Akis. 13:15 - Ebaibul

¹⁵ Aponi tocamakinae etyaŋ ŋolo a ŋiarei akieŋakin akiyar tooma lotorube ŋolo ke etyaŋ a ŋolo ke ekiŋaren, ikotere kisirworik etorube ka kitaar daadaŋ ŋulu awounete akilip neni keŋ.

Akis. 13:15 Iomraidhean Croise

Akisy. 2:7

Toyeu nai Ekapolon Akuj ituŋanan a ŋalup, tokutak ekieŋanu ŋolo erae akiyar lokumes a ituŋanan; toruwor ituŋanan ŋin ŋini eyari.

Ŋikiru. 115:5

Eyakatar ŋakitukwa, nai nyirworosi, eyakatar ŋakonyen, nai nyiteete;

Yer. 10:14

Imasimasit ŋituŋa daadaŋ ka emamukatar aosou; irumete ŋileec ŋituŋa ŋulu itiyaununete ŋakujo a egolid, anerae erae ŋitorubei kec ŋulu ka alyokonu ka emam ekieŋanu eyai lotorubei ŋul.

Yer. 10:5

Ikwaan ŋakujo kec ka ŋiboorei ŋulu itwarere ŋikyeny alomanikor a ŋolo itakinitae ŋakolil, nyepedorete ŋakujo ŋun akirworo, iwokitae ikes anerae nyepedorete alosit. Nyikuryaketa aŋuna kec, anerae nyepedorete ikes akitiya aronis, kori nyepedorete daŋ akitiya ajokis.”

Yer. 51:17

Ebaŋaaka ŋituŋa daadaŋ ka emamukatar ayenut isirumete ŋakujo ŋulu eyeete ikes a egolid ŋileec, anerae erae ŋitorubei kec ŋicaryo, emamukatar ŋitorubei ŋul ekieŋanu.

Dan. 7:20

abu daŋ ayoŋ eitan ŋuna a ayenun a ŋamomwar a ŋunatomon a ŋuna aya nakou keŋ ka amomwara ŋinace ŋina arupuni ekaku, ido toditarae ŋamomwar ŋunauni, amomwara ŋina ayakar ŋakonyen ka akituk ŋina erworo ŋakiro ŋuna ka akituro, ŋina asibit iŋes apol akilo ŋunace.

Dan. 7:25

Irwori iŋes eremokino Akuj ŋina alokidiama nooi, enipori iŋes ŋituŋa ŋulu ka Akuj a ŋina alokidiama nooi, ikatakini iŋes akilocokin ŋapakio ŋuna a ŋasuban ka ŋikisila. Einakinio ŋituŋa ŋulu ka Akuj napedor keŋ ekaru epei, ŋikaru ŋiarei, atutubet a ekaru.

Abak. 2:19

Ekaŋ iyes, ŋulu ibasi neni ka akitoe ebe, “Tonyou!” Kori neni ka amoru ebe, “Tonyou!” Epedori mono akuj ŋina itiyaunitae alimokin iyoŋ ŋakiro ŋadi a? Epedoryo akuj ŋin bon akitiyaun ke esilipa, kori ke egolid, nai mam akiyar eyai tooma keŋ.

Yak. 2:26

Ikwaŋinapei etwanitor akuwan emam etau, anupit daŋ etwanit emam ŋiticisyo.

Akis. 13:1

Abu oanyuwa etyaŋ elomuni ananam. Ayakar ŋamomwar ŋatomon ka ŋakyes ŋakanikaarei; a ŋinamomwara ayakar atoriet ka ŋinakou ayakar ekiro ŋolo eyanyit Akuj.

Akis. 13:12

Esitiyae iŋes apolou daadaŋ ŋina ke etyaŋ a ŋolo ke ekiŋaren, a ŋolo ariŋa eyai nen. Abu kitiŋak ŋituŋa daadaŋ ŋulu iboiyete anakwap akilip neni ke etyaŋ a ŋolo esyaunan a ŋolo keris ajeme keiyo.

Akis. 13:14

Abu tomodik ŋituŋa daadaŋ ŋulu iboiyete anakwap a ŋakujuwuanisya a ŋuna acamakinitae iŋes akitiya alokiŋaren etyaŋ ŋolo ke ekiŋaren. Tolimok etyaŋ ikes adukokin etorube ŋolo ke etyaŋ a ŋolo awanitae ka atum, nai ayari.

Akis. 14:11

Erubakini apuru ŋina ka akim a ŋina isicani ikes elosi kidiama ŋikaru ka ŋikaru. Emam apaaran kori akuwar ŋina ieŋuniata alocan kec. Ŋituŋa ŋulu ilipete neni ke etyaŋ a ŋol ka neni ke etorube keŋ, ikes ŋulu eyai emacar keŋ loreetin kec.”

Akis. 14:9

Abu emalaika ŋolo a ŋiuni kiwuapak ŋuluarei ŋulu ke ekiŋaren irworo a etoil a ŋolo apolon ebala, “Ituŋanan daadaŋ ŋini ilipi neni ke etyaŋ ka neni ke etorube keŋ, ido toryamu emacar aloreet kori anakan keŋ,

Akis. 16:2

Abu emalaika ŋolo ke ekiŋaren tolot, tobukok anyunyura ŋina anabakule keŋ nakwap. Apotu ŋajemei ŋuna aronok nooi ŋuna apipilak pena lotuŋa ŋulu ayakatar emacar ŋolo ke etyaŋ ka neni a ŋulu elipete neni ke etorube keŋ.

Akis. 16:5

Eira emalaika ŋolo apolokinit ŋakipi ebala neni ka Akuj, “Itubok iyoŋ iyookino, iyoŋ ŋina Asegan, ŋina irae ka ŋina arae!

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 17:17

Anerae adau Akuj akiwuakin lotai kec akitiya acamit keŋ, ŋina erae akimorikina kaapei, inakis etyaŋ apedor kec akipukaa akitodol ŋina iyookinotor ŋakiro ŋuna ka Akuj.

Akis. 17:6

Abu oanyuwa aberu ŋin emerete ŋaokot ŋuna a ŋituŋa a ŋulu ka Akuj ka ŋuna a ŋulu kearyo aŋuna kenupitotor Yesu. Ani eŋolikini ayoŋ iŋes, abu okobul nooi.

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!

Akis. 18:24

Aponi Babilon kisicanae, anerae aponi toryamunae ŋaokot ŋuna a ŋikadwarak ka ŋuna a ŋituŋa a ŋulu ka Akuj aneni keŋ; ŋaokot a ŋituŋa daadaŋ a ŋulu aaryo anakwap.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Akis. 20:4

Abu oanyuwa ŋikicoloŋo ŋulu ka apolou icoloŋito ŋulu ainakinitae apedor aruwor ŋikatubok. Abu daŋ oanyuwa ŋitai a ŋituŋa a ŋulu ketubonoryo ŋakyes, aŋuna araakatar ikes ŋisuudae a Yesu ka aŋuna ka Akirot a ŋina ka Akuj. Kepotu ikes nyilipa neni ke etyaŋ kori neni ke etorube keŋ ka nyiwuakina emacar ŋolo ke etyaŋ loreetin kori nakan kec. Toyarut ikes kipukata kaapei ka Kristo ŋikaru aliput apei.