekiro a ituŋanan. Enamba keŋ erae ŋamiae ŋakanikapei ka ŋatomonikanikapei ka ŋikanikapei (666).

Akis. 13:18 Iomraidhean Croise

Ŋikiru. 107:43

Emaikina ituŋanan daadaŋ ŋini eos topupok ŋakiro ŋun, totamatama ŋuna ka amina; ke Ekapolon a ŋina nyiryaŋiryaŋa.

Dan. 12:10

Italeunio, itesegunio ka itojokunio ŋulu alalak, nai erubakinete ŋulu aronok itiyaete aronis. Mam ipei daŋ aneni a ŋulu aronok ŋini eyenuni ŋakiro, nai eyenunete ŋulu aosok.

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Mar. 13:14

“Iŋolikinete iyes asiilyo etakanuni neni nyitemokino etakanunia. (Itemokino ŋini esyomi toyenu apolou a ŋakiro a ŋun!) Apaki ŋin, itemokino ŋulu eyakasi Yudeya, toema lomoru.

Ŋirom. 3:5

Nai ani kitoodiunito ŋuna aronok ŋuna ikitiyae iwon akiyookino ŋina ka Akuj, ikitemari iwon ai? Ikitemari mono nyiyookino Akuj aŋuna ikisicania iwon aŋuna a ŋiticisyo yok a ŋulu aronok a? (Erworo ayoŋ nu lopite ŋolo a ŋituŋa)

Ŋikis. 3:11

(Erwosit Og bon edoŋit eyari aneni a Ŋirepaim. Ŋuna ileerete ikes nu, tari tokona eyai ekitaada keŋ ŋolo etiyaunitae a ŋasuwa Raba lotaun ŋolo a Ŋiamoni. Erae aoyau ke ekitaada keŋ ŋimitae ŋiomwon ka erae alalau keŋ ŋimitae ŋiarei.)

Akis. 1:3

Erereŋ ituŋanan ŋini esyomi ŋakiro ŋuna edwaritae ka erereŋ ŋulu epupete nu kiricakis ŋakiro ŋuna igiritae lokitaabo lo! Anerae eapi apaki ŋina etakanuniata ŋakiro nu.

Akis. 15:2

Abu oanyuwa ibore ŋini ekoni anam ŋina a ŋakalilii imorikina ka akim. Abu daŋ oanyuwa ŋulu kepotu kilout etyaŋ ka etorube keŋ ta enamba ŋolo ke ekiro keŋ. Awuasi ikes ke epeiwae anam ŋina a ŋakalilii, toyakatar ŋaduŋgui ŋuna keinakini Akuj ikes.

Akis. 17:9

“Itemokino toyakatar aosou ka ayenut. Erae ŋakyes ŋunakanikaarei ŋikamukumukui ŋikanikaarei, ŋulu iboiyo aberu. Erae daŋ ikes ŋirwosi ŋikanikaarei;

Akis. 21:17

Abu emalaika kipim arwatata daŋ, arae aoyau keŋ ŋina alokidiama ŋamitae ŋatomonikanikapei; ikwapei araakar epite ŋolo epimianaa iŋes.